AVS. Arkitektúr verktækni skipulag - 01.03.1995, Qupperneq 34

framkvæmdra deililausna, skemmda á múr eða um
ófrágengið deili. Mikilvægi þess að fylgja leiðbein-
ingum framleiðenda bæði hvað varðar meðferð efna
á byggingarstað (s.s. varðandi veðurskilyrði á verk-
tíma, efnisþykktir og meðhöndlun efna) og útfærslu
deililausna (frágang við jörð og við efsta hluta kerf-
isins en einnig við glugga- og hurðarkarma, vatns-
bretti svo og við kanta, kverkar og á hornum opa)
kom berlega í Ijós.
Skemmdir sem fram koma á akrýlmúreinangrunar
kerfum eru oft sama eðlis og skemmdir sem fram
koma á öðrum klæðningarefnum. í akrýlmúreinangr-
unarkerfunum vilja þessar skemmdir skemma fljótt
út frá sér þar sem kerfin eru í flestum tilfellum við-
kvæm fyrir slagregni og vætu inn í kerfið. Sams konar
skemmdir í öðrum kerfum eru staðbundnari. Akrýl
múreinangrunarkerfi henta af þessum sökum illa á
byggingar með breytilega starfsemi þar sem um-
gengni er gróf og mikil.
SEMENTSBUNDIN MÚREINANGRUNARKERFI
Hér á eftir er einungis fjallað um reynslu af einu
ákveðnu múreinangrunarkerfi, þ.e. ímúr múreinangr-
unarkerfinu.
Múrkerfið hefur verið í notkun frá 1986, þegar frum-
gerð þess var reynd á Höfn í Hornafirði, og er í stöð-
ugri þróun. Frá byrjun hefur verið áhugi á að standa
vel að þróun kerfisins og hefur verið sett mikið fé í
þætti sem því tengjast. Reynslu hefur verið aflað með
kerfisbundinni úttekt á húsum sem klædd hafa verið
og gerðar talsverðar rannsóknir, m.a. á vætingu múr-
skeljarinnar og áhrifum sprungna og yfirborðsmeð-
höndlunar á hana. Markaðssett hefur verið ný tækni
sem byggist á sílóum fyrir þurrblöndur og múrspraut-
um, og gerðar ýtarlegar verklýsingar fyrir múrkerfið.
Múrblöndur hafa verið í stöðugri þróun, m.a. til að
draga úr hættu á sprungumyndun, og er nú í notkun
4. kynslóðar blanda.
Reynsla af notkun kerfisins er góð, t.d hefur ullin
staðið óvarin um langan tíma án þess að það hafi
komið að sök og múrvinnan er lítið viðkvæm fyrir veð-
urfari svo framarlega sem skelin ofþorni ekki. Stund-
um koma þó fram skemmdir sem ekki hafa verið að
fullu skýrðar, s.s. óvæntar sprungur (t.d. við horn),
skemmdir yfir dýflum og los í múr. Ljóst er að gæði
kerfisins og ending er háð fjölda þátta sem enn eru
aðeins að litlu leyti kannaðir. Vitað er t.d. að raki
kemst tímabundið í einangrun undir múrskelinni, og
er sennilega um að ræða raka sem kemst í gegnum
sprungur í múrkápu eða um rifur við t.d. glugga.
Ekkert hefur þó komið fram sem bendir til þess að
raki þessi hafi skaðleg áhrif á kerfið.
Allt frá byrjun hefur verið talið að endingu múrskeljar-
innar mætti meta út frá reynslu af múrhúðun almennt
og sérstaklega forskölun, en reynsla af fyrra notkun-
arsviðinu er meira en hundrað ár og þvi síðara a.m.k.
60 ár. Sennilega verður múrskelin sem slík því ekki
ákvarðandi fyrir endingu kerfisins í heild heldur munu
aðrir þættir verða ráðandi. Áframhaldandi þróun og
mat á endingu kerfisins fer fram í rannsóknaverkefni
sem nú er í gangi á vegum framleiðandans ÍMÚR,
Línuhönnunar h.f. og Rb með styrk úr Tæknisjóði
Rannsóknarráðs íslands. ■
K I P U L A G R
K I S I N S
DESEMBER 1994
Rit um skipulags- og byggingarmál
Auk þess:
Lög og reglugerðir um skipulags - og byggingarmál
Umhverfismat fyrir Skútustaðahrepp
Svæðisskipulag Suðumesja 1987-2007
Svæðisskipulag í Flóa 2011
Svæðisskipulag fyrir sveitarfélögin sunnan
Skarðsheiðar 1992-2012
Stefnumörkun um skipulags-og byggingarmál
Fjallabakssvæðisins 1993-2003.
Eru til sölu hjá Skipulagi ríkisins,
Laugavegi 166,150 Reykjavík,
sími 5624100, bréfasími 5624165.
32