Skessuhorn - 30.11.2022, Qupperneq 22
MIÐVIKUDAGUR 30. NÓVEMBER 202222
Spurning
vikunnar
Hverjir vinna
HM í knattspyrnu?
Spurt í FVA á Akranesi
Guðfinnur Þór Leósson
„Brasilía.“
Katrín Þóra Þórðardóttir
„Brasilía.“
Gissur Sigmundsson
„Portúgal.“
Guðbjarni Sigþórsson
„Argentína.“
Vignir Guðjónsson
„Gana.“
Þorsteinsmótið í bridds var haldið
síðastliðinn laugardag í Loga-
landi í Borgarfirði. Mótið er eins
og kunnugt er tileinkað minningu
um Þorstein Pétursson kennara frá
Hömrum sem um árabil beitti sér
fyrir framgangi briddsíþróttarinnar
í héraði og var auk þess landsliðs-
maður eldri spilara. Þorsteinsmót
er að venju langstærsta briddsmót í
landshlutanum og mögulega einnig
utan höfuðborgarsvæðisins. Þátt-
taka á mótinu var með besta móti
að þessu sinni, en 54 pör tóku þátt.
Spiluð voru 48 spil. Flestir komu
spilarar af höfuðborgarsvæðinu. Veitt
voru verðlaun fyrir fjögur efstu sætin,
en einnig nokkur aukaverðlaun.
Úrslit fóru á þann veg að tvö
efstu pörin báru höfuð og herðar
yfir önnur. Félagarnir Guðmundur
Ólafsson og Hallgrímur Rögnvalds-
son úr Hvalfjarðarsveit báru sigur úr
býtum með 63,62% skor. Í öðru sæti
urðu Sunnlendingarnir Höskuldur
Gunnarsson og Björn Snorrason
með 62,18% en í þriðja sæti Reyk-
víkingarnir Bernódus Kristinsson
og Ómar Óskarsson með 58,17%.
Heimamenn í Bridgefélagi
Borgar fjarðar sýndu gestum sínum
í Loga landi talsverða gestrisni. Af
föstum spilurum í félaginu náðu
bestum árangri þeir Flemming
Jessen og Sveinn Hallgrímsson,
urðu í áttunda sæti með 54,65%
skor.
Þess má að endingu geta að
forsvarsmenn Þorsteinsmóts eru
búnir að panta húsið á sama tíma
næstu þrjú árin og sömuleiðis róm-
aðar veitingar kvenfélagskvenna úr
sveitinni. Menn geta því tekið þá
daga frá.
mm/ Ljósm. Aðalsteinn Jörgensen
Aðaltvímenningi Bridgefélags Borg-
arfjarðar lauk á mánudagskvöldið í
Logalandi. Þátttaka var með besta
móti, spilað á níu borðum. Þátttak-
endur komu af Ströndum, Borgar-
firði og Borgarnesi og frá Akranesi.
Um fjögurra kvölda keppni var að
ræða en besti árangur þriggja kvölda
var lagður saman og fengust þá
úrslit. Tvímenningsmeistarar 2022
urðu þeir Heiðar Árni Baldursson
og Logi Sigurðsson með 174,8 stig.
Í öðru sæti urðu bræðurnir Guð-
mundur og Unnsteinn Arasynir með
173,4 stig og í þriðja sæti Flemming
Jessen og Sveinn Hallgrímsson með
171,6 stig. Í fjórða sæti urðu Eyjólfur
Kristinn Örnólfsson og Matthías
Imsland og í fimmta Guðjón Karls-
son og Rúnar Ragnarsson.
Næstu tvö mánudagskvöld kl. 20
verða spiluð stök tvímenningskvöld
í Logalandi, en föstudaginn 16. des-
ember er komið að árlegum Jóla-
sveinatvímenningi þar sem dregið
er saman í pör. mm
Guðmundur og Hallgrímur sigruðu á Þorsteinsmótinu
Guðmundur Ólafsson og Hallgrímur Rögnvaldsson hampa
hér Þorsteinsbikarnum sem þeir varðveita næsta árið.
Þrjú efstu pörin. F.v. Höskuldur Gunnarsson og Björn Snorrason, Guðmundur Ólafsson og Hallgrímur
Rögvaldsson, Bernódus Kristinsson og Ómar Óskarsson.
Horft yfir neðri salinn í Logalandi.
Yngstu og elstu
spilararnir á toppnum
Með gullslegna platta að launum. F.v. Unnsteinn, Guðmundur, Logi, Heiðar Árni,
Sveinn og Flemming.
Í þessum lið leggjum við fyrir tíu
spurningar til íþróttamanna úr
alls konar íþróttum á öllum aldri
á Vesturlandi. Íþróttamaður vik-
unnar að þessu sinni er Guðbjörg
frá Hvalfjarðarsveit sem stundar
fimleika.
Nafn: Guðbjörg Haraldsdóttir
Fjölskylduhagir? Mamma mín
heitir Lilja Guðrún, pabbi heitir
Haraldur og ég á tvö eldri systk-
ini sem heita Benedikta og Eyþór.
Svo á ég líka hund sem heitir
Týra.
Hver eru þín helstu áhugamál?
Fimleikar og vinir.
Hvernig er venjulegur dagur
hjá þér um þessar mundir?
Fyrst fer ég í skólann og eftir
hann fer ég heim með skólarút-
unni í smástund til að borða og
gera mig tilbúna fyrir æfingu.
Svo fer ég á æfingu og beint eftir
æfingu fer ég í sturtu. Síðan fer ég
annað hvort að slaka á bara restina
af kvöldinu eða læra eða kíki í
félagsmiðstöðina og svo fer ég
bara að sofa.
Hverjir eru þínir helstu kostir
og gallar? Kostirnir mínir eru
að ég er jákvæð, metnaðarfull og
ákveðin og gallarnir eru að ég get
orðið mjög pirruð auðveldlega og
er frekar löt.
Hversu oft æfir þú í viku? Ég
fer fjórum til fimm sinnum á fim-
leikaæfingar í viku í 2 klst eða 2
klst og 30 mín.
Hver er þín fyrirmynd í
íþróttum? Sóley Brynjarsdóttir
og Helgi Laxdal eru mínar helstu
fyrirmyndir í fimleikunum.
Af hverju valdir þú fimleika? Ég
byrjaði í fótbolta en mér fannst
miklu skemmtilegra að gera
handahlaup og splitt heldur en að
sparka í bolta þannig að ég skipti
og er mjög ánægð með það.
Hver er fyndnastur af þeim sem
þú þekkir? Ég held að ég verð
að segja Stefanía Ottesen vinkona
mín og svo er pabbi ekkert leiðin-
legur heldur.
Hvað er skemmtilegast og
leiðinlegast við þína íþrótt?
Mér finnst skemmtilegast að ná
stökkum sem ég er búin að vera
að vinna í lengi og fá að keppa
með þau. Svo er líka mjög gaman
að keppa sama hvort það er gisti-
mót eða bara heima en gistimót
eru mjög skemmtileg. Svo er svo
gaman þegar það er góður lið-
sandi og að fá hvatningu. Það sem
mér finnst leiðinlegast er að hætta
að þora einhverju sem getur orðið
ofboðslega freistandi, grunnæf-
ingar og langt og erfitt þrek er
ekkert svo skemmtilegt.
Get orðið pirruð
mjög auðveldlega
Íþróttamaður vikunnar