AVS. Arkitektúr verktækni skipulag - 01.03.1995, Page 38

LISTASAFN
Það var langþráð stund þegar Listasafn
Kópavogs var opnað hinn 17. apríl 1994
við hátíðlega athöfn enda hafði hönnun
þess og bygging þá staðið í fimmtán
ár. Hvatinn að byggingu þess var vegleg listaverka-
gjöf sem erfingjar Gerðar Helgadóttur myndhöggv-
ara færðu Kópavogskaupstað árið 1977. Þetta voru
tæplega fjórtán hundruð verk úr dánarbúi Gerðar,
höggmyndir, járnverk, glergluggar, mósaíkmyndir og
teikningar. Gjöfin var háð því að reist skyldi listasafn
sem bæri nafn Gerðar, varðveitti og sýndi verk hennar
en gegndi að öðru leyti hefðbundnu hlutverki lista-
safns.
STAÐARVAL OG AÐLÖGUN
Árið 1978 fól fyrsta stjórn listasafnsins sem jafnframt
var byggingarnefnd undirrituðum að gera byggingar-
áætlanir og í framhaldi af því var ég ráðinn arkitekt.
Safninu var valinn staður í jaðri Borgarholtsins austan-
vert við Kópavogskirkju. Kirkjan var vígð árið 1963
og Gerður Helgadóttir gerði steinda glugga sem
hana prýða. Hún stendur í Borgarholtinu miðju og er
fyrir löngu orðin tákn Kópavogs. Holtið er nú friðað
en það er fyrrum sjávarbotn, þakið stórgrýti sem er
sorfið og mótað af jökulristum síðustu ísaldar. í hugum
Kópavogsbúa er kirkjubyggingin og holtið einstakt
og því þurfti að gæta þess sérstaklega að safnbygg-
ingin félli vel að umhverfinu og skyggði sem minnst
á kirkjuna. Smágerður mælikvarði og fínleg hlutföll
KÓPAVOGS
hennar hlutu að hafa áhrif á form safnsins.
YTRA FORM OG STEINKLÆÐNING UTAN HÚSS
Til að gæta þess að safnbyggingin bæri kirkjuna ekki
ofurliði var húsinu skipt í tvær smærri einingar sem
eru í raun tvö sjálfstæð hús tengd með glerbyggingu.
Form beggja eru ferningar með sléttum, lóðréttum
veggjum sem skipt er niður með lituðum þakniður-
föllum. Á þaki eru bogmyndaðir gluggar sem snúa
móti norðri og þeir ásamt hringlaga gluggum á veggj-
um kallast á við bogamyndað þak og glugga kirkj-
unnar.
Til að fella safnbyggingu vel að grýttu holtinu og jarð-
litum þess var húsið klætt rauðleitum granítstein.
Jafnframt hafði granítið þann kost að draga á engan
hátt athygli frá hvítri kirkjunni. Gulur litur niðurfalla er
hins vegar valinn með það í huga að magna upp lit
granítsteinsins á dimmviðrisdögum. Granítið er frá
Norður-Spáni. Þettu eru 3 sentimetra þykkar stein-
blokkir 60x90 sm að stærð. Yfirborð þeirra er slípað
og kantar fasaðir. Blokkirnar eru festar á steinveggi
með ryðfríum stálrörum. Borað er fyrir rörunum í stein-
veggina og þau límd föst með epoxý-lími. Festiaugu
fyrir rörin voru boruð í granítið á staðnum.
INNRA SKIPULAG
Húsið er á tveimur hæðum sem báðar eru jarðhæðir
vegna mishæðar í landinu. Byggingin er samtals
1260 m2 að flatarmáli og er hvor hæð um sig 630 m2.