Veiðimaðurinn - 01.12.2018, Side 27

26 Laugardalsá – Veiðistaðalýsing
hætta veiðum, að það væri alveg gefið að
fá lax í Skáfossi klukkan sjö að morgni.
Mér til nokkurrar undrunar var aldrei
farið í Skáfoss í þessari veiðiferð okkar
þrátt fyrir þessa áeggjan, enda kom í ljós
að á þessum árum var bannað að veiða á
þessum stað!
En nú hefur þeim reglum verið breytt. Það
er hins vegar harðbannað að fara upp fyrir
Skáfoss, enda er neðsta þrepið í laxastig-
anum þarna rétt ofan við.
Nefið
Nefið er einn af skemmtilegustu veiði-
stöðum Laugardalsár. Þar háttar þannig
til að mikill klettadrangur gengur út í ána
að vestanverðu og líkist helst klumbunefi
miklu þegar horft er uppeftir ánni. Auð-
velt er að ganga niður að þessum drang,
en þaðan sést vel yfir hylinn og létt verk
þaðan að skyggna hann.
Laxinn er einkum að finna undir berg-
veggnum austanmegin neðanvert við
Nefið og einnig má stundum sjá hann
næst útfallinu, en þá er venjulega mikið
af laxi í hylnum. Þegar kastað er á þennan
stað er best að ganga varlega niður brekk-
una neðan Nefsins og byrja á því að kasta
efst í strenginn, en færa sig síðan rólega
niður. Hér geta gárutúpur farið skemmti-
lega, en einnig má veiða hér andstreymis.
Nefið er eins og aðrir veiðistaðir í gilinu
mjög sterkt í göngu, en þarna liggur lax-
inn sjaldnast lengi.
Veitt í Gilinu.