Fréttablaðið - 18.02.2023, Qupperneq 48

Vatnsdeigsbollur
á allra færi
María segir óvönum bökurum hafa tekist vel upp með þessa uppskrift en mikilvægt sé að fylgja
leiðbeiningum í hvívetna. María heldur úti vefsíðunni Paz.is. Mynd/hallur karlssonz
Vatnsdeigsbollur sem allir
geta gert
hráefni
115 g smjör eða Ljóma (best að
vigta á vog)
235 g vatn (vigtið það á vog)
1/2 tsk. salt
1 tsk. sykur
130 g hveiti
4 egg
Glassúr ofan á
3 dl flórsykur
3 msk. kakó
Vatn eftir því hversu þykkan þið
viljið hafa hann en byrjið samt
fyrst bara með 1-2 msk. og bætið
svo við
Klípa af salti
Þessu er öllu hrært saman í skál og
þá er glassúrinn til.
Aðferð
Setjið vatn, salt, sykur og smjör í
pott yfir miðlungshita.
Hitið saman þar til byrjar að
sjóða.
Þegar suðan er komin upp, setjið
þá hveitið út í og hrærið stöðugt
í með sleif þar til myndast eins og
filma í botninn á pottinum og deig-
ið er orðið vel blandað saman (alveg
í eins og 1-3 mínútur).
Setjið svo deigið til hliðar í 3
mínútur (takið tímann og hafið það
áfram í pottinum).
Bætið nú einu eggi út í og hrærið
stöðugt. Fyrst bregður ykkur og
haldið að deigið sé að skemmast því
það fer allt í sundur en hrærið þar til
það er samsett aftur. Hér notið þið
bara áfram pottinn og sleif, ekki
setja yfir í hrærivél.
Þá er að bæta eggi númer 2 í og þá
gerist aftur það sama. Þegar deigið
er samsett aftur þá er þriðja egginu
bætt í og haldið áfram svona þar til
öll fjögur eggin eru komin út í.
Mér finnst best að sprauta deiginu
á ofnskúffu með bökunarpappa. Þá
tek ég plastsprautupoka og klippi
frekar stórt gat á pokann en hef
engan stút.
Svo sprauta ég bollu á skúffuna og
passa að hafa ágætt bil á milli næstu
bollu.
Dýfið svo puttanum í vatn og
strjúkið yfir geirvörtuna sem mynd-
ast ofan á bolluna eða toppinn sem
stendur upp þannig að bollan verði
flöt að ofan.
Penslið svo að lokum með hrærðu
eggi (megið sleppa en gerir þær
mjög flottar).
Bakist í 30-35 mínútur á 190 °C
blæstri.
Þegar bollurnar eru teknar út,
látið þær þá alveg í friði ofan á ofn-
skúffunni þar til þær eru orðnar
kaldar, þá falla þær ekki og halda
lögun sinni.
Skerið þær svo í sundur og setjið
sultu á botninn og rjóma ofan á og
lokið.
Toppið með súkkulaðiglassúr og
eða flórsykri en bæði er rosa gott.
Nytsamleg ráð fyrir bakara
n Hér er mikilvægt að slumpa
ekki eða breyta og bæta, það er
alveg bannað.
n Farið alveg 100 prósent eftir
uppskriftinni til að þær takist
sem allra best hjá ykkur.
n Hér þurfið þið bara pott og sleif,
ekki færa neitt yfir í hrærivél
eins og er svo oft gert, það er
alveg óþarfi.
n Ykkur gæti fundist eins og
deigið sé lint og leki á plötunni
en ekki hræðast því bollurnar
lyftast og stækka mjög mikið í
ofninum.
Björk
Eiðsdóttir
bjork
@frettabladid.is
Matarbloggarinn María
Gomez ákvað að hanna ein-
falda uppskrift að vatnsdeigs-
bollum sem ekki myndu falla
þegar þær kæmu úr ofninum.
Uppskriftin hefur slegið í
gegn og við fengum Maríu til
að deila galdrinum.
