Fréttablaðið - 11.02.2023, Síða 64

frettabladid.is
550 5000
RitstjóRn
ritstjorn@frettabladid.is
AuglýsingAdeild
auglysingar@frettabladid.is
PRentun & dReifing
Torg ehf.
2022 - 2025
Óttars
Guðmundssonar
bakþankar |
Ég hef aldrei borið mikla virðingu
fyrir Alþingi Íslendinga enda fylgst
lengi með störfum þess. Einu sinni
var ég reyndar í framboði til þings
en náði ekki langt sem betur fer.
Brennu Njáls saga er kennslubók
í lögum og lagaflækjum. Í stærstu
deilumálum sögunnar söfnuðu
andstæðar fylkingar liði lögmanna
sem barðist með lagakrókum. Fræg
eru viðskipti þingmanna í eftir-
málum brunans að Bergþórshvoli.
Þórhallur Ásgrímsson hrl.
(nemandi Njáls) fylgdist grannt
með útúrsnúningum og óheiðar-
leika lögspekinganna í því máli.
Hann var ekki fótafær sakir ígerðar
og veikinda. Þegar lögmannabullið
náði hámarki spratt hann upp og
stakk á ígerðinni og varð alheill.
Hann hraðaði sér á þingstaðinn og
batt enda á þvæluna með röggsemi
og ákveðni.
Síðustu viku hefur ríkt upp-
lausnarástand á Alþingi við Austur-
völl. Nokkrir þingmenn, uppfullir
af eigin mikilvægi, hafa haldið uppi
málþófi með endalausu ræðuhaldi.
Hver mannvitsbrekkan á fætur
annarri hefur haldið yfir 100 (!!)
ræður. Aðrir þingmenn hafa sýnt
þessu fjasi lítinn áhuga og ekki
mætt á þingfundi. Þetta fólk er þó
á ágætum launum frá almenningi í
þessu leikhúsi fáránleikans. Á sama
tíma og samfélagið ólgar af verk-
föllum og málaferlum og vaxta-
hækkunum rífast raunveruleika-
firrtir þingmenn við sjálfa sig.
Enginn Þórhallur Ásgrímsson er
í sjónmáli til að stöðva þessa enda-
leysu. Egill afi minn hefði kastað
silfri yfir þingheim til að sjá þennan
hégómlega hóp fara að slást. Hefðu
kosningarnar 1987 farið öðru vísi
hefði ég kannski orðið þessi maður
sem bjargaði þinginu úr trölla-
höndum. Maður á mínum aldri má
láta sig dreyma. n
Málþóf
Sparaðu tíma og
gerðu einfaldari
innkaup á netto.is
©
Inter IKEA System
s B.V. 2023
Verslun opin 11-20 alla daga ̵ IKEA.is
Markaðstorg
til sunnudags
Komdu og upplifðu sannkallaða
markaðsstemningu á sjálfsafgreiðslu-
lagernum þar sem þú getur gert
frábær kaup á fjölbreyttu úrvali
af smávörum og húsgögnum!
Sparaðu
tímann
og gerðu
einfaldari
innkaup á
netto.is