Skessuhorn - 14.12.2022, Blaðsíða 25

MIÐVIKUDAGUR 14. DESEMBER 2022 25
Pennagrein
Pennagrein
Allir íslensku háskólarnir sóttu um
styrki í verkefnið Samstarf háskóla
sem Áslaug Arna Sigurbjörnsdóttir,
háskóla-, iðnaðar- og nýsköpun-
arráðherra, setti á laggir í haust.
Stefnt er að því að úthluta allt að
einum milljarði króna á þessu ári og
sambærilegri upphæð árið 2023 en
með þessu er háskólunum veittur
fjárhagslegur hvati til að stofna til
öflugs samstarfs sín á milli.
Alls bárust 48 umsóknir. Sótt
var um styrki fyrir samtals 2.850
m.kr. og eru þeir á bilinu 4 til 204
m.kr. og getur stuðningurinn því
samsvarað 35% af umbeðnum
styrkjum. Matshópur skipaður af
ráðherra skv. reglum um úthlut-
anir styrkja vegna samstarfs háskóla
vinnur nú að mati umsókna og
stefnt er að því að tilkynna um
úthlutanir fyrir árslok.
„Úthlutun samstarfsstyrkja er
ætlað að styðja við stefnumörkun
á háskólastigi. Í því skyni eru 12
áherslur tilgreindar sem samstarfs-
verkefnum er ætlað að styðja við.
Allar umsóknir sem bárust snúa
að a.m.k. einni áherslu en flestar
styðja þær við aukin gæði háskóla
á einn eða annan hátt. Þá leggja
mörg samstarfsverkefna áherslu á
STEAM greinar, nám óháð stað-
setningu og aukna nýtingu rann-
sóknainnviða,“ segir í tilkynningu
frá ráðuneytinu.
mm
Fjárhagsáætlun Borgarbyggðar
ásamt áætlun um fjárheimildir fyrir
árin 2024 til 2026 var samþykkt í
sveitarstjórn miðvikudaginn 7. des-
ember. Í þeirri áætlun sem nú hefur
verið samþykkt var lögð höfuð
áhersla á að undirbyggja sókn í
sveitarfélaginu. Stöðugt framboð á
nýjum lóðum bæði fyrir almenning
og atvinnulíf, endurnýjun grunn-
skóla, stækkun leikskóla, upp-
bygging íþróttamannvirkja og
gatnagerð rísa hæst í þeim áformum.
Allt eru þetta fjárfestingar sem eru
til þess fallnar að styrkja lífskjör og
bæta búsetuskilyrði í Borgarbyggð.
Fjárhagsstaða Borgarbyggðar er
sterk en afgangur af rekstri er lít-
ill. Þó freistandi hafi verið að lækka
álögur á íbúa í fjárhagsáætlun fyrir
2023 varð sú ákvörðun ofan á að
treysta afkomu og fjárhagsgrunn
sveitarfélagsins. Þar vegur þungt að
framundan er veruleg fjárfestingar-
þörf og fyrir liggja metnaðarfull
uppbyggingaráform sem góð sam-
staða hefur verið um. Framundan er
vinna þar sem allt kapp verður lagt á
að tekjur hækki umfram kostnað og
hugað að einföldun bæði rekstrar og
eignsafns. Þá er mikilvægt að stöð-
ugt endurmat sé á nýtingu tækifæra
til hagræðingar og skynsamlegrar
ráðstöfunar fjármuna. Ljóst er að til
að viðhalda jafnvægi í rekstri næstu
árin samhliða áformum um fjár-
festingar er nauðsynlegt að standa
vörð um tekjustofna sveitarfélagsins.
Verkefnið framundan
er að treysta og
einfalda reksturinn
Rekstrarumhverfi sveitarfélaga er
viðkvæmt og rekstrarkostnaður
eykst frá ári til árs. Laun og launa-
tengd gjöld eru langstærsti kostn-
aðurliðurinn í rekstri sveitarfélags-
ins. Á yfirstandandi ári má ætla að
um 56,4% af öllum tekjum sveitar-
félagsins hafi verið ráðstafað í laun.
Krafan um gæði þjónustu eykst
í kjarnastarfsemi sveitarfélagsins
og mikilvægt er að sveitarfélagið
hafi getu til þess að standast þær
kröfur sem bæði íbúar og star-
fólk gerir til umhverfisins. Svig-
rúm og geta sveitarfélagsins til að
sinna verkefnum og viðhaldi sem
falla ekki undir kjarnastarfsemi og
lögbundna þjónustu er ekki mikil.
