Fréttablaðið - 30.03.2023, Page 25

Þáttaröðin Kaupmaðurinn á horninu heldur áfram á sjónvarpsstöðinni
Hringbraut í kvöld og nú er komið að því að rifja upp áhugaverða sögu
Melabúðarinnar í Vesturbænum sem rekur tilveru sína aftur til ársins 1956.
Melabúðin var fyrsta sjálfsafgreiðslubúð landsmanna, en með sérstökum
bæklingi sem lá frammi í búðinni var almenningi kennt að fara á milli rekka og
setja þær vörur í körfur sem þá vanhagaði um.
Þessi fullkomnasta úthverfaverslun Reykjavíkur, eins og hún var kölluð í byrjun,
heldur enn sínum sjarma með ótrúlega miklu vöruúrvali í sömu þrengslum og
fyrr, enda er algengasta orðið í búðinni „afsakaðu!“.
SAGA MELABÚÐARINNAR
Í KVÖLD KL. 20.00 OG AFTUR KL. 22.00