Skessuhorn - 29.03.2023, Blaðsíða 19

MIÐVIKUDAGUR 29. MARS 2023 19
Mikið var um dýrðir á Hellis­
sandi síðastliðinn föstudag þegar
nýtt hús þjóðgarðsmiðstöðvar
Snæfellsjökuls var tekið í notkun.
Gestum þjóðgarðsins hefur
fjölgað ört undanfarin ár en um
hálf milljón gesta heimsækja þjóð­
garðinn á hverju ári. Mikil upp­
bygging hefur átt sér stað innan
þjóðgarðsins á undanförnum árum
en gestastofa hefur verið á Malar­
rifi síðastliðin 10 ár og mun starf
hennar haldast óbreytt. Bygging
nýju þjóðgarðsmiðstöðvarinnar
hefur verið í kortunum síðan árið
2001, eða um það bil frá því að
þjóðgarðurinn var stofnaður, og
átti upphaflega að rísa árið 2007.
Vegna efnahagsástands var ekki
unnt að fjármagna bygginguna á
þeim tíma.
Fyrsta skóflustungan var tekin
árið 2016 en framkvæmdir hófust
árið 2019. Þjóðgarðsmiðstöðin er
um 700 fermetrar að flatarmáli og
hýsir sýningu, skrifstofur og aðra
aðstöðu. Kostnaður við bygginguna
nam ríflega 600 milljónum króna.
Er hún BREEAM vottuð og
hönnuð af Arkís arkitektum sem
unnu hönnunarsamkeppni árið
2006. Húsið skiptist í þrennt; til
suðurs er Jökulhöfði, sem vísar í
Snæfellsjökul sem trónir yfir hús­
inu, til norðurs er Fiskbeinið
sem vísar til fengsælla fiskimiða á
svæðinu og í gegnum húsið liggur
svo Þjóðvegurinn, en hægt er að
ganga þvert í gegnum húsið að
innan sem utan.
Um 250 manns mættu á form­
lega opnun þar sem Guðlaugur
Þór Þórðarson, umhverfis­,
orku­ og loftslagsráðherra vígði
þjóðgarðsmiðstöðina ásamt þremur
öðrum fyrrum umverfisráð­
herrum sem einnig komu að upp­
byggingu miðstöðvarinnar í sinni
starfstíð. Þeim Sigrúnu Magnús­
dóttur, Sigríði Önnu Þórðardóttur
og Guðmundi Inga Guðbrands­
syni. Ráðherra beindi orðum
sínum að heimamönnum og sagði
stolt heimamanna augljóst yfir
þjóðgarði sínum. Einnig tóku til
máls Sigrún Ágústsdóttir forstjóri
Umhverfisstofnunar, Kristinn
Jónas son bæjarstjóri Snæfellsbæjar
og Hákon Ásgeirsson þjóðgarðs­
vörður sem kynnti nýtt nafn þjóð­
garðsins og lógó við tilefnið. Nafni
þjóðgarðsins hefur verið breytt í
Snæfellsjökulsþjóðgarð.
Greinilegt er að mikill áfangi
hefur náðst með byggingunni og
ánægja og léttir ríkir í samfélaginu.
„Það er komið líf í húsið,“ sagði
Hákon Ásgeirsson þjóðgarðsvörður
í ræðu sinni. Hann segist spenntur
yfir nýtingu byggingarinnar en nú
þegar hefur sýning verið sett upp í
húsinu. „Sýningin sem hefur verið
sett upp núna er nokkurs konar
forsýning sem er hönnuð af Ant­
oni Illugasyni en áætlað er að full­
búin sýning verði kláruð fyrir sum­
arið 2024. Samkeppni verður um
hönnun þeirrar sýningar sem aug­
lýst verður á allra næstu dögum.
Von starfsfólksins er að húsið verði
ekki einungis gestastofa heldur
nýtist einnig samfélaginu sem
félagsmiðstöð. Hér vilji fólk koma
að skoða tímabundnar sýningar,
skólahópar komi í fræðsluferðir
og að fólki vilji hittast hér yfir
kaffibolla og spjalla um veðrið,“
segir Hákon en fyrirhugað er að
veitingasala verði opnuð í húsinu á
næstu misserum.
Sveitarfélögin á Snæfellsnesi
afhentu þjóðgarðinum gjöf við
tækifærið sem innihélt gjafabréf
upp á listaverk eftir listamanninn
Liston. Listaverkið mun koma til
með að endurspegla sérstöðu Snæ­
fellsness og tengja saman sveitar­
félögin á svæðinu en notað verður
berg og steinar úr náttúru Snæ­
fellsness í listaverkið.
sþ
Ný þjóðgarðsmiðstöð vígð á Hellissandi
Fjórir umhverfisráðherrar. Guðlaugur Þór Þórðarson, núverandi umhverfis-, orku- og loftslagsráðherra,
klippir á borða við opnun þjóðgarðsmiðstöðvarinnar ásamt þremur fyrrverandi umhverfisráðherrum;
þeim Sigrúnu Magnúsdóttur, Sigríði Önnu Þórðardóttur og Guðmundi Inga Guðbrandssyni. Ljósm. af
Frá vinstri: Kristinn Jónasson bæjarstjóri Snæfellsbæjar, Hrafnhildur Hallvarðsdóttir skólameistari
Fjölbrautarskóla Snæfellsness, Hákon Ásgeirsson þjóðgarðsvörður og Björg Ágústsdóttir bæjarstjóri
Grundarfjarðar. Sveitarfélögin á Snæfellsnesi afhentu þjóðgarðsverði sameiginlega gjöf við tilefnið.
Ljósm. sþ.
Starfsfólk Snæfellsjökulsþjóðgarðs ásamt Guðlaugi Þóri Þórðarsyni, umhverfis-, orku- og loftslagsráðherra. Ljósm. sþ.
Um 250 manns mættu á athöfnina. Ljósm. sþ.
Guðlaugur Þór Þórðarson, umhverfis-, orku- og loftslagsráðherra
með nýtt lógó og nafn þjóðgarðsins í baksýn. Ljósm. sþ. Karlakórinn Heiðbjört söng fyrir gesti. Ljósm. sþ.
Um veitingar sáu kokkar frá Bjargar-
steini Mathús. Gunnar og Miroslav
ásamt Rúnari Marvinssyni.
Ljósm. sþ.