Ársrit um starfsendurhæfingu - 2022, Side 22

VIRK
hlutir sem skipta raunverulegu máli. Við
þetta bætist svo að í hinni mannlegu tilveru
þá á allt sitt skeið. Tíminn líður, börnin
stækka og allt breytist. Stundum þarf að átta
sig á því.“
Það er mikið rætt um einmanaleika. Finnst
þér að hann hafi aukist í kjölfar Covid19?
„Við erum ekki ennþá farin að finna fyrir þeim
áhrifum sem kóvíd-einveran hafði á fólk, en
umræður eru í gangi um hvort við eigum eftir
að fá þennan hóp til okkar seinna. Við höfum
þó fengið til okkar einstaklinga sem fóru illa
út úr kóvíd. Voru í heilsufarsendurhæfingu,
til dæmis á Reykjalundi, en komu svo til
okkar með það að markmiði að komast aftur
út á vinnumarkaðinn.

Ýmsir telja sig vissulega einmana. Ein-
staklingum sem líður þannig eru yfirleitt
mjög ánægðir með að komast á hópnám-
skeið, hitta fólk í sambærilegri stöðu og
deila reynslu sinni. Fólk í yngri aldurshópum
talar frekar um að það sé einmana. Sumir
búa kannski ennþá hjá foreldrum, eru
ekki búnir að ljúka námi og eru óánægðir
með hlutskipti sitt. Miða það gjarnan við
það sem það sér hjá jafnöldrum sínum á
samfélagsmiðlum og eru komnir í góð störf
og með fjölskyldu.
Hinir sem ekki hafa lokið námi og búa
enn hjá foreldrum finnst þeir sitja eftir,
eru sorgmæddir og finnst þeir ekki hafa
fengið það út úr lífinu sem vonaðist var
eftir. Við höfum flott úrræði fyrir þennan
hóp. Annars vegar er það „Stökkpallur“ og
hins vegar „Toppur“ hjá Framvegis sem er
símenntunarmiðstöð. Þetta eru nokkurra
vikna námskeið. Þar finnst þessu fólki
æðislegt að koma og hitta jafnaldra sína.
Fólk í þessari stöðu styður hvert annað
og oft á tíðum myndast milli þess ágætis
vinskapur.“
Sum fyrirtæki ótrúlega dugleg að
gefa fólki tækifæri
Hvað geta fyrirtæki gert til að aðstoða
þjónustuþega VIRK við að komast inn á
vinnumarkaðinn?
„Okkur virðist ýmis fyrirtæki vera
að átta sig á gildi þess að hafa fólk í
aðeins minna starfshlutfalli og gefa því
tækifæri til að komast þannig aftur út á
vinnumarkaðinn. Margir sem eru hjá okkur
eru í vinnusambandi – í veikindaleyfi, en
snúa svo aftur í sína vinnu og kannski fyrst
í lægra starfshlutfalli. Við köllum þetta stig-
vaxandi endurkomu til vinnu. Þá útbúum
við ráðgjafar gjarnan nokkurra vikna plan
með fólki þar sem það sér fyrir sér hvernig
það getur komið aftur í sitt fyrra starf.
Kannski fyrst í hálft starf og síðan í vaxandi
starfshlutfall.
Oftast er um að ræða fólk sem komið er á
seinni helming starfsendurhæfingarinnar.
Ef þörf þykir þá getur það meðfram skertu
starfshlutfalli haldið áfram í úrræðum, til
dæmis í sjúkraþjálfun. Við reynum að halda
inni líkamsrækt, hún er mjög mikilvæg – en
fókusinn er á starfið. Fordómar gagnvart
skertu starfshlutfalli eru minni og sum
fyrirtæki eru ótrúlega dugleg að taka á móti
fólki og gefa því tækifæri til að fóta sig á ný í
starfi. Og þarna er ég að ræða um fyrirtæki
af ýmsu tagi.“
Hefur þú sjálf samband við fyrirtæki fyrir
fólk sem er í þjónustu VIRK?
„Nei. Ef fólk er í vinnusambandi aðstoða
ég það við að gera plan um hvernig endur-
komunni skuli háttað sem viðkomandi fer svo
með til síns vinnuveitanda. Fólk vill yfirleitt
gera þetta sjálft með sínum yfirmanni. En sé
um að ræða fólk sem er að feta nýjar slóðir
á vinnumarkaðinum þá starfa hjá VIRK
ótrúlega góðir atvinnulífstenglar.
Þegar ég sé að endurhæfing hefur gengið
vel og einstaklingur er tilbúinn í atvinnuleit
vísa ég honum til atvinnulífstengils. Hann
hjálpar viðkomandi að gera hefðbundna
ferilskrá og svokallaðan Alfreð-prófíl – fyrir
Alfreð.is sem er rafræn umsóknarsíða um
störf. Þar getur fólk sótt um rafrænt því mörg
fyrirtæki auglýsa eftir starfsfólki á Alfreð.is.
En þá erum við komin inn á svið atvinnu-
lífstengils sem undirbýr umsækjandann
og æfir hann í viðtalstækni. Oftast eru
spurningarnar svipaðar sem fólk þarf að
svara í atvinnuviðtölum – svo sem hvað
viðkomandi álíti styrkleika sinn eða veikleika.
Það eru einmitt þau atriði sem verið er að
vinna með í endurhæfingarferlinu.“
Hvers konar styrkleika vilja vinnuveitendur
fá núna?
„Þeir vilja fá fólk sem er framúrskarandi í öllu
mögulegu – framúrskarandi í mannlegum
samskiptum, eiginlega með framúrskarandi
hæfni á nánast öllum sviðum. Umsækjanda
fallast hendur frammi fyrir slíkum kröfum,
tengja sig ekki endilega við að vera
„framúrskarandi“.
