Veiðimaðurinn - 01.12.2018, Síða 24

24 Veiðimaðurinn 25 Laugardalsá – Veiðistaðalýsing
Vert er samt að vekja athygli á svæðinu á
milli Hagakotsfoss og Langafoss. Þar má
finna einn eða tvo ómerkta pytti þar sem
lax má oft finna þegar hann er í göngu.
Þessir staðir eru nokkuð augljósir þegar
að þeim er komið, en annar þeirra er í
námunda þar sem Hagakotslækurinn
rennur út í Laugardalsá. Betra er að fara
varlega hér um slóðir. Ég þekki það á eigin
skinni að það er gremjulegt að ganga fram
á laxa sem liggja í smá pyttum og holum á
þessu svæði og verða þeirra ekki var fyrr
en allt verður vitlaust og laxarnir skjótast
fram og til baka, ljónstyggir. Er þá úti um
veiðivon á þeim stöðum í bili.
Langifoss
Langifoss er í sjálfu sér enginn foss,
heldur klapparstokkur sem á upphaf sitt
í lágri flúð eða stalli sem áin fellur fram
af. Þegar farið er á þennan veiðistað er
best að gera annað tveggja; að aka niður
að gömlu brúnni sem er niðurundir ós og
ganga þaðan uppeftir, eða hitt sem ég geri
venjulega, að keyra yfir brúna á þjóðveg-
inum og út af veginum að vestanverðu.
Þar má leggja bílnum ofan við þjóðveginn.
Þaðan er örstutt að fara í næstu veiðistaði;
Langafoss, Nefið og Skáfoss. Þessir staðir
eru veiddir að vestanverðu, öfugt við það
sem við á víðast hvar ofar í ánni, þ.e. á
þeim stöðum sem þegar hefur verið lýst.
Að minni reynslu er laxinn helst að finna
um eða ofan við miðjan stokkinn í Langa-
fossi. Rétt er að láta fluguna berast alveg
að bakkanum vestan megin, enda liggur
laxinn ekki síst þar. Einnig vil ég benda á
smá holu rétt ofan við fossbrúnina, en þar
má oft finna lax í göngu. Flestir standa rétt
við þessa holu þegar þeir kasta á Langfoss
og því er skynsamlegt að huga að henni
áður en tekið er til við veiðistaðinn sjálfan.
Langifoss er steinsnar ofan við laxastigann
í Einarsfossi. Þarna eru veiðimörk, þ.e.
bannað er að veiða nær laxastiganum en í
Langafossi. Pallurinn neðan við stokkinn
ofan laxastigans er því friðhelgur.
Skáfoss
Stutt neðan Einarsfoss er Skáfoss að finna.
Þarna er þröngt um bakkastið eins og
víðar í gilinu og því getur verið sniðugt
að kasta andstreymis í Skáfoss því þannig
er hægara um vik. Síðan má fara varlega
upp með klettinum og láta fluguna skauta
yfir strenginn. Ef laxinn tekur er eins gott
að vera við öllu búinn því miklar líkur eru
á að hann taki strikið niður gilið og er þá
eins gott að vera fótviss, því klappirnar
eru hálar á þessum slóðum.
Þegar ég kom fyrst til veiða í Laugar-
dalsá barn að aldri, fékk faðir minn það
vegarnesti frá veiðimönnum sem voru að
Ef laxinn tekur er eins gott að vera við öllu
búinn því miklar líkur eru á að hann taki strikið
niður gilið og er þá eins gott að vera fótviss, því
klappirnar eru hálar á þessum slóðum
Horft upp eftir Laugar-
dalsá á neðsta hluta
veiðisvæðisins. Skáfoss
er fyrir miðri mynd,
skammt neðan laxastig-
ans. Efst á myndinni
glyttir í Langafoss,
spottakorn ofan
laxastigans.