Stuðlaberg - 01.11.2021, Blaðsíða 20

20 STUÐLABERG 2/2021
ljóðskáld og geta mælt vísur og ljóð viðkom-
andi skálda og annarra af munni fram og
fólk kann greinilega að meta þennan þjóðar-
arf okkar. Áhugi erlendra gesta hefur einnig
komið skemmtilega á óvart og heillast þeir
ekki síst af okkar löngu bragfræðihefð, sagna-
heimi Eddu-kvæðanna, rímnakveðskapnum
og þætti ljóðanna í sjálfstæðis baráttunni
þar sem penninn var voldugri en sverðið.
Við höfum einmitt fengið í heimsókn tölu-
vert af erlendu fræðafólki sem er að kynna
sér þennan merka arf okkar og eins hefur
forstöðumaður verið með fræðsluerindi og
kynningar fyrir erlend skáld og áhugafólk í
gegnum netið.
Hve margar bækur voru í safninu við stofnun
þess og hve margar eru þær núna?
Eitt af markmiðum okkar er að safna einu
eintaki af öllum íslenskum ljóðabókum. Ég
var sjálfur búinn að safna að mér mörg hundr-
uð bókum áður en ég opnaði og þegar það
spurðist út hvað stæði til fóru að berast bóka-
gjafir héðan og þaðan. Stærsti fengurinn var
ljóðabókasafn Baldurs heitins Pálmasonar,
ljóðskálds og dagskrárstjóra hjá Útvarpinu.
Hann lét eftir sig stórt safn bóka og fyrir
tilstilli góðra manna og með fjármagni frá
Siglfirðingnum Arnold Bjarnasyni varð ljóða-
bókasafn hans okkar. Þar voru margar áritaðar
bækur og fágætar. Arnold færði Ljóðasetrinu
þessar bækur að gjöf til minningar um afa
sinn, séra Bjarna Þorsteinsson, prest og þjóð-
lagasafnara. Bókasöfn Siglufjarðar og Kópa-
vogs voru okkur vinveitt á fyrstu metrunum
og fjöldinn allur af fólki hefur sent okkur eða
komið með bókakassa í gegnum tíðina. Þegar
við opnuðum voru til vel á annað þúsund
eintök bóka, nú eru þau um fjögur þúsund.
Hefur Ljóðasetrið orðið til þess, að þínu mati, að
glæða áhuga ungs fólks á ljóðum?
Öll umræða og athygli sem ljóðið fær er af
hinu góða og ég tel að tilkoma Ljóðasetursins
hafi hjálpað til við að auka þá athygli. Hvað
unga fólkið varðar höfum við lagt mikla
áherslu á það á Ljóðasetrinu allt frá upphafi
Sagt um ljóð
Vel ort íslensk vísa í góðum bragarhætti
er einn dýrasti og formfegursti skáldskapur
sem heimurinn þekkir.
Einar Benediktsson skáld.
Engin list hefur látið Íslendingum betur
í seinni tíð en ljóðlistin.
Jón J. Aðils prófessor.
Ég er sannfærður um að ljóðakunnátta hefur
mikið þroskunargildi og hefur haft mikil áhrif
á andlegan vöxt Íslendinga um aldaraðir.
Þórbergur Þórðarson rithöfundur.
Í sáningu málsins í ungar sálir og ræktun þess
til viðhalds kjarngresi tungunnar eiga ljóðin
sinn ómetanlega þátt.
Gunnar Gunnarsson rithöfundur.
Þau kvæði sem eru komin frá hjartarótum
skáldanna ylja manni alltaf.
Laufey Valdimarsdóttir rithöfundur.
Það er engu líkara en í landinu sjálfu, í
fjöllum þess og dölum, fossum og fjörðum,
hafi frá upphafi búið sá töframáttur sem
glæðir skáldeðlið, vekur ljóð til lífs og aðdáun
almennings á stuðlaföllum og hrynjandi.
Davíð Stefánsson skáld frá Fagraskógi.
Ljóðið er kastali háttvísinnar.
Halldór Laxness rithöfundur.
Ljóð er hægt að syngja, dansa og segja.
Þau þurfa ekki nema brot úr tíma til þess að
læsa sig inn í mannlega vitund og opinbera
alla leyndardóma lífsins.
Jenna Jensdóttir rithöfundur.
Frágengin kvæði, fleiri en menn halda,
fulllauna skáldum stritið sem þau valda.
Jóhann S. Hannesson skólameistari.
Ljóðið er leið mannsins til að leita að sál sinni.
Matthías Johannessen rithöfundur.
J.R.