Fréttir - Eyjafréttir - 20.07.2023, Blaðsíða 17

20. júlí 2023 | | 17
kílómeters siglingu. Er það
einstakt í sögunni að svona stór
hluti af fjalli fari af stað og sigli
þetta langt,“ sagði Páll.
Tveir fullir, einn edrú
og próflaus
Hallgrímur Tryggvason og Jósúa
Steinar Óskarsson unnu báðir hjá
Vélsmiðjunni Völundi sem flutti
starfsemina í Kópavog í gosinu
en ákváðu að slá til þegar auglýst
var eftir járniðnaðarmönnum úti
í Eyjum. Hallgrímur sló á létta
strengi í ræðu sinni.
Sagði frá því þegar Jósúa Steinar
hafði betur í skák við Þorbjörn
Sigurgeirsson virtasta jarðfræðing
á Íslandi. „Þegar karlinn hafð
leikið af sér teygði Jósúa sig yfir
borðið og kleip í nefið á kallinum
og sagði; mát aulinn þinn. Þess
má geta að við fengum ekki að
drekka kvöldkaffi með sér-
fræðingunum á hótel HB oftar eft-
ir þetta atvik,“ sagði Hallgrímur.
Og allt í einu var hann orðinn
bíóstjóri í Eyjum. Þeir fengu
stærsta herbergið á verbúð
Vinnslustöðvarinnar til afnota til
að sýna ágætis náttúrulífsmyndir.
„Þetta voru náttúrulífsmyndir,
ekki í anda Davids Attenborough
en flottar samt. Jósúa Steinar var
út við dyr með stóra Machintos-
dollu og rukkaði inn. Alltaf upp-
selt,“ sagði Hallgrímur sem stóð
vaktina við sýningarvélina. „Þetta
vakti mikla athygli og menn sem
fóru út fóru í biðröðina aftur og
inn. Mjög merkilegar og skemmti-
legar myndir sem við sýndum.
Sýnt var frá kl. 20.00 til miðnætt-
is. Þess má geta að verbúðirnar
voru fullar af starfsmönnum
Viðlagasjóðs.“
Hann sagði líka söguna því
þegar hann ásamt tveimur öðrum
áskotnaðist Vodkaflaska sem tveir
drukku. Þá vaknaði áhugi á að
skoða eldfjallið. Bíll var til reiðu,
tveir fullir, einn edrú og próflaus.
Hann var látinn keyra. Straujaði
næstum niður ljósastaur við
lögreglustöðina við Hilmisgötu og
náðu að stinga laganna verði af
upp við gosstöðvarnar.
Hallgrímur sagði þetta hafa
verið góðan tíma en þeir bjuggu
aðeins tveir að Hrauntúni 3. Um
tíma unnu þeir í Áhaldahúsinu hjá
Hauk á Reykjum. Langur vinnu-
dagur, frá hálf átta á morgnana til
sjö eða lengur á kvöldin. „Unnum
oft við vertíðarbáta sem komu bil-
aðir til Eyja enda eina vélsmiðjan
í Eyjum á þessum tíma. Þetta var
athyglisverður tími en ég fann
mig ekki í Eyjum. Þetta hljóð sem
alltaf var í fjallinu fór í taugarnar
á mér, vaknaði og sofnaði við
drunur. Í maí fór ég upp á land
og vann í Vélsmiðjunni Völundi.
Flutti aftur til Eyja í enda septem-
ber 1973,“ sagði Hallgrímur.
Þetta var mjög áhugaverð ráð-
stefna og þörf því eins og segir
í kynningu, þeim fjölgar ekki
kynslóðunum sem muna Heima-
eyjargosið 1973.
