Veiðimaðurinn - 01.12.2018, Page 74

Veiðimaðurinn 75
í bæjum útbúnaður fyrir alla, sem vilja
æfa sig, og nota sér margir af því. Eg
veit mörg dæmi um góða flugumenn
sem aldrei höfðu notið leiðbeiningar,
en náðu meiri og betri árangri, er þeir
höfðu tekið þátt í kastæfingum, og
endurbætt kastlag sitt. Árlega stunda
kastæfingar hjá Stangaveiðifélagi
Reykjavíkur á annað hundrað manns,
margir byrjendur, en þó einnig vanir
veiðimenn. Þetta er afar skemmtileg
æfing, og öllum þykir gaman að handleika
veiðarfæri, oftar en aðeins í veiðiferðum.”

Heimsmet í spónkasti
Þegar hér er komið sögu í viðtalinu
ræða þeir félagar um ýmsar breytingar
sem voru að verða á veiðibúnaði. „Frá
vesturströnd Bandaríkjanna, þar sem
menn veiða í stórum ám, hafa komið
svonefndar „skotlínur”. Auka þær mjög
lengd kasta, og til dæmis má nefna, að
með einhendisflugustöng, og slíkri línu,
má kasta fimm til tíu metrum lengra,
en ef notuð væri eldri gerð flugulína.
Svipuð hlutföll gilda um köst með
tvíhendisstöngum,” lýsir Halldór fyrir
blaðamanni sem spyr um hæl um hvort
rétt sé að hann hafi náð að kasta lengra
en þágildandi „heimsmet í spónkasti.”

Halldór: „Heimsmet verður aldrei
sett, nema á heimsmeistaramóti. Ég
hef stundum náð ljómandi góðum
árangri í spónkasti, t.d. í sumar, á móti
Landssambands ísl. Stangaveiðimanna.
Náði ég með níu feta „glasfiber”-
stöng, rúlluhjóli og 18 gramma lóði,
góðri „seríu”, frá 95—98 m köstum.
Lengsta kastið var 97,60 m. Þá var
keppt með þyngri lóðum, 30 gramma.
Köstin verða þá mun lengri, og lengst
hef ég þannig náð 139,70 m kasti”.

Og áfram heldur Halldór en víkur
næst að keppni í köstum á flugustöng.
„Keppt er með bæði einhendis og
tvíhendisstöngum, og nást þá rúmlega
50 m og 60 m köst. Í keppni eru þó notaðar
sérhæfðar stengur, sem ekki myndu
notaðar við veiðar. Með venjulegum
stöngum myndu köstin verða mun styttri.
Erlendis er áhuginn hvað mestur fyrir
hæfnisköstum. Þá er notaður 30 tommu
hlemmur, og reyna menn að hæfa hann
með flugu, eða kastlóðum, úr 12 til 25 m
fjarlægð. Hér fara æfingarnar aðallega
fram á vegum SVFR við Rauðavatn,
á ýmsum grasflötum í bæjarlandinu,
og í KR-húsinu, síðari hluta vetrar.“

Keppt er með bæði einhendis og tvíhendisstöngum, og nást
þá rúmlega 50 metra og 60 metra köst. Í keppni eru þó not-
aðar sérhæfðar stengur, sem ekki myndu notaðar við veiðar.
Með venjulegum stöngum myndu köstin verða mun styttri.
74 Að kasta 139,70 metra