Skessuhorn - 30.11.2022, Page 6
MIÐVIKUDAGUR 30. NÓVEMBER 20226
Á fundi menningar- og safnanefndar
Akraneskaupstaðar í síðustu viku
var rædd staða verkefnis er varðaði
80 ára afmæli Akraneskaupstaðar,
kostnaðaráætlun og næstu skref.
Þar þakkaði nefndin þeim Erni
Smára Gíslasyni hönnuði og Ólafi
Páli Gunnarssyni ráðgjafa fyrir
þeirra vinnu vegna fyrirliggjandi
hugmyndar að leturvirki á Breið.
Menningar- og safnanefnd segir
í fundargerð að hugmyndin sam-
ræmist ekki hönnun Breiðarsvæðis-
ins og verði verkið því ekki fram-
kvæmt. Hugmyndin gæti þó nýst á
síðari stigum á öðru svæði á Akra-
nesi og af öðru tilefni ótengt hlut-
verki menningar- og safnanefndar
eða afmælisári Akraneskaupstaðar.
Menningar- og safnanefnd
hyggst nýta það fjármagn sem eftir
er til ráðstöfunar vegna afmælis-
hátíðarinnar til kaupa á leiktæki
sem nýst gæti börnum á Akranesi
og lagði nefndin til að Jóni Arnari
Sverrissyni garðyrkjustjóra Akra-
neskaupstaðar yrði falin útfærsla
hugmyndarinnar að höfðu samráði
við skipulags- og umhverfissvið og
sviðsstjóra mennta- og menningar-
sviðs Akraneskaupstaðar.
vaks
Ók á hross
DALIR: Ökumaður sem var
á ferðinni á móts við bæinn
Lindarholt á Vestfjarðavegi
síðasta sunnudagskvöld til-
kynnti að hann hefði ekið á
hross á ferð sinni. Hrossið
lenti á hægra framhorni bif-
reiðarinnar og skemmdist bíll-
inn nokkuð við áreksturinn.
Hesturinn hljóp síðan ásamt
tveimur öðrum út í myrkrið
en líklegt þykir að þeir hafi
sloppið úr girðingu. Haft var
samband við eiganda hross-
anna og ætlaði hann að kanna
ástand þeirra. -vaks
Tilboð opnuð
í raforkukaup
AKRANES: Á fundi
skipulags- og umhverfisráðs
síðasta mánudag voru opnuð
tilboð í „Raforkukaup Akra-
neskaupstaðar“ og bárust til-
boð frá þremur aðilum; Orku-
sölunni, N1 Rafmagni og
Orku Náttúrunni. Skipulags-
og umhverfisráð lagði til að
gengið yrði til samninga við
lægstbjóðenda, þ.e. N1 Raf-
magn. Fyrirtækið bauð 5,98
kr. á kWh fyrir almenna
notkun og sama verð fyrir
götulýsingu. -vaks
Skemmdu
bárujárn
AKRANES: Í liðinni viku
um klukkan ellefu að morgni
voru framin eignaspjöll á
bárujárnsklæðningu á húsi
við Skólabraut á Akranesi
og er tjón metið á um hálfa
milljón króna. Grunaðir eru
tveir dökkklæddir drengir sem
hlupu í burtu af vettvangi.
Málið er í rannsókn en skoða
þarf eftirlitsmyndavélar sem
eru á nærliggjandi stöðum til
að reyna að finna út hverjir
voru þarna að verki. -vaks
Lögreglumaður
varð fyrir árás
AKRANES: Aðfararnótt
laugardags var tilkynnt
um stympingar fyrir utan
Útgerðina bar við Stillholt.
Lögregla kom á staðinn og
hafði afskipti af slagsmálunum
sem lauk með því að sparkað
var í andlit og líkama lögreglu-
manns sem slasaðist við það.
