Fréttir - Eyjafréttir - 20.07.2023, Blaðsíða 6
6 | | 20. júlí 2023
Hálf öld er nú liðin frá lokum
eldsumbrota á Heimaey og eins
og venja er fyrir var haldið upp
á þau tímamót. Goslokahátíðin
í ár fellur seint í gleymskunnar
dá enda aldrei verið stærri eða
fjölbreyttari með hátt í hundrað
mismunandi dagskrárliði fyrir alla
aldurshópa. Eyjamenn nær og fjær
heimahögum létu sig ekki vanta í
þann suðupott menningar og lista
sem eyjan var alla vikuna. Bærinn
iðaði af lífi og var alls staðar setið
úti í blíðunni og notið þess að
vera í fangi fjölskyldu eða í góð-
um hópi vina. Viðburðir utandyra
fengu að njóta sín til hins fyllsta á
meðan hátíðargestir spókuðu sig
um í sólinni en það þótti ótrúlegt
hvernig rættist úr veðrinu alla vik-
una eftir blauta byrjun á sumrinu.
Hátíðarhöldin hófust snemma á
morgni mánudagsins 3. júlí og
stóðu linnulítið út alla vikuna
fram að kvöldi sunnudags.
Hátíðin var öllum sem að henni
komu til sóma og á goslokanefnd
heiður skilið, en hún hefur borið
hitann og þungann af undirbún-
ingi hátíðarinnar sem heppnaðist
með eindæmum vel. Hátíðargestir
höfðu úr nógu að velja úr margra
síðna dagskrá og fengu margir
viðburðir það mikið aðdráttarafl
að færri komust að en vildu. Þá
má nefna tónleikana tileinkuðum
Oddgeiri Kristjánssyni sem haldn-
ir voru í Sagnheimum en þar var
barist um að ná sætum.
Börnin gáfu vegg við Tangagötu
nýtt líf undir stjórn Gunna Júl og
má þar nú sjá glæsilegt listaverk.
Barnaskemmtun Ísfélagsins var
á sínum stað, Landsbankadagur-
inn á Bárustíg var tekinn með
trompi og Leikhópurinn Lotta
sýndi leikritið Gilitrutt á Stakka-
gerðistúni. Tvö unglingaböll með
tónlistarmanninum Inga Bauer
voru bak í bak í Alþýðuhúsinu á
föstudagskvöldinu, annars vegar
fyrir árganga 2007-2009 og
hinsvegar fyrir árganga 2004-
2006. Sama kvöld hélt Lúðrasveit
Vestmannaeyja stórtónleika í
Íþróttamiðstöðinni sem heppnuð-
ust með prýði. Auk lúðrasveitar
voru Karlakór Vestmannaeyja,
Kvennakór Vestmannaeyja, kór
Landakirkju og fjöldi annarra
flytjenda. Það var kátt í höllinni
og ekki þurftu tónlistargestir að
leita lengi eftir tónleikana fyrir
ennþá meira af söng og gleði enda
föstudagur og goslok. Þá höfðu
listunnendur í nógu að snúast alla
vikuna að mæta á þær fjölmörgu
myndlista- og ljósmyndasýningar
sem í boði voru.
Mikill fjöldi var samankominn
á Skansinum til að fylgjast með
setningu hátíðarinnar á mánudeg-
inum. Þar ávörpuðu helstu emb-
ættismenn landsins hátíðargesti
sem komu sér vel fyrir í grasinu
við Stafkirkju. Silja Elsabet
Brynjarsdóttir, Helga Bryndís
Magnúsdóttir og Júníus Meyvant
fluttu ljúfa tóna og Pétur Erlends-
son frumflutti goslokalagið í ár.
Ekki þótti síðra að fá varðskipið
Óðinn, sem í dag er safnskip, til
sýnis fyrir almenning fyrstu tvo
daga gosloka.
Úr dagbók lögreglunnar
„Að okkar mati fór vikan heilt
yfir vel fram í blíðskaparveðri og
fjölmenni” segir Stefán Jónsson,
yfirlögregluþjónn, en fjölbreytt
verkefni voru á borði lögreglu.
Þá voru tveir ökumenn stöðvaðir
grunaðir um akstur undir áhrifum,
annar vegna fíkniefna og hinn
vegna áfengis. Fjögur umferð-
aróhöpp áttu sér stað þar sem
einn aðili kenndi sér minnimáttar
meins en aðrir málsaðilar gengu
frá óslasaðir. Einn aðili var tekinn
með vörsluskammt af fíkniefnum
og annar var vistaður í fanga-
geymslum vegna ölvunarástands.
Þá var eitt mál afgreitt með kæru
vegna sölu áfengis eftir heimilað-
an opnunartíma.
Íris ánægð með hátíðina
Í samtali við Eyjafréttir sagðist
Íris Róbertsdóttir, bæjarstjóri
Vestmannaeyja, vera einkar
ánægð með hvernig til hafi tekist
og þakkar afmælisnefndinni fyrir
frábæra hátíð og þeim fjölmörgu
sem lögðu hátíðinni lið og hafa
eflaust haft í mörg horn að líta við
skipulagið. „Þessi hátíð sýndi það
svo sannarlega hvað við eigum
mikið af hæfileikaríku lista-
og tónlistarfólki sem er mjög
verðmætt fyrir samfélag eins og
okkar” segir Íris og bætir við að
Eyjan hafi skartað sínu fegursta.
Aðspurð út í hvað hafi staðið
upp úr hjá henni nefnir Íris alla
þá frábæru tónleika sem boðið
var upp á og göngumessuna
sem hún kveður ætíð standa
fyrir sínu, en hún var gengin á
sunnudeginum frá Landakirkju,
að gíg Eldfells og því næst niður
á Skans. Þá nefnir Íris litahlaup
Ísfélagsins en það sló rækilega
í gegn með tilheyrandi litapúðri
sem notað var til að lita þátttak-
endur á hlaupaleiðinni og endaði
með barnaskemmtun félagsins á
Vigtartorgi. Þar heilsuðu Latibær,
BMX brós, Lína Langsokkur og
Lalli töframaður upp á börnin.
Eldheimar vel sóttir
Kristín Jóhannsdóttir, safnstjóri
Eldheima, segir viðburðina þar
til húsa hafa verið vel sótta og
mikil ánægja með þá. „Báðir
viðburðirnir sem Eldheimar
skipulögðu sjálfir, annarsvegar
Eyjapistlarnir og hinsvegar sögur
og söngur úr gosinu, fóru fram
úr björtustu vonum. Lærdómur
Goslokahátíð 2023 Hátt í hundrað mismunandi dagskrárliðir
Blíðskaparveður og fjölmenni:
Minnisstæð Goslokahátíð að baki
SALKA SÓL ÖRVARSDÓTTIR
salka@eyjafrett ir. is
” Það hefur ótrúlega mikil áhrif á
grósku tónlistarmenningar eyjunnar
að veita hljómsveitum okkar
tækifæri til þess að koma fram á
þessum hátíðum og á goslokanefnd
mikið hrós skilið fyrir hátíðina í ár.
Júníus Meyvant og sveit voru með tónlistaratriði á setningunni. Mynd: Addi í London