Fréttablaðið - 18.02.2023, Qupperneq 58

Ég reyni alltaf að filma
hverja tónleika einu
sinni og það eru
nokkrar ástæður fyrir
því að ég vil endilega
kvikmynda þetta á
Íslandi.
odduraevar@frettabladid.is
Erika og Sverrir, foreldrar systranna
Brynju Mary og Söru Victoru, segjast
ekkert vera að spá í úrslit dönsku
undankeppninnar fyrir Eurovisi-
on þótt ekki sé útilokað að klúður
í símakosningu hafi kostað dætur
þeirra sigurinn.
Veðbankar höfðu spáð systrunum,
sem saman kalla sig Eyjaa, sigri með
laginu I Was Gonna Marry Him en
lagið er eftir sama teymi og samdi
sigurlag Eurovision 2013, Only Tear-
drops með Emmelie de Forrest.
Meiri háttar klúður varð í síma-
kosningu Melodi Grand Prix þar sem
rangt númer birtist fyrir systurnar á
skjánum. Þá virkaði hljóðneminn
ekki þegar viðtöl voru tekin við
stelpurnar svo danska þjóðin fékk
aldrei að heyra í þeim á meðan hægt
var að kjósa.
„Þær eru okkar sigurvegarar en við
viljum að réttlætið nái fram að ganga
í þessu,“ segir Sverrir en þau hjónin
furða sig mjög á áhugaleysi ríkisút-
varpsins danska sem hefur tekið
umkvörtunum þeirra fálega.
„Við erum ótrúlega stolt af þeim
og frammistöðu þeirra. Þær eru
þakklátar fyrir þessa reynslu, sem
þær hefur dreymt um, en auðvitað
finnst þeim þetta líka leiðinlegt því
þær fá endalaust að heyra frá fólki að
það hafi kosið vitlaust eða ekki getað
kosið,“ segja þau.
Skrítin upplifun
Sverrir og Erika voru á keppninni
í Arena Næstved-höllinni. „Þetta
byrjaði vel en varð svo bara ömur-
legt,“ segir Sverrir og Erika segist
fljótt hafa orðið vör við glundroða.
„Það er enn mikil óánægja með
þessa keppni og hvernig að þessu
var staðið,“ segir hún en Ekstrabla-
det hefur í fyrirsögn slegið fram
efasemdum um hvort Reiley gæti
talist raunverulegur sigurvegari
vegna mistaka við atkvæðagreiðslu.
Framkvæmdastjóri keppninnar, Erik
Sturve Hansen, hefur fullyrt að mis-
tökin hafi ekki haft áhrif á úrslitin.
Erica segir teymi stelpnanna hafa
reynt að stöðva keppnina og beðið
um að þetta yrði lagað. „En var tjáð
að það væri ekki hægt þar sem um
beina útsendingu væri að ræða.
Þetta var rosalega skrítin upplifun.“
Aðrir keppendur hafi sömuleiðis
verið ósáttir, enda hafi mistökin
bitnað á öllum, ekki aðeins stelp-
unum. Keppninni hafi hins vegar
verið haldið áfram eins og ekkert
hefði í skorist. n
Sjá nánar á frettabladid.is
Eyjaa-systur eru sigurvegarar í huga foreldra sinna
Stoltur pabbinn með dætrunum sem eru sigurvegarar í hans huga en for-
eldrarnir reyna að láta umdeild úrslitin ekki trufla sig. Mynd/AðSend
Björk tekur talsverða áhættu
með því að flytja Cornucopia-
sýninguna sína til Íslands.
Henni er það þó slíkt hjartans
mál að hún ætlar að sæta
færis í sumar og umturna
Laugardalshöllinni fyrir við-
burð sem verður líklega betur
lýst sem upplifun heldur en
eiginlegum tónleikum.
toti@frettabladid.is
Cornucopia er umfangsmesta verk-
efni Bjarkar hingað til og til einföld-
unar má segja að með henni færi
hún þann sýndarveruleika sem hún
hefur lagað að tónlist sinni á liðnum
árum yfir í raunheima með fáheyrð-
um fjölda talrænna leiktjalda.
„Venjulega á maður ekki að tala
um peninga,“ segir Björk og biðst
forláts áður en hún bendir á að í
raun sé eiginlega ekki hægt að koma
með sýninguna til Íslands.
„Þannig að þetta er svolítil áhætta
en mér finnst bara svo mikilvægt
að gera þetta hérna,“ heldur Björk
áfram og segist þegar hafa gert
nokkrar atrennur að Íslandi en
þurft frá að hverfa vegna Covid.
Þótt Covid-þokunni sé að mestu
létt er sú óáran enn að gera tónlist-
arfólki lífið leitt og Björk bendir á að
í kjölfar faraldursins hafi kostnaður
við flugfrakt allt að því fjórfaldast.
„Það eru alls konar stórar hljóm-
sveitir úti að hætta við tónleika
vegna þess að það kostar fjórum
sinnum meira að fara með allar
græjurnar milli landa.“
Og það er vitaskuld enginn smá
farangur sem fylgir Björk og Cor-
nucopiu heim til Íslands. „Það eru
aðallega öll þessi tjöld og svona
þannig að þetta er rosalega kostnað-
arsamt en ég redda mér,“ segir Björk
og bendir á að hún hafi þarna vöðva
til að hnykla eftir að hafa verið lengi
í bransanum.
