Fréttir - Eyjafréttir - 20.07.2023, Blaðsíða 8
8 | | 20. júlí 2023
Eyjamenn teknir tali:
Almenn ánægja með hátíðina
en Marcin saknar poppsins
Birgir Nielsen Þórsson
Hvernig fannst þér á goslokum
í ár? Goslokin voru bara frábær
enda ekki hægt að kvarta yfir
veðrinu sem við fengum.
Ferðu reglulega á goslok? Það er
allur gangur á því, ég hef síðast-
liðin 30 ár verið að spila þessa
helgina um allar trissur en núna
var ég heima og að tromma.
Hvert var verkefnið þitt þessi
goslok? Á föstudagskvöldinu lék
ég í hljómsveit hússins ásamt
Lúðrasveitinni og kórum á stór-
tónleikum í íþróttahöllinni sem
tókust afar vel og verða örugg-
lega lengi í minnum hafðir. Á
laugardagskvöldinu kom ég fram
ásamt Leikfélagi Vestmannaeyja
á Skipasandi og svo spilaði ég í
krónni hjá Sigurjóni Ingvars og
félögum ásamt hljómsveitinni
Klaufar, Bigga Gildru, Sigga
Guðna og Kára Kristjáns, það var
sannkölluð veisla.
Hvaða viðburði mættir þú á? Ég
náði að skoða nokkrar sýningar,
hefði viljað sjá mikið meira en
tíminn leyfði það ekki.
Hvað stóð upp úr og af hverju?
Veðrið stóð upp úr, svo einfalt var
það.
Sigrún Alda Ómarsdóttir
Hvernig fannst þér á goslokum í
ár? Mér fannst þau frábær. Mikið
líf, fjölbreytt dagskrá og ekki
skemmir að brjálað var að gera
í búðinni minni. Laugardags-
kvöldið stóð upp úr og stemningin
á Skipasandi var geggjuð. Þangað
var rölt í góðra vina hópi, mikið
sungið og trallað.
Ferðu reglulega á goslok? Já hef
gert það síðustu ár og stend vakt-
ina í búðinni minni alla dagana og
býð smá goslokaafslátt. Gestir og
heimafólk kunna vel að meta það.
Mér finnst alltaf gaman á goslok-
um og í ár var það engin undan-
tekning. Veðrið var svo frábært og
þá er svo gaman.
Hvaða viðburði mættir þú á? Ég
hef oft farið á listsýningar en í ár
náði ég bara að fara á eina, sem
mér fannst leitt. Langaði svo á
fleiri en var með opið á sama
tíma og það var mjög mikið að
gera. Síðan var ég með gesti svo
ég komst ekki á tónleikana enda
þreytt eftir annasama daga á bak
við búðarborðið.
Hvað stóð upp úr og af hverju?
Stemningin í bænum, allir kátir
og glaðir stóð upp úr. Gleðin á
Skipasandi var æðisleg og tvo
daga í röð var metsala í búðinni
minn, sem er alls ekki slæmt. Það
er það sem stendur helst upp úr
þessari frábæru helgi.
Á G O S L O K U M M E Ð A D D A Í L O N D O N