Framkvæmdafréttir Vegagerðarinnar - 10.10.2022, Blaðsíða 24

24 Framkvæmdafréttir nr. 721
6. tbl. 30. árg.
Framkvæmdafréttir nr. 721
6. tbl. 30. árg.
25
Báðar brýrnar leysa af hólmi einbreiðar brýr en
tilgangur framkvæmdanna er einmitt að fækka
einbreiðum brúm, stuðla að greiðari samgöngum
og ekki síst að auka umferðaröryggi til muna. Með
byggingu þessara brúa ásamt byggingu brúar á
Sólheimasandi sem var að ljúka verða einbreiðar brýr á
Hringvegi 29 talsins.
Umferð um þessar býr er þó nokkur en
samkvæmt tölum frá árinu 2019 er umferð um
Hringveg á útboðskaflanum 2.092 bílar á sólarhring á
sumrin en 929 bílar á sólarhring á veturna.
Vega- og brúargerð við Hverfisfljót
Gamla brúin yfir Hverfisfljót var byggð árið 1968. Hún
er 60 m að lengd og einbreið, 4 m á breidd. Nýja brúin
stendur 20 m neðan við núverandi brú. Hún er tvíbreið
(10 m) og 74 m löng. Brúin er samverkandi stálbitabrú
með steyptu gólfi í þremur höfum 22 m, 30 m og 22 m.
Landstöplar og nyrðri millistöpull eru grundaðir á klöpp
en syðri millistöpull er grundaður á boruðum staurum.
Verkið felst einnig í vegagerð sem tengir nýju
brúna við núverandi vegakerfi. Veglínan fylgir að
mestum hluta núverandi vegi. Nýir vegir verða alls
um 2,1 km. Þar af er rúmlega 1 km endurbyggður í
núverandi vegstæði og rúmlega 1 km nýr vegur í nýju
vegstæði. Auk þess verður byggður nýr áningarstaður
við Hverfisfljót í stað núverandi áningarstaðar sem
hverfur undir nýjan veg.
Gamla brúin yfir Hverfisfljót verður rifin þegar
framkvæmdum lýkur.
Einbreiðum brúm á
Hringvegi fækkar um tvær
Tvær varasamar einbreiðar brýr hverfa af
Hringvegi þegar framkvæmdum lýkur við verkið
Hringvegur (1) um Hverfisfljót og Núpsvötn.
Vegagerðin bauð út byggingu brúa á Hverfisfljót
og Núpsvötn ásamt endurgerð vegakafla beggja
vegna og gerð tveggja áningarstaða sumarið
2021. Samið var við ÞG Verk um framkvæmdina.
Samningurinn hljóðaði upp á 1.425 m.kr.
Mögulega verður hægt að opna fyrir umferð um
brýrnar fyrir áramót.
→ Brúin yfir Hverfisfljót verður
74 m löng og 10 m að breidd.
↘ Nýja brúin yfir Hverfisfljót
stendur 20 m neðan við
núverandi brú.