Heimili og skóli - 01.10.1948, Side 27

HEIMILI OG SKÓLI
123
urðu að stíga upp í ræðustólinn. Allar
kosningar voru leynilegar. Tyrra árið,
sem klúbburinn starfaði, var kennar-
inn með í stjórninni, en í vetur (1947
—48) hefur stjórnin eingöngu verið í
höndum drengjanna sjálfra. Hinn vax-
andi áhuga, sem þeir hafa sýnt fyrir
þessu starfi, mun ekki hvað sízt stafa
af því, að fá að vera þarna einráðir og
bera að öllu leyti sjálfir ábyrgð á þess-
um félagsskap.
Klúbburinn hefir hingað til komið
saman tvisvar í viku og skipta dreng-
irnir sér þá í smáhópa, hver við sitt
áhugamál. Sum áhugaverkefnin
standa aðeins yfir stuttan tíma, en
önnur, eins og frímerkjasöfnun, borð-
• tennis og skák haldast all^n veturinn.
Hver mánuður býður alltaf upp á
einhvern sérstakan viðburð. í október
var t. d. farið í útilegu. í nóvember
sótti klúbburinn meiri háttar íþrótta-
mót. í desember var dómkirkjan í
Lundi heimsótt og skoðuð, og klúbb-
urinn hélt þá sérstaka jólahátíð. Auk
þess var klúbburinn allt af leiðandi
kraftur á öllum hátíðis- og tyllidögum
skólans.
Áhugi sá, skipulagsgáfur og dugnað-
ur, sem þetta frjálsa tómstundastarf
vákti hjá drengjunum, virtist benda til
þess, að þetta væri heppilegt form fyrir
tómstundastörf drengja, og það virtist
einnig hafa ótvírætt uppeldisgildi.
Höfundur nefndrar greinar telur eng-
an vafa á því, að ábyrgðartilfinning
þeirra hafi aukizt og þeir vaxið að
félagslegum þroska. Hann bendir á,
að þetta sé góð uppbót á hið daglega
starf í skólanum, sem gefi of fá tilefni
til að glæða þessar dyggðir.
Það mætti athuga, hvort ekki mætti
Úr ýmsum áttum
AÐALFUNDUR KENNARAFÉLAGS
EYJAFJARÐAR.
Laugardaginn 2. okt. s. 1. var haldinn aðal-
fundur Kennarfélags Eyjafjarðar í barnaskól-
anum á Akureyri.
Auk venjulegra aðalfundarstarfa var höfuð-
verkefni fundarins að ræða um nýju námsskrána,
og hafði námsstjórinn, Snorri Sigfússon þar
langa og ítarlega framsögu.
J>á flutti Snorri Sigfússon erindi um norræna
kennaramótið í Stokkhólmi og Hannes J. Magn-
ússon flutti annað erindi eftir danskan rektor,
sem hann hafði snúið á íslenzku.
í stjórn voru kosnir: Snorri Sigfússon form.,
Hannes J. Magnússon ritari og Páll Gunnarsson
féhirðir, í stað Kristjáns Sigurðssonar, sem
baðst undan endurkosningu.
Flestir kennarar af félagssvæðinu mættu á
fundinum.
NÝ NÁMSSKRÁ.
í sumar liefur verið unnið að því að taka
saman nýja námsskrá fyrir barnaskóla, í sam-
ræmi við hin nýju fræðslulög, og mun hún
væntanleg til kennara bráðlega. Námsskrá þessi
er þó aðeins til bráðabirgða, og verður henni
væntanlega breytt, ef reynslan sýnir á henni
einhverja galla. Með þessari nýju námsskrá er
sú höfuðbreyting gjörð, að námsefnið er minnkað
að mun í lesgreinum, og er það aðal kostur
hennar. En með því vinnst meiri tími til móður-
máls- og reikningskennslunnar, svo og til frjálsra
starfa. Liggur nú næst fyrir að semja nýjar
kennslubækur í samræmi við þessa nýju náms-
skrá, og er vonandi, að því verki verði hraðað
sem mest.
taka upp eitthvað svipað í íslenzkum
skólum, og er reyndar gert að nokkru
leyti t. d. a£ skátalélögunum og öðrum
félögum, þótt það sé ekki beint á veg-
um skólanna.
H. J. M.