Veiðimaðurinn - 01.12.2018, Qupperneq 5

4 Veiðimaðurinn 5 Leiðari
Með öngul í rassi
Stystu dagar ársins eru senn að baki og
sól tekur að hækka á lofti. Vorið verður
komið fyrr en varir og félagar Stanga-
veiðifélags Reykjavíkur freista brátt fiska
í ám og vötnum með agni sínu. Söluskrá
SVFR fyrir veiðisumarið 2019 er komin út
og fylgir Veiðimanninum. Þar er að finna
flóðatöflu komandi sumars sem er gott að
hafa við hendina ásamt dagatali þar sem er
að finna dagsetningar opnanna veiðisvæða
SVFR. Veggspjald með straumum komandi
sumars sem vakið hefur lukku meðal veiði-
manna verður að þessu sinni gefið út með
vorinu í kringum 80 ára afmæli SVFR sem
verður fagnað með margvíslegum hætti.
Deilt hefur verið um laxeldi í opnum sjó-
vkíum við Ísland og hefur SVFR tekið ein-
arða afstöðu í þeim efnum. SVFR hefur
ásamt fjölda náttúruverndarsamtaka
og eiganda laxveiðiréttar sent kvörtun
til Eftirlitsstofnunar EFTA (ESA) vegna
nýlegrar skyndilagabreytingar á lögum
um fiskeldi. Félagið mótmælt lögunum
harðlega í haust sem voru sett í tilefni af
ógildingu fjögurra laxeldisleyfa á sunnan-
verðum Vestfjörðum. Í viðtali við Veiði-
manninn árið 2016 kvað Sigurður Guð-
jónsson, forstjóri Hafrannsóknarstofnuna
sterkt að orði þegar hann ræddi um þriðju
bylgju laxeldis á Íslandi. „Það eru mikil
áform um viðamikið laxeldi í sjókvíum
við Ísland í undirbúningi. Ef illa fer getur
orðið stórskaði á íslenska laxastofninum
auk þess sem hún getur valdið efnahags-
legum og byggðalegum sakað.“
Það sperrtu ekki margir eyrun en fleiri
hefðu mátt hlusta. Iceland Review birti
nú í desember grein þar sem greint er frá
rannsóknum Jóhannesar Sturlaugssonar,
líffræðings og eiganda laxfiska, á Vest-
fjörðum undanfarin ár en í haust kom í
ljós að norskur eldislax hafði gengið upp
í íslenskar laxveiðiár og var kominn að
hrygningu þegar það uppgötvaðist. Íslensk
náttúra er ómetanleg og mikilvægt að
finna leiðir til að hagsmunir stanagveiði-
manna, náttúruunnenda, landeiganda
og þeirra sem vilja byggja upp atvinnu á
landsbyggðinni geti farið saman.
Veiðimaðurinn óskar lesendum, félögum
SVFR og fjölskyldum þeirra gleðilegrar
hátíðar og fengsæls komandi veiðisumars.
Hörður Vilberg
„Er þetta ekki sárt?“ spyr kná veiðikona að
morgni dags um miðjan september. Það
er kalt úti en bjart, sjö stiga hiti - logn - og
snæviþakin fjöllin ramma inn íslenska
haustveiði eins og hún gerist best. „Hvað
áttu við?“ spyr veiðifélaginn að bragði þegar
bílar þeirra mætast á bakkanum. „Að sitja
svona með öngulinn á kafi í afturendanum,“
segir hún og hlær. Vænn lax hafði gripið
flugu veiðikonunnar skömmu áður og sjálf-
straustið á bakkanum óx skyndilega þegar
honum hafði verið landað eftir rólegar vak-
tir á undan. Það hefði kannski verið betra
að sleppa því kvöldinu áður að ýja að því að
botninn hefði hrifsað í flugu hennar þegar
spennandi viðureign við stóran lax var lýst í
hlýju og notalegu veiðihúsinu.
Leiðari