Verzlunartíðindi - 01.12.1984, Page 23

Baráttan gegn
búðarþjófum
— BÚÐARÞJÓFAR EIGA
ENGA MÖGULEIKA; segir á
þessu skilti á myndinni í
einum af stórverslunum
V-Þýskalands. Slík skilti
hanga víða. Á skiltinu er
fólki sagt að þeir sem gripnir
eru séu umsvifalaust kærðir
til lögreglunnar. Þá segir á
skiltinu aö það tap sem
verslanir verði fyrir af
búðarþjófnuðum komi niður
á hærra vöruverði.
Þessi barátta gegn búð-
arþjófnuðum er semsagt
víðar í gangi en hér á landi.
Grétar Norðfjörð hjá lög-
reglunni sagði blaðinu að
mjög mikið væri um afbrot af
þessu tagi. Sagði hann
jafnframt að hertar inn-
brotavarnir virtust verða til
þess að meira væri stolið í
verslunum á opnunartímum.
Slík afbrot bæri að tilkynna
lögreglunni umsvifalaust.
í Þýskalandi er búðar-
hnuplið geysistórt vanda-
mál og aðgerðir þær sem
núna eru í gangi um landið
allt eru víðtækar. M.a. er
strangt eftirlit með því að
fólk skilji eftir poka og tösk-
ur við inngang verslana.
BÚÐARHNUPL
Hann Jónas kaupmaður
Magnússon á ísafirði sagði
eftirfarandi sögu í Vestfirska
fréttablaðinu, þegar blaðið
bað hann að segja frá
neyðarlegustu uppákomu,
sem hann hefði upplifað:
,,Það er alltaf eitthvað um
hnupl í versluninni, þó er
það ekki mikið að ég held og
oftast sé ég það fljótt ef eitt-
hvað hefur horfið úr búð-
inni, veit jafnvel hver hefur
verið að verki. Yfirleitt eru
það unglingar eða kannski
menn undir áhrifum áfengis.
Þetta gleymist fljótt. Þó er
mér eitt atvik af þessu tagi
minnisstætt. Það var fyrir
mjög mörgum árum. Það
kom gömul kona inn í búð-
ina til að kaupa gulrófur,
sem ég var með í strigapoka
á gólfinu. Á meðan ég var að
láta rófurnar í bréfpoka, þá
sá ég útundan mér að kon-
an var að skoða nylonsokka
sem voru í öskju á borðs-
endanum. Allt í einu tók hún
eitt parið, braut það saman
svo að skrjáfaði í umbúð-
unum og stakk því í kápu-
vasann. Ég varð mjög hissa,
því yfirleitt er það ekki fólk í
efri aldursflokkum sem
hnuplar. En af því að þetta
var gömul fátæk ekkja, þá
gat ég ómögulega fengið
mig til að taka þá af henni og
lét sem ég hefði ekki séð
neitt. Þegar konan fór út, þá
sá ég að göt voru á sokkun-
um sem hún var í.
Þessi kona er nú löngu
dáin. En þótt boðorðið segi
,,Þú skalt ekki stela,“ þá
vona ég að Drottinn reikni
þessa yfirsjón konunnar
ekki til syndar, heldur sem
smágjöf frá mér að eigin
vali, því það er lífið, að gefa
en ekki að taka.“
Jónas lumar á fleiri sög-
um af búðarhnupli og við
látum þessa fljóta með:
„Svo var það konan sem
hnuplaði Ljómasmjörlíkis-
stykki úr glugganum hjá
mér. Henni hefur sennilega
brugðið þegar hún ætlaði
að nota smjörlíkið, því að
reyndar var bara spýtu-
kubbur inni í umbúð-
unum. . .“
Höfum ávallt fyrirliggjarvdi flestar
tegurvdir af matvörum og vefnaöarvörum
I. Brynjólf ssoi\ og Co
Hafnarstræti 9 — sími 11590
VERZLUNARTÍÐINDI
23