Læknaneminn - 01.12.1968, Síða 46

LÆKNANEMINN
1,6
Af átta skiptistúdentum sóttu þrjú um áðurgreinda deild, þ.e. hol-
lenzk stúlka og Þjóðverji, auk mín. Það voru skiljanlega ekki tök á
að skipuleggja sérstaklega kennslu fyrir okkur, en hinn hressilegi
prófessor Vara gaf okkur heimild til að ganga sjálfala á deildunum
og fylgjast með gangi mála að vild.
Ég get ekki varizt því að lýsa yfir, að finnskan er alveg voðalegt
mál. Ekki var okkur útlendingunum gerlegt að renna í grun merkingu
eins einasta orðs, og þetta mál tala rúmlega 90% þjóðarinnar.
Útlitið var skuggalegt, þangað til ég uppgötvaði lítinn hóp sænsku-
mælandi Finna. Þeim tókst oft að herja út kennslu á sænsku og með
því að elta hópinn fékk ég færi á að sjá og læra ýmislegt á skurð-
stofum, deildum, polyklinik og síðast en ekki sízt að taka á móti
börnum.
FIMSIC er skammstöfun á samtökum læknanema í Helsinki, sem
hafa í þjónustu sinni átta stúdentaskiptastjóra. Þeir taka á móti
skiptistúdentum og skipuleggja ferðir og skemmtanir fyrir þá. Sum-
arið hafði verið mjög annríkt með aðalþingi IFMSA í ágúst auk óvenju
margra skiptistúdenta. Þrátt fyrir langt og erfitt sumar, nutum við
síðbúnir ferðalangar finnskrar gestrisni í „saunapartíi11, sem allir við-
staddir kunnu mjög vel að meta. Nóg um það.
Þá var farin ferð með okkur útlendingana til Rinnekoti Habilita-
tionscentrum, sem er fávitaheimili og stærst sinnar tegundar í Finn-
landi. Rinnekoti myndar lítið þorp í fallegu umhverfi í nágrenni Helsinki.
Þar búa um sex hundruð vistmenn á öllum aldri. Við gengum dálítið
um landareignina. Alls staðar gat að líta við störf sín hin sérkenni-
legu mongoloid andlit; við landbúnað, smíðar, heimilishald, vefnað,
hjúkrun o.s.frv. Heimsóknin er eftirminnileg og sannaði áþreifanlega,
að það er dýrara að vanrækja þessa þjóðfélagsþegna en að búa vel að
þeim. Að Rinnekoti starfa saman læknar, sálfræðingar, þjóðfélags-
fræðingar, sjúkraþjálfarar, sérmenntaðir kennarar og hjúkrunarkonur.
Einnig er þar mmið að vísindarannsóknum (chromosomrannsókmun)
í tengslum við háskólann í Helsinki.
Hér að framan hefur eingöngu verið drepið á þá þætti, sem til-
heyra stúdentaskiptunum. Utan ramma þess eru minningar um margt,
sem vert væri að lýsa og segja frá. Aðeins vil ég geta um eitt m.t.t.
kveinstafa okkar vegna skorts á félagsheimili. stúdentagörðum o.fl.
Víða í Helsinki eiga stúdentasamtök húseignir, m.a. í miðborginni
mjög verðmæt hús, sem þeir hafa aflað sjálfir eða verið ánafnað, og
reka þeir þar blómlegt starf. Og læknanemar byggðu sér nýíega
stúdentagarð. Húsnæðisskort.ur var og er mikill og beiðni þeirra um
stúdentagarð þaut sem vinnur um eyru yfirvalda. Þeir tóku sig til,
söfnuðu sjálfir fé og byggðu Medioma, sem er glæsilegt fjögurra hæða
hús.
Um ágæti Helsinki og íbúa hennar væri auðvelt að eyða mörgum
lýsingarorðum, en ég læt nægja að segja þetta: Hún er óvenju falleg
og friðsæl borg með einstæðum arkitektur. Annað er það, sem eykur
mjög á gildi borgarinnar. Það eru eyjar, stórar og smáar, meðfram
landi svo langt sem augað eygir. 1 borginni og á sumum eyjanna eru