FLE blaðið - 01.01.2021, Page 37

37FLE BLAÐIÐ JANÚAR 2021
Áslaug Arna Sigurbjörnsdóttir dómsmálaráðherra var gestur
kvöldsins og ræddi við félagskonur um það hvernig það er að
vera kona á Alþingi. Þá var farið yfir helstu viðburði ársins en
þar stóð upp úr 15 ára afmælishátíð FKE sem haldin var á Hótel
Natura við mikinn fögnuð þar sem söngkonan Heiða Ólafs
skemmti konum fram á kvöld og mikið var um skemmtileg
atriði og góðar ræður.
COVID-19 heimsfaraldurinn hefur ekki síður haft áhrif á starf-
semi félagsins líkt og á önnur félög á Íslandi, en fella þurfti
niður fyrirhugaða heimsókn á Alþingi og færa aðalfundinn fram
til ágúst sem almennt hefur verið haldinn í maí ár hvert.
Að lokum hvetur stjórn félagsins allar löggiltar konur að ganga
til liðs við félagið, óháð því hvort þær starfi við endurskoðun.
Sara Henný H. Arnbjörnsdóttir
Nýjar löggiltar: Anna Guðrún, Fríða og Elín voru boðnar velkomnar í félagið.
Tveir metrar á milli. Við kunnum að fara eftir reglum enda með löggildingu í því.