Veiðimaðurinn - 01.12.2019, Page 63

Hörður einbeitir sér því að því að hnýta
fjaðraflugur til að gleðja aðra veiðimenn.
Þær eru sannkölluð listaverk og listin
er ekki fjarri Herði sem einnig hefur
reynt fyrir sér með pensla og striga.
Fyrir honum snýst þetta um sköpun og
að hnýta er ákveðin hugleiðsla. Þegar
sköpunarverkið er fullkomnað kæta flug-
urnar hans veiðimenn bæði hér heima
og erlendis. „Sumir kjósa að fá þær í
hefðbundnu fluguboxi, aðrir í ramma
upp á vegg og nú nýverið byrjaði ég að
framleiða þær í glerkassa með sérmerktri
áletrun.“ Hörður er sveigjanlegur og til
í að hnýta eftir óskum einstakra veiði-
manna.
„Ein fluga sem ég hnýtti var ónefnd svo
ég bauð viðskiptavininum sem valdi flug-
una að nefna hana. Hefðarfrú frá Sviss
sem keypti hana var til í það og keypti
nokkrar. Svo fékk ég hringingu skömmu
síðar um að flugan héti nú Maddam Blue
í höfuð frúarinnar.“
Hörður viðurkennir að hafa ekkert
sérstaklega gaman af innrömmun en
nauðsynlegt sé að koma sköpunarverkinu
vel á framfæri. Frekar hefði hann viljað
verja tímanum í að hnýta fleiri flugur. „En
svo kemur gleðin við að sjá flugurnar upp
á vegg frekar en á hnýtingarborðinu eða
ofan í skúffum.“ Flugurnar eru hnýttar
á vandaða öngla sem kosta sitt. „Öngl-
arnir eru handgerðir og hrikalega dýrir
en ég nota ekkert drasl. Það á að vanda til
verks og þeir eru svo ofboðslega fallegir
þessir önglar. Þetta eru algjör listaverk hjá
körlunum sem búa þá til.“ Hörður hefur
einnig hnýtt á antík-öngla með ríkulega
sögu en þeir nýju eru betri og rennilegri.
Flugurnar eru stórar og eins undarlega og
það kann að hljóma segir Hörður erfiðara
að hnýta stórar flugur en litlar. Þær eru
þó hnýttar í raunstærð 4/0-8/0 líkt og
menn veiddu á áður fyrr. Alls kyns túpur
og Sun Ray Shadow útfærslur hafa leyst
þær af hólmi en þeim klassísku má auð-
veldlega kasta í stríðan streng eða girni-
legan hyl. „Það væri hins vegar ekki mjög
skynsamlegt. Það er ekkert eðlilegt við
að kasta 200 þúsund króna flugu út í á,“
segir hann. Vont bakkast og klettahamar
eða birkihrísla sem grípur dýrðina getur
reynst dýrkeypt gaman Verðmæti einnar
flugu getur sem sagt hlaupið á hund-
ruðum þúsunda króna! Fallegur Green
Highlander hnýttur af Herði í eigulegu
boxi kostar þó ekki nema um 40 þúsund
krónur og er vegleg gjöf.
Flugurnar litríku geta verið mun dýr-
ari. „Þessar þrjár flugur til dæmis,“ segir
Hörður og dregur fram magnað tríó. „Ég
myndi áætla að ef ég ætlaði að selja þær
„Traherne setti allt á annan
endann, vann öll verðlaun
sem hægt var að vinna og
sló í gegn. Þetta var allt
öðru vísi en annað sem
hafði verið í boði - eins og
að koma með kúbisma inn
í klassíska málun.“
Hörður Filipsson er fluguhnýtari sem hnýtir engar venjulegar flugur.
Klassískar laxaflugur leika í höndum Harðar. Að ofan
Chatterer, stærð 5/0 og að neðan Blacker, stærð 6/0.
Popham er ein af uppáhaldsflugum Harðar. Hér sómir hún
sér vel í fallegum ramma uppi á vegg. Fyrir neðan bíða
framtíðarflugur þess að verða hnýttar.
62 Veiðimaðurinn 63 Litríkar listaverkaflugur