Framsóknarflokkurinn væntir
góðs samstarfs innan sveitar-
stjórnar og við íbúa um það verk-
efni að treysta og einfalda rekstur
sveitarfélagsins með áherslu á
kjarnastarfsemi og grunnþjón-
ustu. Framsækni er nauðsynleg til
að takast á við nýjar áskoranir og
byggja upp til framtíðar. Mikil-
vægt er að skýr framtíðarsýn liggi
fyrir til grundvallar ákvarðan með
heildarhagsmuni íbúa að leiðar-
ljósi. Þannig höldum við áfram að
bæta þjónustu við íbúa en getum
um leið fjárfest í auknum lífs-
gæðum.
Gatnagerð og
hönnun árið 2023
Þá er öllum ljóst að lítið má út af
bregða varðandi afkomu sveitar-
félagsins til að draga verði veru-
lega úr fjárfestingum. Á sama hátt
má segja að ef vel tekst til í rekstri
þá geti skapast svigrúm til að taka
enn stærri skref í fjárfestingum og
lækka álögur á íbúa. Fjárfestingar
þurfa að taka mið af aðstæðum á
fjármagnsmarkaði og vinnumark-
aði. Miðað við þá áætlun sem nú
liggur fyrir fer skuldaviðmið sam-
kvæmt reglugerð hæst í 112% í
lok tímabilsins en það stendur nú
í kringum 65%. Samkvæmt við-
miðum eftirlitsnefndar með fjár-
málum sveitar félaga skal það vera
undir 150%.
Ef þau áform sem lagt er upp
með ganga eftir verður rekstur A
og B hluta sveitarfélagsins hallalaus
á árinu 2024 en lítilsháttar halli árin
2025 og 2026.
Aðstæður í dag eru ekki hag-
felldar til að ráðast í verulega lán-
töku. Áform sveitarfélagsins taka
mið af því að árið 2023 og 2024
verði lagt kapp á að ljúka grunn-
vinnu svo ráðast megi í fjárfestingar
þegar aðstæður skapast. Mikilvægt
er að vanda vel til allrar grunn-
vinnu, hönnunar og skipulags en
það er ein aðal forsenda fyrir því
að kostnaðaráætlanir standist. Það
þýðir samt ekki að mikilvægum
verkefnum verði slegið á frest og á
árinu 2023 en gert er ráð fyrir fjár-
festingum og framkvæmdum fyrir
566 m.kr. Þar er helst að nefna að
333 m.kr verður varið í húsnæðis-
mál og 226 m.kr. gatna- og stíga-
gerð.
Næg verkefni bíða og inni í fjár-
festingaráætlun þessa kjörtímabils
eru meðal annars stækkun leikskól-
ans Uglukletts, endurnýjun Grunn-
skóla Borgarfjarðar á Kleppjárns-
reykjum, bygging knatthúss í Borg-
arnesi, endurbætur slökkvistöðvar,
gatnagerð, fyrsti áfangi að stækkun
íþróttahúss ásamt því sem jafnt og
þétt verður viðhaldið framboði á
lóðum.
Sú áætlun sem nú hefur verið
samþykkt var unninn í þéttu og
góðu samstarfi allra fulltrúa í sveit-
arstjórn. Vinna sem hefur ein-
kennst af mikilli samstöðu, góðu
samtali og sameiginlegum vilja til
að stefna á uppbyggingu og vöxt
í sveitarfélaginu. Fulltrúar Fram-
sóknar í sveitarstjórn eru bjarstýnir
og fullir tilhlökkunar að takast á við
fjölbreytt og spennandi verkefni
sem miða öll að því að gera gott
samfélag enn betra.
Guðveig Lind Eyglóardóttir
Höfundur er oddviti Framsóknar í
Borgarbyggð
Við sem búum úti á landi vitum að
til þess að tryggja að sem flest land-
svæði séu í byggð þá verðum við að
þjónusta þau og samgöngur verða
að vera í lagi til að mannlíf fái þrif-
ist. Því miður hafa allt of mörg
svæði hér í kjördæminu verið nán-
ast gleymd þegar kemur að nýfram-
kvæmdum og viðhaldi. Nauðsynlegt
er að grípa til aðgerða til að koma
samgöngum framar í forgangsröð-
ina. Aðferðarfræði Vegagerðar-
innar við að forgangsraða vega-
framkvæmdum er ekki að virka hér
í Norðvesturkjördæmi, það sjá allir.