„Ég veit ekki hversu oft ég hef bakað
bollur sem koma fullkomnar út úr
ofninum, en svo púff, limpast niður
við að kólna,“ segir María aðspurð
um tilurð uppskriftarinnar.
„Hin fullkomna bolla á að vera full
af lofti og hol að innan svo hún rúmi
nóg af sultu og rjóma.“
María fór því markvisst í að reyna
að finna út bæði uppskrift og aðferð
til að gera bolluuppskrift sem væri
ekki of f lókin og myndi ekki falla
um leið og þær koma úr ofni.
„Ég „YouTubaði“ hvernig aðferðir
eru notaðar í öðrum löndum og
man að ég fann myndband sem mér
leist svo vel á svo úr varð þessi upp-
skrift. Uppskriftin er blanda af því
besta úr öðrum uppskriftum sem
ég hafði prófað áður og þessari af
YouTube og aðferðin varð einhvers
konar sambland úr nokkrum upp-
skriftum líka.“
María segist í gegnum tíðina hafa
bakað vatnsdeigsbollur af öllum
sortum og gerðum.
Endaði á að kaupa úti í búð
„Þær hafa allar verið sæmilegar og
eins og ég sagði falla oft þegar þær
koma úr ofninum og verða meira
eins og kramdar, blautar inn í eða
ekki góðar. Margar bragðgóðar,
bara ekki svona holar að innan og
fallega kringlóttar eins og þær eiga
að vera. Mér finnst líka oft aðferðin
við bollubakstur vera of f lókin
eða mikið vesen svo ég nennti oft
ekki að baka bollur, bara út af því
og endaði í gamla daga stundum
bara á að kaupa úr búð og setja á
þær heima. En síðustu ár hefur ekki
komið neitt annað til greina en að
baka þessar.“
Bannað að slumpa
María segir uppskriftina heppnast
í langf lestum tilvikum hjá fjölda
manns.
„Þetta er fólk sem hefur ekki
endilega mikla reynslu eða hefur
margreynt að baka bollur og mis-
tekist.“ Í kringum hvern einasta
bolludag fær María fjöldann allan
af sk ilaboðum eða töggum á
Instagram frá fólki sem er alsælt
með bollurnar sínar og margir að
gera í fyrsta skiptið.
„En svo þarf líka bara að nota pott
og sleif og ekkert annað, ekki færa
yfir í hrærivél eða neitt aukavesen.
Ekkert nema handaf l og einfald-
leiki.
Það eina sem er mikilvægt að gera
er að fara nákvæmlega upp á gramm
eftir uppskriftinni og fara algjörlega
eftir aðferðinni. Hér er mikilvægt að
slumpa ekki eða breyta og bæta, það
er alveg bannað!“ segir hún ákveðin.
Sjálf bakar María vanalega tvö-
falda uppskrift að þessari fyrir stóra
daginn sem er á mánudaginn, eða
hún gerir þrjár mismunandi.
„Þessi uppskrift er samt klárlega
sú allra vinsælasta enda er þetta
hefðbundna, gamla góða oftast
það sem þykir best á mínu heimili
og vinsælast á bloggsíðunni,“ segir
hún.
María er svo ekkert að flækja það
hvað fer á bollurnar og segir það
hefðbundið, einfalt og gott.
„Það sem er alltaf vinsælast heima
hjá mér er súkkulaðiglassúr og mis-
munandi sulta, sumum finnst rifs-
berjahlaup best, öðrum jarðarberja
en mér finnst hindberjasulta best, já
og svo auðvitað þeyttur rjómi.“
María prófaði sig áfram ákveðin í að finna einfalda uppskrift að vatnsdeigsbollum sem ekki
myndu falla. Hún segir uppskriftina á allra færi, svo lengi sem henni sé fylgt. Mynd/María goMez
24 helgin FRÉTTABLAÐIÐ 18. FeBRúAR 2023
lAUgARDAgUR