Höll sýndarveruleikans
„Þetta verður kannski svo-
lítið snúið en núna ætlum
við bara að kýla á þetta,“
segir Björk um tón-
l i st a r uppl i f u n i na
sem hún ætlar að
bjóða upp á í Laugar-
dalshöll þrjá daga í
júní; þann sjöunda,
tíunda og þret-
tánda.
C or nu c opi a ,
sem Björk kallar
„ t a l r æ n t l e i k-
hús“, er stærsta
sýningin sem hún
hefur sett upp og
á þeim tveimur
klukkustundum
sem upplifunin
varir f lytur hún
tónlist af bæði
Útópíu og Fos-
soru.
Cornucopia er íslenskt verkefni
Björk á Orkest-
ral-tónleikum í
Buenos Aires.
Mynd/SAntiAgo
Felipe
Áhorfendur eru umkringdir 24
talrænum skjáum og leiktjöldum
á meðan Björk f lytur tón-
list sína með kór, f lautur,
klarínett, slagverk og
f jölda sérsmíðaðra
hljóðfæra sér til full-
tingis.
L a u g a r d a l s h ö l l
verður gjörbreytt og
gestum boðið í stór-
fenglegt landslag sem
s a m a n s t e n d u r a f
gróskumiklum litum,
framtíðarkenndum
sýndarveruleika og
draumkenndri áferð
náttúrunnar.
Kvikmyndað í Reykjavík
„Ég reyni alltaf að filma hverja tón-
leika einu sinni og það eru nokkrar
ástæður fyrir því að ég vil endilega
kvikmynda þetta á Íslandi,“ segir
Björk sem ætlar að nota tækifærið í
júní og tjalda öllu til svo allar bestu
hliðar Cornucopiu fái notið sín.
„Mér f innst þetta náttúrlega
mjög íslenskt verkefni þótt það sé
á ensku og langar bara að hafa svo-
lítið íslenskt umhverfi og íslenska
áhorfendur. Þannig að þegar maður
verður gamall í ruggustólnum og
horfir á kvikmyndirnar þá er æðis-
legt að hafa filmað þetta á Íslandi.“
Björk bendir einnig á að kvik-
myndin verði ekki síður íslenskt
verkefni en sýningin sem á að kvik-
mynda því Ísold Uggadóttir ætli að
leikstýra og Sara Nassim, einn fram-
leiðenda Dýrsins, muni framleiða.
Snýst ekki um peninga
Björk hefur undanfarið ár unnið
náið með forriturum í fremstu röð
og fengið stóra keppinauta í hinum
stafræna heimi, á borð við Google,
Amazon og Apple, til þess að sam-
eina krafta sína í þróun þeirrar
tækni sem hún notar til þess að
framkalla hugmyndir sínar um
samruna tónlistarinnar og hins
sýnilega.
„Ég fæ líka oft aukavelvild af því
ég er ekkert að reyna að selja í ein-
hverjum skrilljón eintökum. Það er
stundum styrkur líka að vera ekki
Beyoncé. Fólk veit að ég er ekki að
reyna að búa til peninga. Ég er í
þessu akkúrat af öfugum ástæðum.
Nú er ég ekkert að setja út á
Beyoncé en fólk vill koma í samstarf
með mér vegna þess að þau vita að
ég er bara að gera þetta til að láta
ákveðna tækni þróast, þroskast. Og
á endanum sögðu allir bara já,“ segir
Björk um eina ástæðu þess að henni
hafi tekist að fá harða keppinauta til
að vinna saman.
„Síðan eru það ekkert endilega
frumkvöðlarnir sem vilja pening
og það er oft á næsta stigi sem það
er vond lykt af þessu.“
Gaman að nördast
Björk segir heimspekina á bak við
samrunann milli tónlistarinnar og
hins sjónræna enda ekki hafa orðið
til á einum degi og þótt ætla mætti
að það að skapa og semja tónlistina
sé ærið verk þá hefur hún einnig á
liðnum árum unnið náið með sér-
fræðingum á tæknihliðinni.
„Það eru nokkrar ástæður fyrir
því og ein er kannski bara forvitni,“
segir Björk þegar hún spurð hvers
vegna hún sé einnig á kafi í forrit-
unarvinnunni. „Það er líka af dálítið
eigingjörnum ástæðum því mér
finnst mjög skemmtilegt að hanga
með ógeðslega hressandi nördum,“
segir hún og bendir á að þetta sé
líka liður í því að drepast ekki úr
leiðindum á ferli sem telur eitthvað í
kringum fjóra áratugi, eftir því hvar
byrjað er að telja. n
Björk frumsýndi Cornucopia
í New York og er hér í fullum
skrúða ásamt kórnum 2019.
Mynd/SAntiAgo Felipe
34 lífið FRÉTTABLAÐIÐ 18. FEBRúAR 2023
lAUGARDAGUR