Veiðimaðurinn - 01.12.2019, Blaðsíða 51

U msjónarmenn eru sem fyrr
Guðmundur Guðjónsson sem
ritstýrir og Einar Falur Ingólfs-
son sem sér um ljósmyndamál og fleira.
Útgefandi er prentsmiðjan Litróf, en bókin
kemur út bæði á ensku og íslensku.
Guðmundur segir bókina hafa verið um
það bil tvö ár í vinnslu og bæði hann og
Einar Falur væru á þeim tíma búnir að fara
ótal ferðir austur, Einar til mynda, en hann
sjálfur til að hitta fólk sem komið hefur að
veiðum og sögu Hofsár. Í bókinni er rakin
merkileg saga stangaveiða í Hofsá, m.a.
með framangreindum viðtölum við eldri
sem yngri aðila sem hafa þar reynslu. Þá
er veiðistaðalýsing og loks koma margar
veiðisögur nýjar sem eldri og segja all
nokkrir vildarvinir Hofsár þar frá.
„Menn geta alltaf sagt eftir á, hvers vegna
var ekki talað við þennan eða hinn. Eða
ekki sagt frá þessu eða hinu. Sannleik-
urinn er sá að þá þyrfti að gefa út tíu bindi.
Myndir fá að njóta sín í þessum bókum og
það sníðir texta þrengri stakk og það þarf
að velja eða hafna. Við gerum okkar besta.
En um eitt verður aldrei deilt, bækurnar
eru allar stórfallegar, svo er fyrir að þakka
hönnun Finns Malmkvists og snilli Einars
Fals með myndavélina. Hofsárbókin gefur
hinum fimm ekkert eftir í þessum efnum
nema síður sé,“ segir Guðmundur.
Það er við hæfi að skjóta hér inn einni
veiðisögu sem segir frá ónefndum Bretum
sem voru við veiðar á efsta veiðisvæði
Hofsár á áttunda áratugnum.
En um eitt verður aldrei deilt,
bækurnar eru allar stórfallegar,
svo er fyrir að þakka hönnun
Finns Malmkvists og snilli
Einars Fals með myndavélina.
Veiðimaðurinn 51