Læknaneminn - 01.12.1959, Qupperneq 3

LÆKNANEMINN
Ctg. Fél. Læknanema Háskóla Islands.
Reykjavík, desember 1959
3. tbl., 12. árg.
Örfá orð um launamál lœknanema.
Vorið 1958 var breytt reglugerð
læknadeildar Háskóla íslands, m.a.
öll tímatakmörk þrengd og strang-
ari ákvæði sett um próf. Þótti
sýnt að hinar nýju reglur mundu
m. a. hafa í för með sér, að vinnu-
möguleikar læknanema yrðu nær
engir eftir fyrstahlutapróf. Þegar
litið var á þá staðreynd, að lán
úr Lánasjóði stúdenta hrökkva
aðeins fyrir broti af framfærslu-
kostnaði einhleypings, að ekki sé
minnst á hina mörgu barnakarla
deildarinnar, þótti útlitið all í-
skyggilegt fyrir hina efnaminni
stúdenta og þykir reyndar enn.
Eitthvað varð að gera.
Vegna þessa beitti Bogi Mel-
sted, stud med., sér fyrir því í
stúdentaráði, að ráðið og Félag
læknanema skipuðu nefnd lækna-
nema, og skyldi hún rannsaka
möguleika á stofmm sérstaks
lánasjóðs fyrir iæknanema. Nefnd-
inni var ætlað að skila áliti fyrir
haust 1958, en starfi hennar lauk
ekki fyrr en á liðnu sumri, því
að það varð miklu yfirgripsmeira
og erfiðara en gert hafði verið
ráð fyrir í fyrstu.
Nefndin gekk milli Heródesa og
Pílatusa heilbrigðis- og mennta-
mála og athugaði ýmsar fjáröfl-
unarleiðir, sem ekki munu ræddar
nánar hér. Flestar reyndust þær
illfærar, en gangan varð ekki til
einskis.
Nú er árangurinn kominn í ljós.
Fengizt hefur sérstök fjárveiting
til lænanema, 100 þús. krónur.
Skal þeirri upphæð skipt milli
stúdenta í miðhluta og síðasta-
hluta eftir sérstökum reglum. Að
öðru jöfnu er gert ráð fyrir því,
að síðastahlutastúdent fái helm-
ingi hærra lán af þessu fé en mið-
hlutamaður og væri máski þörf
á að endurathuga það atriði. Ekki
þarf að sækja sérstaklega um þessi
lán, heldur er ætlazt til, að ósk-
að sé eftir þeim á umsókn um lán
úr Lánasjóði stúdenta. Hin sér-
staka fjárveiting til læknanema
skerðir á engan hátt þau lán, sem
þeir fá úr Lánasjóði stúdenta. Fé
af fjárveitingunni verður aðeins
veitt við haustúthlutun.
Læknanemar fagna þessari úr-
bót. Fjáröflunarnefndin og
menntamálaráðherra, sem reynd-
ist ákaflega velviljaður í málinu,
eiga þakkir skilið.
En — málinu er ekki lokið.
Merkum áfanga hefur verið náð,
en aðeins áfanga. Við verðum að
halda á í þessu máli og halda vöku
okkar. Fullt réttlæti til handa hin-
um efnaminni stúdentum næst því
aðeins, að fjárhagsaðstoð hins
opinbera í formi lána, styrkja eða
hvors tveggja, eða kjarabætur
læknanema, nægi stúdentinum til
lífsframfæris árið um kring. Að
þessu hljótum við að stefna.
K. B.