Skessuhorn - 29.03.2023, Blaðsíða 6

MIÐVIKUDAGUR 29. MARS 20236
Bílvelta á
Akrafjallsvegi
HVALFJ.SV: Hringt var í
Neyðarlínuna á þriðjudags­
kvöldið í liðinni viku og til­
kynnt um bílveltu á Akra­
fjallsvegi, á móts við Vestra­
Reyni. Ökumaður missti
stjórn á bifreið sinni þegar
hann fékk vindhviðu á sig
og fór út af hægra megin á
veginum. Framendi bifreiðar­
innar lenti á moldarbarði við
skurð, bíllinn kastaðist einn
hring í loftinu og hafnaði
hinum megin við skurðinn á
hjólunum. Loftpúðar bílsins
sprungu út við höggið og var
hann einnig mikið skemmdur
eftir óhappið. Ökumaðurinn,
sem var einn í bílnum, var að
sögn mikið verkjaður, með
áverka og var fluttur á HVE
á Akranesi til nánari skoðunar
og aðhlynningar. -vaks
Húsbíll fauk
KALDÁRMELAR: Töluvert
rok var síðastliðinn miðviku­
dagsmorgun um vestanvert
landið. Ferðamenn á bíla­
leiguhúsbíl lentu í hremm­
ingum á Kaldármelum. Fengu
þeir vindhviðu á sig með þeim
afleiðingum að bíllinn fauk
á hliðina utan vegar. Engan
sakaði en bíllinn er mikið
skemmdur. -mm/ Ljósm. þa
Aukið
fjármagn
til hjálpar­
tækja blindra
LANDIÐ: Alþingi hefur
samþykkt þingsályktunar­
tillögu velferðarnefndar um
aukið fjármagn til kaupa á
hjálpartækjum fyrir blinda og
sjónskerta. Tillagan á rætur
sínar að rekja til þingloka­
samninga Flokks fólksins við
stjórnarflokkana fyrir síðustu
jól. Vandamálið sem þings­
ályktunartillagan leysir var
að fjárframlög vegna sjón­
hjálpartækja hafa verið óbreytt
undanfarin ár, þrátt fyrir að
ör þróun hafi orðið á tækni­
lausnum. Umrædd ný hjálpar­
tæki eru dýr og hvert nýtt tæki
kostar á bilinu 300­500 þús­
und krónur. Til að hægt sé að
mæta kostnaði við úthlutun
nýrra tækja þurfti Þjón­
ustu­ og þekkingarmiðstöð
fyrir blinda, sjónskerta og
daufblinda einstaklinga við­
bótarfjárframlag árin 2024
og 2025, að upphæð 35 millj­
ónir króna fyrir hvort ár, sem
nú er búið að tryggja. Þessi
aukning á fjármagni mun gjör­
breyta aðstæðum blindra og
sjónskertra og auka lífsgæði
þess hóps til muna með nýjum
tegundum hjálpartækja sem
bjóða m.a. upp á gervigreind
og íslenska talgervla. Áætlað
er að um 300 einstaklingar
geti nýtt sér þessa nýju tegund
hjálpartækja. -mm
Fór yfir á
rauðu ljósi
AKRANES: Síðasta föstu­
dagskvöld var ökumaður tek­
inn fyrir að aka á móti rauðu
ljósi á umferðarljósunum við
gatnamót Kirkjubrautar og
Stillholts. Ökumaðurinn á von
á 50 þúsund krónum í sekt
fyrir athæfið. -vaks
Var með
farþega á vespu
AKRANES: Á þriðjudag í
liðinni viku var ungur öku­
maður á vespu stöðvaður af
lögreglu þar sem hann var
með farþega sem var að auki
með engan hjálm en slíkt er
stranglega bannað. Var far­
þeginn látinn fara fótgangandi
og forráðamönnum tilkynnt
um athæfið. -vaks
Grunsamlegir
menn á ferli
AKRANES: Aðfararnótt
þriðjudags í liðinni viku var
hringt í Neyðarlínuna klukkan
fjögur og tilkynnt um grun­
samlegar mannaferðir við nýja
leikskólann í Asparskógum.
