Framkvæmdafréttir Vegagerðarinnar - 31.03.2023, Blaðsíða 21

20 Framkvæmdafréttir nr. 724
2. tbl. 31. árg.
Framkvæmdafréttir nr. 724
2. tbl. 31. árg.
21
Í framhaldinu teiknaði ég upp nokkur ný þjónustumerki
og þar með voru komnar vector teikningar sem hægt
var að nota við aðra útgáfu og framleiðslu merkjanna.
Það hófst síðan vinna við nýja reglugerð sem
kom svo loksins út 1995. Það var ljóst að það urðu að
vera til vector teikningar allra tákna og það var leitað
að þeim. Frummyndir íslenskra framleiðenda voru
skoðaðar en þær voru í grunninn sænsku myndirnar
sem þóttu orðið full gamaldags, t.d. bílatáknin
þar sem drifkúlan gekk niður úr miðjum bílnum.
Dómsmálaráðuneytið stýrði vinnu við nýja reglugerð
og ég man eftir fundi með allt að 12 fulltrúum
ýmissa umsagnaraðila, þar sem flett var fram og til
baka í norrænum reglugerðum en ekkert þokaðist í
vinnunni. Við Vegagerðarmenn ákváðum þá að ég
myndi hreinteikna upp fyrstu 25 viðvörunarmerkin í
FreeHand og setja upp í reglugerðarformi í PageMaker.
Þetta sendum við í ráðuneytið og þeir tóku þessu
bara vel. Það sem ég held að hafi ráðið úrslitum var
að á viðvörunarmerkinu um reiðmenn var kominn
íslenskur hestur en ekki háfættur sænskur gæðingur.
Mig minnir að einhver ljósmynd hafi verið notuð sem
fyrirmynd og útlínurnar teiknaðar upp. Björn Ólafsson
var forstöðumaður þjónustudeildar og stjórnaði vinnu
Vegagerðarinnar í samráði við yfirstjórn stofnunarinnar.
Ég var starfsmaður á plani, teiknaði upp tillögur skv.
ósk minna yfirmanna en þeir tóku ákvarðanir um það
sem var lagt fyrir dómsmálaráðuneytið. Ég hélt áfram
að hreinteikna merki, við sömdum texta við ný merki og
settum upp í reglugerðarformið. Þetta var síðan sent
til umsagnaraðilanna sem þá gátu gert athugasemdir
við eitthvað sem komið var á blað. Teiknivinnan var
eitthvað minni en mætti halda því þegar einu sinni var
búið að teikna tákn fyrir fólksbíl frá hlið og að framan
og aftan, þá nýttist sú teikning á mörg merki. Eins var
með vörubíl og önnur farartæki. Áfram var nokkuð um
frumteikningar þjónustumerkja sem ég reyndi að gera
eftir bestu getu. Eins var með nokkur undirmerki þar
sem myndir fylgdu nú þar sem áður hafði einungis verið
texti. Má þar t.d. nefna Blindhæð, Óbrúaðar ár, Illfær
vegur og Einbreið brú.
Stór breyting frá fyrri reglugerð voru svo
akreinamerkin sem nú urðu hvítar örvar á bláum fleti í
stað svartra tákna á gulum fleti.
Ég held að þetta hafi verið allt unnið með íslensku
leiðinni, þetta var gert af því að það þurfti að gera
það. Erlendis komu sjálfasagt miklu fleiri að svona
vinnu en ekkert endilega með betri árangri. Sænsku
merkin hafa t.d. verið uppfærð en eru samt enn frekar
óspennandi. Um svipaði leyti og við voru að hreinteikna
okkar merki var verið að hanna nýjar seríur í Danmörk
og Þýskalandi þar sem teikningar voru einfaldaðar á
skemmtilegan hátt. Ég teiknaði 2-3 merki í svipuðum
stíl og þau voru send í dómsmálaráðuneytið en þar var
ákveðið að halda okkur við eldri stíl.
↑
Mynd 12 Undirmerki með texta og myndum komu ný inn í
reglugerðina 1995.
↑
Mynd 13 Akreinamerki urðu blá með hvítum örvum 1995 í
stað gulra flata áður.