Árásarmaðurinn var handtek-
inn og á von á kæru. -vaks
Tveir nýir
forstöðumenn
BORGARB: Í október var
auglýst eftir forstöðumanni
í félagsmiðstöðinni Óðali
og forstöðumanni í frístund
í Borgarnesi. Fram kemur á
heimasíðu Borgarbyggðar að
nú hafi verið ráðið í þessar
tvær stöður. Katla Gunnars-
dóttir hefur verið ráðin í
starf forstöðumanns í Óðali
og hefur störf 1. janúar næst-
komandi. Katla hefur síðustu
ár unnið í Öldunni og er með
reynslu úr skólasamfélaginu.
Hún er með BA próf í upp-
eldis- og menntunarfræði.
Hugrún Harpa Guðjónsdóttir
er nýr forstöðumaður í frí-
stund í Borgarnesi og tekur
við af Svölu Eyjólfsdóttur
sem fór í önnur verkefni
fyrir sveitarfélagið. Hugrún
Harpa starfaði sem deildar-
stjóri hjá Klettaborg og vann
áður lengi sem forstöðumaður
á frístundarheimili í Reykja-
vík. Hún er með uppeldis- og
menntunarpróf. -vaks
Kynnti nýja
ábendingagátt
BORGARBYGGÐ: Á fund
byggðarráðs mætti sam-
skiptastjóri sveitarfélagsins
og kynnti nýja ábendingagátt
sem hefur verið í þróun frá
því í upphafi sumars. Um er
að ræða tæki til framþróunar
á stafrænni þjónustu til að
bæta samskiptaleiðir íbúa við
stjórnsýsluna. Hver ábending
eða kvörtun til sveitarfélagsins
mun fá sérstakt málsnúmer og
verður erindum sjálfkrafa beint
til þeirra embættismanna sem
ábendingin snýr að. „Byggðar-
ráð þakkar Maríu Neves sam-
skiptastjóra fyrir góða kynn-
ingu. Ábendingargáttin er til
þess fallin að auðvelda íbúum
að koma erindum á framfæri
við sveitarfélagið. Byggðar-
ráð bindur sömuleiðis vonir
við að eftirfylgni ábendinga
verði enn betri í framhaldinu.
Ný ábendingagátt er mikil-
vægt skref í þróun stafrænnar
stjórnsýslu,“ segir í bókun
byggðarráðs. -mm
Á laugardagsmorgninum barst
Landhelgisgæslunni beiðni frá
skipstjóra Runólfs SH frá Grundar-
firði um aðstoð. Vélarbilun hafði
orðið í framdrifsgír skipsins þar
sem það var statt um 16 sjómílur
vestur af Látrabjargi. Nokkru síðar
hafði skipstjórinn aftur samband
við Landhelgisgæsluna en þá var
lítils háttar leki kominn að skipinu
sem dælur um borð réðu þó við.
Varðskipið Þór var við Bíldudal
og var því ekki um langa siglingu
að ræða til hjálpar. Varðskipsmenn
skutu línu á milli skipanna og að því
búnu var haldið áleiðis með Runólf
til Reykjavíkur þangað sem skipin
komu um hádegisbil á sunnudag.
Strax var hafist handa við við-
gerðir, en á síðu útgerðarfélags-
ins G.Run kemur fram að ljóst sé
að hún gæti tekið langan tíma.
„Útgerðin þakkar áhöfninni fyrir
æðruleysið og fumlaus vinnubrögð
við að koma skipinu til hafnar,“
segir í tilkynningu.
mm
Hyggjast kaupa leiktæki fyrir börn á Akranesi
Séð yfir Breiðina á Akranesi. Ljósm. frg
Runólfur SH dreginn til
Reykjavíkurhafnar
Línu skotið á milli skipanna. Ljósm. LHG/ Sævar Már Magnússon.
Runólfur SH var strax á sunnudaginn dreginn upp í slippinn í Reykjavík.
Ljósm. G.Run hf.