Fréttablaðið - 11.02.2023, Qupperneq 2

Sátti hefur ekki heim-
ild til að semja svona
við einhverja svona
konu úti í bæ.
Jón Steinar
Gunnlaugsson,
fyrrverandi
hæstaréttar-
dómari
Saga Matthildur vann
Saga Matt hildur Árna dóttir var í gærkvöld krýnd sigur vegari Idol stjörnu leitar Stöðvar 2. Þrátt fyrir ungan aldur hefur Saga áður keppt í söng, en 2015 keppti
hún í Söngva keppni fram halds skólanna fyrir hönd Fjöl brauta skólans í Garða bæ. Saga er 24 ára og stundar nám við Há skóla Ís lands í tóm stunda- og fé lags-
fræði og starfar í fé lags mið stöð. Í sam tali við Frétta blaðið fyrir úr slita kvöldið sagðist hún ekki hafa búist við að komast í úr slitin. Mynd/VilhelM
RÁÐSTEFNA
Í tilefni af 10 ára afmæli Gleym mér ei
styrktarfélags verður efnt til ráðstefnu um missi í
barneignarferlinu. Ráðstefnan er ætluð
heilbrigðisstarfsfólki og er í samstarfi við
Háskóla Íslands, Heilsugæslu
Höfuðborgarsvæðisins, Landspítala og
Ljósmæðrafélag Íslands.
19. APRÍL 2023 Á HILTON NORDICA OG Í STREYMI
Kaupa miða:
https://gmeradstefna.is/
Þráinn Árni Baldvins-
son, kennari og tónlistar-
maður, hefur verið að kenna
erlendum börnum íslensku í
gegnum tónlist. Þekkingarnet
Þingeyinga vildi prófa sömu
aðferð fyrir fullorðna og hófst
kennsla í vikunni með uku-
leleleik og söng.
benediktboas@frettabladid.is
Samfélag „Maður lærir betur að
syngja um hlutina frekar en að tala
um þá. Maður kann til dæmis að
syngja með Rammstein en það er
erfiðara að setjast niður með bók og
lesa þýsku,“ segir Þráinn Árni Bald-
vinsson, kennari og tónlistarmaður.
Þráinn hefur þróað kennsluað-
ferð þar sem hann kennir nýbúum
íslensku í gegnum tónlist.
Tilraunaverkefni tónlistarskóla
Þráins, Tónabrúar, og Þekkingar-
nets Þingeyinga, hófst á mánudag
á Húsavík. Þráinn verður með tvo
hópa, annars vegar í staðnámi og
hins vegar í fjarnámi.
„Þetta er fólk sem kann enga
íslensku og ætlar að læra íslensku
mestmegnis í gegnum tónlistina. Ég
er núna búinn að hitta hóp á hverju
kvöldi í heila viku og kenna honum
á ukulele og svo erum við að spila og
syngja. Allt frá barnalögum og upp í
nánast hvað sem er.
Í næstu viku byrjar fjarkennslan
og þá kemur fólk frá Þórshöfn,
Mývatnssveit og annars staðar að
norðan, sem fær sent ukulele til
sín og hittir mig á Zoom. Allir fá tíu
klukkutíma,“ segir Þráinn.
Verkefnið fékk styrk úr Þróunar-
sjóði framhaldsfræðslu sem er
fræðslusjóður atvinnulífsins en
hugmyndin kviknaði hjá Þráni með
Erlu Guðrúnu Gísladóttur þegar þau
kenndu saman í Norðlingaskóla.
Erla stýrir íslenskukennslu fyrir
erlend börn í Breiðholtsskóla og er
Dóra Ármannsdóttir með honum í
þessu verkefni.
„Þetta er sama aðferðafræði
sem við Erla notuðum og gerðum
með krakkana og er eitthvað sem
maður þekkir sjálfur. Flest allt sem
maður kann í öðrum tungumálum
er í gegnum tónlist. Maður kann til
dæmis Meistari Jakob á frönsku.
Dóra tekur svo við hópnum og
kafar betur ofan í textana sem
við erum að syngja. Við vorum til
dæmis að syngja Upp á fjall í vik-
unni og fólk tengir við það.“
Að sögn Þráins er hópurinn sem
hann er með ákaflega móttækilegur
fyrir íslenskunni.
