Skipulagsmál höfuðborgarsvæðisins - 01.11.1981, Blaðsíða 21

21
1 kaflanum um ÚTIVISTARSVÆÐI er drepið á nauðsyn þess að umhverfi úti-
vistarsvæðanna sé sem fjölbreytilegast með því móti verði hægt að gefa
sem flestum tækifæri til þess að sinna hugarefnum sínum. Þá segir:
"í samræmi við ofangreint ættu útivistarsvæði að vera tvenns
konar. Annars vegar eru ræktuð og unnin svæði, þar sem auk
ræktaðs lands er gert ráð fyrir mannvirkjxmi ýmis konar, svo
sem húsxom og tækjum til leikja, íþrótta, samkomuhalds o.fl.
Hins vegar eru landslagssvæði, þar sem náttúruleg einkenni
væru látin halda sér svo sem frekast er unnt. Hér er ekki
einungis átt við landslag, heldur einnig allt, sem viðkemur
náttúrulegum einkennum svæðisins, svo sem gróðri, dýralífi
o.s.frv."
4. AÐALSKIPULAG REYKJAVÍKUR
AUSTURSVÆÐI 1981-1998. (Samþ. í borgarráði 1981).
Ekki er farið mörgum orðum m útivistarmál í greinargerðinni. "Mjög
erfitt er að rökstyðja þörf fyrir útivistarsvæði sem flatareiningu á
hvern íbúa". En það sem skipti fyrst og fremst máli sé gæði svæðisins
þ.e. gróðursæld, áhugavert náttúrufar, fjölbreytni til athafna, útsýni,
skjól gegn vindum o.s.frv. og aðgengileiki svæðisins. I því sambandi
er nefnd sem viðmiðun að hámarks göngufjarlægð frá heimili í útivistar-
svæði sé 15-20 mín. gangur eða 1500-2000 metra vegalengd.
Eins og segir í greinargerðinni (kafli 3.6) þá "er ekki raunhæft að
áætla landrýmisþörf fyrir útivistarsvæði sérstaklega". Aftur á móti
er áætlað:
"hve mikið tengist sjálfum íbúðarhverfunum, en þar sem þau eru
í þessu tilfelli í útjaðri borgarinnar, verða þau í góðum tengslum
við nær ósnortna náttúru um ófyrirsjáanlega framtíð. Við afmörkun
meiriháttar útivistarsvæða verður að miðla málimi milli náttúru-
verndarsjónarmiða og óska um þétta og samfellda byggð".
Þá segir einnig:
"aðal íþróttamiðstöð Reykjavíkur er í Laugardal, en auk þess er
fyrirhuguð íþróttamiðstöð í Mjóddinni vestan Breiðholtshverfis.
Golfvöllur og miðstöð hestamennsku eru á Austursvæðunum. Gera
verður ráð fyrir enn frekari möguleika á íþrótta- og útilífs-
miðstöðvum, t.d. við Korpúlfsstaði og Rauðavatn, aúk möguleika á
hesthúsabyggð víðar á svæðunum".
5. AÐALSKIPULAG KÓPAVOGSKAUPSTAÐAR,
Tillaga að greinargerð: (Samþ. í bæjarstjórn 1969).
1 greinargerðinni er að finna kafla er nefnist SKÓLAR OG AÐRAR STOFNANIR,
LEIKSVÆÐI OG ÚTIVISTARSVÆÐI. Þar er í upphafi gerð grein fyrir hugsan-
legri þróun nemendafjölda bæjarfélagsins og nauðsynlegum ráðstöfunum
samfara henni. Þá segir:
"íþróttaaðstaða er skylda í skólum og er þeim því nátengd.
Hinsvegar er hún verulegur þáttur hins óháða félagslífs í
bæjarfélaginu fyrir jafnt unga og fullorðna. íþróttasalir
byggjast með skólunum eins og ákveðst í reglum um skóla-
húsnæði.
Stórt íþróttahús fyrir keppnir og sýningar m.a. þarf að rísa
í bæjarfélaginu. Því þarf að velja stað og er nærtækast að
byggja það í tengslum við aðalíþróttasvæði bæjarins þó að
framkvæmdaáætlun ætli því stað við Digranesskóla eða gagnfræða-
skóla við Digranesveg.