Voru tveir menn á ferð og talið
að þeir hafi verið í átökum.
Lögreglan ók um svæðið og
leitaði að mönnunum en fann
enga. -vaks
Landsmenn nefna oftast hið gamal­
gróna vörumerki MS þegar þeir eru
beðnir um að nefna vörumerki úr
sínu daglega lífi sem þeim dettur
fyrst í hug. Það er eina íslenska
vörumerkið sem kemst á topp­
fimm lista þeirra vörumerkja
sem eru efst í huga Íslendinga.
Þetta kemur fram í niðurstöðum
könnunar sem Maskína gerði fyrir
Hugverkastofuna nýlega og voru
kynntar á ÍMARK deginum síðast­
liðinn föstudag.
23% svarenda nefndu MS í
könnuninni. Næst á eftir MS á
lista yfir best þekktu vörumerkin
eru: Apple, Nike, Samsung og
Coca Cola. Greinilegur munur var
á svörum eftir aldri. Meðal 60 ára
og eldri nefndu 34% MS en tæp
13% í yngsta hópnum, 18­29 ára.
Í þeim hópi nefndu flest Apple, eða
36%. Hver svarandi gat nefnt allt
að fimm vörumerki. Önnur íslensk
vörumerki sem voru meðal tíu efstu
eru Bónus, Krónan og 66°N.
mm
Á fundi velferðarnefndar Borgar­
byggðar 7. mars síðastliðinn var
rætt um hugmyndir um breytingar
á starfsemi og skipulagi fyrir
Ölduna sem býður upp á vernd­
aða vinnu, hæfingu og virkniþjáfun
fyrir fatlað fólk. Starf Öldunnar
samanstendur af vinnustofu/hæf­
ingu annars vegar og dósamót­
töku hins vegar. Á fundinum lagði
velferðarnefndin til að Aldan hætti
samstarfi við Endurvinnsluna um
dósamóttöku. Ástæðan væri sú
að það samstarf henti ekki lengur
þeirri starfsemi sem nefndin vilji
sjá í Öldunni. „Þegar byrjað var að
bjóða upp á verndaða vinnu fyrir
fatlað fólk var algengt að sveitar­
félög tækju að sér dósamóttöku til
að hafa einföld en viðvarandi verk­
efni. Í dag eru 56 móttökustöðvar
um allt land ­ aðeins þrjár þeirra
eru verndaður vinnustaður fatlaðra,
þ.e. í Borgarnesi, á Akranesi og í
Vestmannaeyjum. Annars staðar
eru það aðilar svo sem flutninga­
miðstöðvar, björgunarsveitir eða
íþróttafélög sem sjá um dósamót­
töku,” sagði í fundargerð og var
málinu vísað til byggðarráðs.
Á fundi byggðarráðs sl. fimmtu­
dag var málið tekið fyrir og þar
segir í fundargerð að gott og vax­
andi samstarf sé á milli Öldunnar
og atvinnurekenda í Borgarbyggð.
„Starfsfólk Öldunnar starfar nú
jafnframt hjá fyrirtækjum og
stofnunum víða í sveitarfélaginu.
Það heyrir til undantekninga á
landsvísu að starfsfólk vinnu­
staða fólks með skerta starfsgetu
starfi við móttöku dósa. Byggðar­
ráð styður því að Aldan segi sig frá
núverandi fyrirkomulagi við mót­
töku dósa samhliða því sem starfs­
fólk Öldunnar tekur vaxandi þátt í
atvinnulífinu.“
Byggðarráð taldi jafnframt mikil­
vægt að þjónusta íbúa vegna mót­
töku dósa skerðist ekki og fól
sveitarstjóra að vinna að útfærslu
og kynna þær hugmyndir fyrir
byggðarráði.
vaks
MS er þekktasta vörumerkið hér á landi
Styðja að Aldan hætti með dósamóttöku
Húsnæði Öldunnar á Sólbakka 4. Ljósm.úr safni