„Þau spila lög sem þau fíla. Ein
stelpa frá Kanada sem er hjá mér
hlustar til dæmis á Kaleo þannig að
hún ákvað að hlusta á Vor í Vagla-
skógi með þeim,“ segir Þráinn.
Til að læra tungumál segir Þráinn
að bara eigi að gera það sem við-
komandi hafi áhuga á.
„Hvort sem það er tónlist eða
myndmennt eða eitthvað álíka. Svo
er hægt að kenna viðtengingarhátt,“
segir Þráinn. n
Kennir nýbúum íslenskuna
með ukulele sem leynivopn
Meistari Jakob á frönsku
Frère Jacques, frère Jacques
Dormez vous, dormez vous
Sonnez les matines, sonnez les
matines,
Ding ding dong, ding ding dong.
Þráinn ásamt nemendum sínum sem koma frá Brasilíu, Kanada, Tékklandi,
Spáni og Englandi. Mynd/Aðsend
bth@frettabladid.is
DómStólar Jón Steinar Gunn-
laugsson, lögmaður og fyrrverandi
hæstaréttardómari, telur að ríkis-
sáttasemjara sé ekki lagalega stætt
á að semja við Sólveigu Önnu Jóns-
dóttur, formann Ef lingar, um að
ekki verði borið undir dómstóla ef
Landsréttur synjar sáttasemjara um
aðgang að félagaskrá.
„Þessi embættismaður íslenska
ríkisins hefur enga heimild til að
afsala sér dómstólavernd. Íslensk
lög veita honum heimildir til að
gæta réttar almennings og honum
ber að nýta þær,“ segir Jón Steinar
um Aðalstein Leifsson ríkissátta-
semjara.
Jón Steinar segir að Aðalsteini
beri að reyna að semja við „kröfu-
gerðarkonuna í verkalýðshreyf-
ingunni“, eins og hann kallar Sól-
veigu Önnu. En ef Landsréttur synji
honum um aðgang að félagaskrá
verði að bera þá niðurstöðu undir
dómstóla.
„Sátti hefur ekki heimild til að
semja svona við einhverja svona
konu úti í bæ,“ segir Jón Steinar.
Jón Steinar segist engin dæmi
vita um að embættismaður hafi
áður samið við „þann sem óróanum
veldur“ um að sá verði ekki fyrir
frekari truflun.
„Ég held að þetta sé í fyrsta skipti
sem svona kemur upp,“ segir hann.
Fólkið í landinu verði að geta treyst
að mál séu borin undir dómstóla ef
lög kunna að vera brotin.
„Ég ráðlegg ríkissáttasemjara að
lýsa því yfir að hann geti ekki staðið
við svona samkomulag.“
Jón Steinar segist þó vona að
Landsréttur staðfesti héraðsdóm,
því að þar með yrði málinu lokið. n
Ríkissáttasemjari
fari ekki að lögum
Þau spila lög sem þau
fíla.
Þráinn Árni Baldvinsson,
tónlistarmaður og kennari
gar@frettabladid.is
náttúruvá Tveir skjálftar yfir
þremur að stærð urðu undan
Reykjanesi á áttunda tímanum í
gærkvöldi. Urðu fimmtán skjálftar
yfir tveimur á stuttum tíma.
Samkvæmt fyrstu mælingum var
stærsti skjálftinn 3,7 að styrkleika
og varð hann klukkan 19.45.
„Er þetta stærsti skjálfti sem orðið
hefur á þessu svæði frá því eldgosið
í Meradölum hófst í byrjun ágúst á
síðasta ári,“ sagði um þann skjálfta
á Facebook-síðu Eldfjalla- og nátt-
úruvárhóps Suðurlands rétt eftir að
hrinan hófst. Ekki höfðu orðið aðrir
skjálftar yfir þremur að stærð áður
en Fréttablaðið fór í prentun. n
Skjálftar hafnir á
ný við Reykjanes
2 fRéttiR FRÉTTABLAÐIÐ 11. FeBRúAR 2023
LAUGARDAGUR