Hljóðfæri Oddgeirs Kristjánssonar sem hafa
verið í varðveislu afkomenda Oddgeirs um
áratugaskeið voru formlega afhent Sagn-
heimum, byggðasafni. Gjöfinni fylgdi sú ósk
að sögn Leifs Geirs Hafsteinssonar, eins af
afkomendunum, að Eyjamenn og gestir myndu
ævinlega fá að njóta þeirra og fræðast um
tónlistarsköpun Oddgeirs. Um var að ræða
eftirtalin hljóðfæri Oddgeirs: píanó, horn,
trompet, gítar, fiðla, blokkflauta og altflauta.
Þá voru safninu einnig afhentir ýmsir smá-
hlutir til sýninga svo sem pennar, tónsproti,
myndavélar og fleira. „Von okkar sem stönd-
um að þessari afhendingu er sú að hljóðfærin
verði höfð til sýnis í Sagnheimum og þeim
ómetanlega menningararfi sem Oddgeir og
félagar hans, einkum Árni úr Eyjum og Ási í
Bæ, verði áfram gert hátt undir höfði, sagði
Leifur Geir á hinni vel heppnuðu dagskrá á
þriðjudeginum í goslokahátíðarvikunni.
Þá benti hann einnig á að gjöfinni fylgdi
vilyrði fyrir styrk úr Minningarsjóði Oddgeirs
Kristjánssonar ef safnið vill koma upp gagn-
virkum skjá þar sem gestir geta t.d. skoðað
handrit, heyrt tóndæmi og fræðst um verk
þeirra félaga. Sannarlega höfðingleg gjöf sem
er þegar búið að setja smekklega upp á Sagn-
heimum gestum og gangandi til yndisauka.
Dagskráin á undan var einstaklega vel heppn-
uð. Þar var Hafsteinn Guðfinnsson, tengda-
sonur Oddgeirs fremstur meðal jafningja í
hljómsveitinni Vinum og vandamönnum sem
buðu upp á einstaka tónleika þar sem flutt voru
þekktustu lög Oddgeirs, minna þekkt og nán-
ast óþekkt lög. Gestasöngvari var eyjamærin
Silja Elsabet Brynjarsdóttir sem lyftir hverju
lagi í hæstu hæðir.
Hluti af ímynd Vestmannaeyja
Aðsóknin sprengdi Safnahúsið og urðu
örugglega einhverjir frá að hverfa en þeir sem
náðu að hlýða á tónleikana áttu þarna einstaka
stund. Ekki bara að flutningurinn væri nánast
fullkominn heldur lyftu kynningar Leifs Geirs
tónleikunum á hærra plan. Þar var lýst nánu
samstarfi Oddgeirs, Árna og Ása og hvernig
einstaka lög urðu til, sumt vitað og annað ekki.
Lög Oddgeirs og textar Ása og Árna eru og
verða vonandi sem lengst hluti af ímynd Vest-
mannaeyja. Tónleikarnir og gjöf fjölskyldu
Oddgeirs munu skipta miklu í koma þessum
einstaka arfi Eyjanna til komandi kynslóða.
Hljómsveitina Vini og vandamenn skipa að
þessu sinni:
Hafsteinn Guðfinnsson tengdasonur Odd-
geirs, Leifur Geir Hafsteinsson barnabarn
Oddgeirs, Birgir Hrafn Hafsteinsson barnabarn
Oddgeirs, Þórólfur Guðnason tengdamóð-
ursonur Oddgeirs, Hafsteinn Þórólfsson
barnabarnabarn Oddgeirs, Gísli Helgason
tónlistarlegur stjúpsonur Oddgeirs, Ólafur Ást-
geirsson bestuvinasonur Oddgeirs (sonur Ása í
Bæ), Kristján Steinn Leifsson barnabarnabarn
Oddgeirs og Hafsteinn Breki Birgisson barna-
barnabarn Oddgeirs.
Einstakir tónleikar og
ómetanleg tónlistargjöf
- Hljómsveitin Vinir og vandamenn stóðu sig vel.
- Silja Elsabet Brynjarsdóttir og Hildur
Kristjana Oddgeirsdóttir.
Afkomendur Oddgeirs skrifuðu undir gjafabréf.