Skessuhorn - 14.12.2022, Blaðsíða 24
MIÐVIKUDAGUR 14. DESEMBER 202224
Fimmtudaginn 8. desember síðast-
liðinn var árleg Bókaveisla Grunn-
skóla Snæfellsbæjar haldin í Félags-
heimilinu Klifi. Bókaveislan var
fyrst haldin árið 2002, þá að frum-
kvæði Framfararfélags Ólafsvíkur,
en skipulag og framkvæmd hefur
verið í höndum skólans frá árinu
2005. Frá upphafi hefur sú hefð
haldist að bjóða rithöfundum í súpu
og spjall með nemendum áður en
farið er inn á Klif.
Bókaveislan hefur skapað
sér fastan sess á aðventunni hjá
mörgum íbúum Snæfellsbæjar.
Verkefnið er hluti af átthaga-
fræði skólans sem hlaut Íslensku
menntaverðlaunin í haust fyrir
framúrskarandi þróunarverkefni.
Rithöfundarnir Benný Sif Ísleifs-
dóttir, Gerður Kristný Guðjóns-
dóttir, Jón Kalman Stefánsson, Rut
Guðnadóttir og Sigríður Hagalín
Björnsdóttir lásu upp úr nýút-
komnum bókum sínum. Nem-
endur 10.bekkjar sömdu og fluttu
skemmtilegar kynningar á höf-
undunum.
Að sögn Vilborgar Lilju Stefáns-
dóttur og Margrétar Gróu Helga-
dóttur hjá Grunnskóla Snæfells-
bæjar tókst bókaveislan vel að
vanda, nemendur stóðu sig afar
vel og skipulag og framkvæmd var
til fyrirmyndar. Veitingar voru í
höndum foreldra 10. bekkinga,
til fjáröflunar fyrir útskriftarferð
bekkjarins. Rithöfundarnir voru
mjög ánægðir með það sem þeir
upplifðu og voru einhverjir þeirra
búnir að kynna sér átthagafræði-
verkefni skólans áður en þeir komu.
vaks
Eldsnemma að morgni laugardags-
ins 29. október hittist hópurinn á
Keflavíkurflugvelli. Mikil spenna
var í loftinu. Starfsfólk FSN, ásamt
mökum, voru á leið í náms- og
gleðiferð til Helsinki og Tallinn.
Megintilgangur ferðarinnar
var að sækja námskeið hjá fyrir-
tækinu Positive Learning, sem er
með skrifstofur í Helsinki. Posi-
tive hugmyndafræðin hefur verið
kennd og innleidd í leik, -grunn-
og framhaldsskólum víðsvegar um
heiminn. Hugmyndafræði Positive
gengur út á það að kenna, fræða
og vinna með styrkleika nemenda.
Námskeiðin byggja m.a. á að þjálfa
allt skólasamfélagið (nemendur,
kennara og foreldra) í að sjá það
góða (e. see the good).
Í aðdraganda ferðarinnar hafði
starfsfólkið undirbúið sig fyrir
komandi námskeið í Helsinki með
því að fá fræðslu í gegnum fjarfund
frá starfsfólki Positive.
Við komuna til Helsinki innrit-
aði hópurinn sig á hótelið, sem var
staðsett miðsvæðis í borginni. Það
reyndist afar hentug staðsetning og
hægt var að fara fótgangandi eða
rafhjólandi um helstu svæði borg-
arinnar. Sunnudagurinn var frí-
dagur þar sem ákveðið var að anda
að sér finnskri sögu og menningu
ýmist með skoðunarferðum, matar-
upplifunum eða búðarrápi.
Á mánudagsmorgni hófst fyrri
námskeiðsdagurinn. Starfsfólkið
sat átta klukkustunda námskeið
þar sem það fékk fræðslu og lifandi
þjálfun hjá dásamlegum kennurum
Positive. Á meðan námskeiðinu
stóð héldu makarnir áfram að upp-
lifa Helsinki og undirbúa sig fyrir
komandi sauna-seremóníur kvölds-
ins. Jú, hópur Íslendinga var kom-
inn til Finnlands og ekki var hægt
að láta sauna-menningu Finna
framhjá sér fara. Hópurinn fór því
saman á sauna- og veitingastaðinn
Löyly þar sem farið var yfir lær-
dóm og upplifanir dagsins og þau
allra hörðustu kældu sig inn á milli
með því að stinga sér til sunds út í
ísköldu Eystrasaltinu.
Á þriðjudeginum var komið að
seinni námskeiðsdeginum. Fyrir
hádegi fékk starfsfólk áfram-
haldandi kynningu og þjálfun í
styrkleikamiðaðri nálgun í kennslu,
ásamt því að læra á sérhannað
farsíma app, tengt hugmynda-
fræðinni. Eftir hádegi var svo
komið að því að fara í vettvangsferð
í skóla, þar sem hugmyndafræðin
hafði verið innleidd. Hópurinn fékk
fyrirlestur frá skólastjóranum ásamt
því að fá að fara í heimsókn inn í
bekkina. Vettvangsferðin endaði
svo í smíðastofu skólans, þar sem
einstaklega jákvæður og skemmti-
legur smíðakennari leiddi hópinn
við gerð lyklakippna. Fóru því allir
ánægðir og glaðir upp í rútu með
heimagerðan afrakstur frá þessum
fjölbreytta og áhugaverða skóla.
Seinnipart þriðjudags lagði stór
hluti hópsins í ferðalag með ferju
yfir til Tallin í Eistlandi. Glæsi-
legri ferju hafði enginn litið augum
fyrr – þrátt fyrir að vera fastagestir í
Breiðafjarðarferjunni Baldri! Fleyið
var á átta hæðum, með tilheyrandi
verslunum, veitingastöðum og síð-
ast en ekki síst, sérhæð til að leggj-
ast í koju.
Næstu tvo daga nutu ferða-
langarnir þess að skoða sig um og
upplifa borgirnar tvær, Tallinn og
Helsinki. Það er því óhætt að segja
að ferðin hafi heppnast vel.
Starfsfólk FSN kom til baka með
nýja þekkingu, gleði og jákvæðni að
vopni fyrir komandi annir í skól-
anum okkar.
Starfsfólk FSN
Bókaveisla 10. bekkjar haldin í Snæfellsbæ
Nemendur 10. bekkjar
ásamt rithöfundunum sem
tóku þátt í bókaveislu
Grunnskóla Snæfellsbæjar.
Ljósm. Vilborg Lilja Stefánsdóttir
Pennagrein
Starfsmannaferð Fjölbrautaskóla
Snæfellinga til Helsinki og Tallin
Svipmynd úr skólaheimsókn. Ljósm. aðsend.
Frá höfninni í Helsinki þar sem rússneska rétttrúnaðarkirkjan gnæfir uppúr og
skyggir á sólina. Ljósm. tfk.
Rölt um í hinni fallegu borg Tallinn. Ljósm. tfk.