Skógarstrandarvegur, hinn
gleymdi vegur númer 54 í vegakerfi
Íslands, gegnir lykilhlutverki í því
að tengja saman Dali og Snæfells-
nes, en þessi vegur er nánast óak-
andi. Ég ætti að vita það enda ekki
farið ófáar ferðir um hann á leið
minni um kjördæmið. Það er nán-
ast furðulegt að hugsa til þess að
Skógarstrandavegur er eini stofn-
vegur á Vesturlandi sem er án bund-
ins slitlags og sá lengsti á láglendi
landsins alls sem þannig háttar til
um. Nú eru að verða þrjú ár síðan
ég lagði fram þingsályktunar tillögu
um hagkvæmnisathugun á upp-
byggingu Skógarstrandarvegar á
Alþingi. Því miður hefur ekkert
gerst þó einstaka þingmenn hafi
gert sitt besta til að minna á málið.
Það er ekki eins og heimamenn
hafi ekki gert sitt ítrasta til að vekja
athygli á þessu en stjórnvöld virð-
ast ekki hafa neinn áhuga á mál-
inu. Í samgönguáætlun Vesturlands
sem samþykkt var af öllum sveitar-
félögum í landshlutanum árið 2017
er lögð rík áhersla á uppbyggingu
vegarins um Skógarströnd. Þá vildu
sveitarstjórnarmenn hraða fram-
kvæmdum enda stóraukin umferð
ferðamanna um veginn til viðbótar
við heimamenn og há slysatíðni var
að þrýsta á um að framkvæmdum
yrði flýtt eins og kostur er.
Einn hættulegasti
vegur landsins
Félagi minn í Miðflokknum, Ólafur
Guðmundsson ráðgjafi í umferðar-
öryggismálum, vann úttekt fyrir
Samtök sveitarfélaga á Vesturlandi
árið 2019 um veginn. Þar kom fram
að umferð Skógarstrandarveg hefði
aukist jafnt og þétt. Um leið hafði
slysatíðni hækkað umtalsvert og
eins og ástand hans er núna er hann
beinlínis varasamur ef ekki hættu-
legur. Fyrri athuganir höfðu sýnt
hann vera einn þriggja hættuleg-
ustu vegarkafla landsins.
Vegurinn um Skógarströnd hefur
mikla þýðingu fyrir íbúa á svæðinu
sem um áratugaskeið hafa búið við
slæma malarvegi. Víða á svæðinu er
stundaður landbúnaður og ferða-
þjónusta vex hratt og margir hafa
metnaðarfull áform þar. Allir vita
að með bættum samgöngum skap-
ast ýmis tækifæri varðandi samstarf
Snæfellinga og Dalamanna. Auk
þess myndi Dalabyggð njóta góðs af
þeim gríðarlega fjölda ferðamanna
sem leggur leið sína um Snæfells-
nes og skemmtileg hringleið opn-
ast sem án efa eykur arðsemi fram-
kvæmdanna. Þá er rétt að benda á
að í tillögum um aðgerðir til upp-
byggingar innviða í kjölfar óveð-
urs í desember 2019 var lagt til að
Heydalur og Laxárdalsvegur yrðu
lagðir bundnu slitlagi þannig að
þeir gætu nýst frekar sem varaleið
þegar Holtavörðuheiði og Bratta-
brekka lokast.
Vegurinn um Skógarströnd
tengir þessa tvo vegi saman og
því mikilvægt að hugað sé að upp-
byggingu hans þegar styrkja á
varaleið fyrir áðurnefnda fjallvegi.
Því er mikilvægt að hönnun endur-
bóta, kostnaðar- og verkáætlun að
nýjum Skógarstrandarvegi liggi
fyrir sem fyrst.
Sigurður Páll Jónsson.
Höf. er fyrsti varaþingmaður
Miðflokksins í Norðvesturkjördæmi
Allir íslenskir
háskólar áhugasamir
um aukið samstarf
Áslaug Arna Sigurbjörnsdóttir, ráðherra. Ljósm. Stjórnarráðið.
Er Skógarstrandarvegur
týndur og tröllum gefinn?
Áfram veginn í Borgarbyggð
– sveitarfélag í sókn
www.skessuhorn.is
Fréttaveita Vesturlands