Skipulagsmál höfuðborgarsvæðisins - 01.11.1981, Blaðsíða 15

svæðinu þar sem veitt er i má m.a. nefna Kleifarvatn, Hlíðar-
vatn, Elliðaárvatn, Nátthagavatn og Hafravatn. 1 flestum þessara
vatna má kaupa veiðileyfi í 1/2 dag; 1/1 dag og síðan ársleyfi.
ÁR 1/2 DAGUR 1/1 DAGUR ÁRSLEYFI
1978 2.371 21 19 *)
1979 2.753 9 43
1980 1.971 19 87
*) talið að hver sá er hefur ársleyfi
mæti u.þ.b. 15 sinnum á ári.
ELLIÐAVATN: DÆMI UM SKIPTINGU OG FJÖLDA VEIÐILEYFA.
Af laxveiðiám á höfuðborgarsvæðinu má helstar telja: Elliðaár
með 950 - 1.000 stangaveiðidaga yfir veiðitímann; Úlfarsá
(Korpa) með 180 daga og Leirvogsá með 225 daga. Alls eru því
laxveiðidagarnir á svæðinu um 1.400 á hverju ári.
Á síðastliðnu sumri var sleppt töluverðu af veiðanlegum laxi og
silungi í Hólmsá (Bugðu). Var það gert með það fyrir augum að
gefa fólki möguleika á að stunda aukinn veiðiskap. Þessu fram-
taki Veiði- og fiskiræktarráðs Reykjavíkurborgar var vel tekið
enda aðsókn mikil.
Að auki er árlega sleppt í Hólmsána um 500 þús. kviðpokaseiðum,
en þau verða veiðanleg u.þ.b. 5 árum síðar.
HJ ÓLREIÐABRAUTIR.
Eins og kemur fram í einu sérrita Skipulagsstofunar (Hugmynd að
aðalhjólreiðastígakerfi fyrir höfuðborgarsvæðið, júlí 1981)
þá hefur hjólhestaeign höfuðborgarbúa, sem annarra landsmanna
aukist mjög á undanförnum misserum. 1 ár er áætlað að flutt
verði inn um 20 þús. hjól en til samanburðar þá voru þau að
jafnaði 6 þús. á árunum fyrir 1980.
Hjólreiðaslysum hefur að sama skapi fjölgað en samkvæmt reynslu
annarra norðurlandaþjóða verða reiðhjólamenn fyrir 3-5 sinnum
fleiri slysum en þeir sem aka sömu leið í einkabifreið. ÞÓ eru
reiðhjólastígar þar algengir.
1 október i ár tóku ný lög gildi er heimila m.a. hjólreiðar á
gangbrautum. Telja verður þessa heimild spor í rétta átt, þó
erlendar rannsóknir sýni að slysatíðnin taki ekki að minnka að
ráði fyrr en komið verði á hjólreiðastígakerfi sem er aðskilið
gatnakerfinu t.d. með göngum eða brúm.
Hér á svæðinu má nefna í þessu sambandi framkvæmdir við gerð
stígs er tengdi Breiðholtshverfin við Elliðaárdal og Sogamýri
með göngum undir Breiðholtsbraut og Reykjanesbraut.
í sérriti því sem áður er um getið, er m.a. undirstrikað að
"göngu- og reiðhjólastígar séu skipulagðir á sama tíma og annað
skipulag byggðasvæða er gert" og "skynsamlegast sé í mörgum, ef
ekki flestum tilfellum að gera sameiginlega stíga á útivistar-
svæðum höfuðborgarsvæðisins fyrir gangandi fólk, hjólreiðamenn
og hestamenn".