Skipulagsmál höfuðborgarsvæðisins - 01.11.1981, Blaðsíða 19

19
beltið yrði væntanlega ræman meðfram læknum niður að Jörfa og
mætti síðar meir gera þar stíflur í lækinn. Breiðasta opna
svæðið er þó ráðgert meðfram sjónum og meðfram lóð Loðdýra h/f.
Ströndina þarf að vernda að mestu óskerta því hún er óvenjulega
falleg á þessum slóðum. Athuga þarf hvaða vík hentar best sem
lystibátahöfn og tryggja þarf svæði fyrir uppsátur. Annars ætti
ströndin ásamt hinu ráðgerða íþróttasvæði og lystibátahöfn að
geta orðið mjög eftirsóknarvert útivistarsvæði."
Einnig er sagt að góður árangur jarðhitaleitar í landi Esjubergs og víðar
geti orðið til þess að byggð verði útisundlaug í stað sundhallar. Þannig
yrði gildi útivistarsvæðisins mjög aukið.
2. AÐALSKIPULAG REYKJAVÍKUR 1962-'83
(staðfest af ráðherra 1967).
1 þeirri greinargerð sem fylgdi AR 1962-'83 er stuttur kafli um OPINBERAR
STOFNANIR OG ÚTIVISTARSVÆÐI. Þar er drepið á auknar frístundir manna,
þær sagðar orsakast af lengri tima til tómstunda á degi hverjum, fleiri
frídögum og lengra orlofi. Þessi staðreynd muni margfalda þörf fyrir
útivistarsvæði ekki aðeins í nágrenni borgarinnar heldur einnig á borgar-
svæðinu sjálfu:
"þar sem menn geta stundað gönguferðir, hjólað, farið á skíðum
eða hestum. í Reykjavík eru margir möguleikar á að sinna þessum
þörfum, og má á engan hátt sleppa þeim úr hendi."
Þá eru helstu svæðin talin upp; Öskjiihlíð, Laugardalur, Elliðaárdalur
og strandlengjan xamhverfis allt nesið.
í kaflanum er drepið á þann kost að skapa smám saman samfellt kerfi
gróður- og útivistarsvæða sem nota megi á ýmsan hátt, þar sem meðal
annarra gangandi fólk, hjólreiðafólk, skíðafólk o.s.frv. geti farið
um ótruflað af bifreiðaumferð.
í kafla um ÚTIVISTARSVÆÐI er m.a. fjallað um nauðsyn þess að aðskilja
bifreiðaumferð og t.d. gangandi eða hjólandi fólk. Umferðarbrautir
myndi oft farartálma sem erfitt sé að ráða bót á nema skipuleggja kerfi
gangstíga utan hjólreiðabrauta sem tengja saman útivistarsvæðin og
mynda þannig öruggari leið fyrir þennan ákveðna hóp vegfarenda.
í kafla um ÚTIVIST er rætt um staðsetningar leikvalla í íbúðarhverfum,
enn fremur gæsluvelli svo og leiksvæði skólanna og þar talið eðlilegt
að þau séu hluti útvistarsvæðanna. Þá er fjallað um skólagarða, starfs-
velli (framkvæmda-leikvöll) og afgirt íþróttasvæði og knattvelli sem
eingöngu eru ætluð meðlinum ákveðinna íþróttafélaga en séu þó engu að
síður mjög mikilvægur þáttur útivistarmála.
í greinargerð aðalskipulagsins er í þriðja lagi að finna kafla um
STOFNANIR OG ÚTIVISTARSVÆÐI er m.a. drepið á kirkjugarða, Árbæjarsafn
og Heiðmörk sem stærsta samfellda útivistarsvæði Reykvikinga.
Þá segir:
"Víða á borgarsvæði Reykjavíkur skiptast á hæðir og dalir.
Dalirnir eða lægðirnar eiga engu síður sinn þátt í svipmóti
borgarlandsins en hæðirnar. Sums staðar eru lægðirnar mýr-
lendar og miður fallnar til byggingar, en sums staðar eru
þær vel byggingarhæfar. Mikilsvert er að varðveita hinar
óbyggðu dalgrundir, svo að úr þeim verði samfellt kerfi. í
framhaldi Kópavogsdals er Breiðholtsmýri, en hún er aftur
tengd Fossvogsdal og Elliðaárdal. Elliðaárdalur liggur í