Fyrirtæki mættu oft dempa aðeins orðaval
sitt, nota lágstemmdari lýsingarorð þegar
þau auglýsa eftir starfsfólki. Þannig fengju
þau fleiri og fjölbreyttari umsóknir. En
almennt leggja fyrirtæki nútímans mikla
áherslu á að fólk geti unnið í teymi.“
Hvað þarf til að vera góður í teymi?
„Til dæmis að kunna að hlusta og hafa
ekki endilega skoðanir á öllu. Við vinnum
flest með fólki með margvíslega reynslu
og menntun. Að vinna í teymi er ákveðin
jafnvægislist. Það þarf að átta sig á hvenær
eigi að gefa í og hvenær eigi að draga til
baka. Þetta er eitthvað sem kemur með
reynslunni og við leggjum enga ofuráherslu
á við þá sem eru í atvinnuleit.
Við breytum ekki fólki heldur reynum að
efla sjálfstraust þess, gefa því trú á eigin
getu og gera það sterkara en það var þegar
það leitaði til VIRK í upphafi. Það gerist
þegar fólk er búið að vera í kannski árs
starfsendurhæfingu og hefur fengið úrræði
við hæfi og verkfæri við hæfi. Það hefur lært
að spegla það sem það lærði á námskeiðum
með því að ræða það fram og aftur við
ráðgjafann, velta fyrir sér hvernig það muni
nýtast.
Mikilvægast er að fólk tileinki sér fræðslu og
nýti þau verkfæri sem búið er að fá þeim.
Það er það flókna í þessu öllu saman en
flestum tekst að tileikna sér þessi bjargráð
ótrúlega vel. Það er fallegt að horfa á fólk
grípa tækifærið. Sumir hafa hreint út sagt
verulega mikið fyrir þessu en standa svo
uppi á eftir sem ótrúlega glæsilegt fólk.
Markmið starfsendurhæfingar VIRK er að
efla og styrkja fólk. Við höfum hafsjó af alls
konar úrræðum og námskeiðum en ég
segi alltaf við fólk í upphafi: „Þetta er þín
endurhæfing, þú situr við stýrið, ég reyni
að styðja þig og benda á möguleikana.“
Það er mikilvægt að valdefla fólk í þessu
ferli. Ýmsum er of gjarnt á að halda áfram
á sjálfstýringunni en hugsa ekki nóg.
Endurhæfing er ákveðin tímamót.
Mér finnst mikilvægt að fólk átti sig á að
þetta er endurhæfing þess, ferill þess og
vegferð þess. Þjónustuþegar VIRK þurfa
að vinna og leggja erfiðið á sig – ég tel
mig heppna að fá að fylgja þeim á þessari
vegferð.“
Texti: Guðrún Guðlaugsdóttir
Ljósmynd: Lárus Karl Ingason
Frábært fagfólk, mikil
hvatning og aðstoð. Einnig góð
ráðgjöf varðandi að fara hægt
að stað og sjá það jákvæða í
nýrri tilveru.“
Ég mætti miklum
skilningi, fannst hlustað á
mig og unnið af miklum
velvilja og fagmennsku
að finna þau úrræði sem
hentuðu mér hvað best í
mínum aðstæðum.“
Jákvætt og gott starfsfólk
sem vildi allt fyrir mig gera
og námskeiðin sem mér
buðust hjálpuðu mér að
komast á réttan stað. Þó svo
ég eigi enn eftir að ná mér
fullkomlega er það eitthvað
sem ég þykist ráða við eftir
starfsendurhæfinguna.“
Þetta gjörsamlega
bjargaði lífinu mínu. Ég
þekkti mig ekki lengur.“
Persónulega nálgun. Ég
var með æðislega konu sem
ráðgjafa og hún hélt svo vel
utan um mig og mín mál. Hún
var fjót að ávinna sér traust
mitt og minn bati er að stóru
leyti henni að þakka.“
Það var svo gott að fá
utanumhald og stuðningur
ráðgjafa skipti mig miklu máli.
Finna að ég væri á vegferð
og þyrfti ekki ein að bera alla
ábyrgðina. Það var líka gott
að vita að ég væri ekki ein
að glíma við einkenni vegna
kulnunar og örmögnunar.
Ráðgjafinn hjálpaði mér að
gera raunhæfar væntingar
til batans, sem ég hafði
alls ekki. Það sem ég hefði
viljað og mætti bæta er betri
stuðningur og endurkoma inn
á vinnumarkaðinn á ný.“
Gott að vera í skjóli
meðan maður er að komast
aftur í gang og ég fékk
frábæran ráðgjafa.“
Ráðgjafinn minn var
frábær og veitti frábæra
þjónustu. Flest úræðin sem
ég fór í gögnuðust mér vel og
ráðgjafinn var góður í að finna
réttu úrræðin fyrir mig.“
Hvað þau eru dugleg að
finna lausnir sem virka og
koma manni af stað í að sinna
sér rétt.“
Ánægja með ráðgjafana,
utanumhaldið og gæði
námskeiða og þjónustu sem
VIRK býður upp á.“
Ráðgjafi minn var
einstaklega notaleg og
hjálpsöm. Einstaklingsmiðað
prógramm var sett upp og
þjónaði algjörlega mínum
þörfum.“
Svör við spurningunni
„Af hverju ánægja með þjónustu VIRK?“
UMMÆLI ÞJÓNUSTUÞEGA
ÚR ÞJÓNUSTUKÖNNUN VIRK 2022
23virk.is22 virk.is