Fréttablaðið - 14.03.2023, Page 30

Eva Margrét Guðnadóttir
horfir árlega á Óskarsverð-
launahátíðina með tvíbura-
systur sinni og frænku í teiti
sem verður sífellt metnaðar-
fyllra. Eva segir hátíðina hafa
verið gott sjónvarpsefni þó að
Will Smith hafi engan slegið.
odduraevar@frettabladid.is
„Við erum alltaf þrjár og höfum
hist núna allar Óskarshátíðir síðan
2019,“ segir Eva Margrét Guðna-
dóttir, formaður Rafíþróttasam-
bands Íslands og kvikmyndaséní,
en hún horfir á Óskarsverðlaunin
ár hvert ásamt tvíburasystur sinni
Ölmu og frænku þeirra Halldísi Unu
Hreiðarsdóttur.
Eva segir þríeykið vera vel undir-
búið undir Óskarskvöldið ár hvert.
„Um leið og það er ljóst hvaða
myndir eru tilnefndar þá tökum
við okkur góðan tíma í að horfa
á þær allar,“ útskýrir Eva. „Þetta
er Óskarsklúbburinn okkar, sem
enginn annar kemst í,“ bætir hún
við hlæjandi.
„Við tökum okkur margar vikur
í þetta. Við hittumst kannski sirka
einu sinni í viku og horfum á hverja
mynd. Svo reynum við að ná að
minnsta kosti alltaf einni þeirra í
bíó.“
Í ár mætti Eva í búningi Naavi-
manns úr stórmynd James Came-
ron Avatar: The Way of Water, á
meðan Alma mætti sem Michelle
Yeoh í íkonískum búningi úr Every-
thing Everywhere All At Once. Una
mætti síðan að sjálfsögðu sem Elvis í
anda ástralska stórleikarans Austin
Butler.
„Við ákveðum alltaf búninga upp
á eigin spýtur án þess að segja hver
annarri hvað við ætlum að vera,“
segir Eva hlæjandi. „Þannig að það
er alltaf gríðarlega fyndið þegar við
hittumst og opinberum hvað varð
fyrir valinu.“
Eva segir metnaðinn hafa farið
stigvaxandi með hverju árinu sem
líður. „Fyrsta árið vorum við bara
með góðan mat og kræsingar og
létum það duga,“ segir hún hlæj-
andi.
Spurð hvort það sé ekki brekka að
vaka svo lengi fram eftir á sunnu-
dagskvöldi, segir Eva að þær stöllur
séu heppnar að geta mætt seinna til
vinnu daginn eftir. „En ef það væri
ekki þannig held ég að við myndum
bara fórna okkur í þetta, því þetta
kvöld er orðið heilagt hjá okkur,“
útskýrir Eva.
Þær Eva, Alma og Halldís hafa svo
að sjálfsögðu getraunaleik þar sem
þær skjóta á það hvernig verðlauna-
hátíðin fer. „Engin okkar var með
allt saman rétt en við erum alltaf
að verða betri og betri í að giska
og núna munaði bara einu stigi á
okkur. Við nefnilega pössum okkur
að gúggla ekkert og erum orðnar
mjög góðar í að meta þetta sjálfar.“
Eva segir þær hafa haldið mikið
með Brendan Fraser sem vann
til verðlauna fyrir leik sinn í The
Whale. „Hann átti þetta svo mikið
skilið,“ segir Eva sem bætir því við
að lítið hafi komið á óvart í ár og
enginn Will Smith mættur til að
gefa Chris Rock einn á kjammann
eins og í fyrra.
„Við vorum einmitt að rifja upp
í gær hvernig þetta var í fyrra. Við
vorum allar hálfsofandi og trúðum
ekki okkar eigin augum og vorum
alveg í góðan tíma að velta fyrir
okkur hvort þetta hefði verið svið-
sett eða hvort þetta hefði gerst í
alvörunni,“ segir Eva sem segir það
hafa verið engu líkt að sjá þetta í
beinni.
„Við vorum einmitt að ræða
það í gær. Ég man að þetta var svo-
lítið seint í þættinum í fyrra og við
vorum allar hálfsofandi. Við sáum
þetta gerast og sögðum ekki neitt í
smá stund og vorum alveg í góðan
tíma að velta fyrir okkur hvort þetta
hefði verið sviðsett eða hvort þetta
hefði gerst í alvörunni. Það var auð-
vitað geggjað að verða vitni að þessu
í beinni, annað en flestir Íslendingar
sem sáu þetta daginn eftir. Þetta var
svakalegt.“ n
Við ákveðum alltaf
búninga upp á eigin
spýtur án þess að segja
hver annarri hvað við
ætlum að vera.
Koma hver annarri á óvart
ár eftir ár í Óskarsbúningi
Stelpurnar fögnuðu því vel og innilega þegar Brendan Fraser átti endurkomu lífs síns á Óskarnum. FRÉTTABLAÐIÐ/GETTY
Halldís tók Elvis, Eva Naavi-geimveru úr Avatar og Alma einn frægasta búning
Michelle Yeoh úr Everything Everywhere All At Once. MYND/AÐSEND
26 LÍFIÐ FRÉTTABLAÐIÐ 14. MARS 2023
ÞRIÐJUDAGUR
FRÉTTAVAKTIN
KL. 18.30 ALLA VIRKA DAGA
Fréttavaktin býðum landsmönnum upp á
fjölbreytta fréttaumfjöllun í opinni dagskrá.
Úrvalslið fjölmiðlafólks fer yfir fréttayfirlit
dagsins ásamt því að fá til sín góða gesti að
ræða helstu mál líðandi stundar.
Fréttavaktin er á dagskrá alla virka daga á
Hringbraut, dv.is og frettabladid.is