Framkvæmdafréttir Vegagerðarinnar - 06.09.2023, Qupperneq 12

12 Framkvæmdafréttir nr. 726
4. tbl. 31. árg.
Með þeim í því verkefni voru þeir Haraldur Þór Jónsson,
oddviti og sveitarstjóri Skeiða- og Gnúpverjahrepps,
og Jón Bjarnason, oddviti Hrunamannahrepps, en
Stóra-Laxá liggur á mörkum sveitarfélaganna tveggja.
Hefð er fyrir því að ráðherra fari fyrstur yfir brýr eftir
formlega opnun en í þetta sinn fengu börn af svæðinu
þann heiður. Fararskjótarnir voru forláta kassabílar
sem þeir Haraldur og Jón ýttu yfir brúna.
Börn í kassabílum fyrst yfir
nýja brú yfir Stóru-Laxá
Ný tvíbreið brú yfir Stóru-Laxá í Hreppum var
opnuð formleg 13. júlí síðastliðinn. Sigurður
Ingi Jóhannsson innviðaráðherra og Bergþóra
Þorkelsdóttir, forstjóri Vegagerðarinnar, héldu
stuttar ræður áður en þau klipptu á borða til að
marka hina formlegu opnun.
Skeiða- og Hrunamannavegur (30)
um Stóru Laxá
Ný tvíbreið brú yfir Stóru-Laxá var opnuð fyrir umferð
25. júní 2023. Hún kemur í stað einbreiðrar 120 m
langrar brúar frá árinu 1985. Umferðaröryggi eykst til
muna með tilkomu brúarinnar. Samgöngur um Skeiða-
og Hrunamannaveg verða mun greiðari en umferð
hefur aukist töluvert á þessu svæði síðustu ár, sér í lagi
með tilkomu aukins ferðamannastraums.
Verkið sem Vegagerðin bauð út bar heitið; Skeiða-
og Hrunamannavegur (30) um Stóru-Laxá. Í því fólst
bygging brúar yfir Stóru-Laxá, gerð nýs vegkafla
Skeiða- og Hrunamannavegar (30) beggja vegna,
breikkun vegamóta við Skarðsveg og við Auðsholtsveg
og gerð reiðstígs. Nýja brúin er til hliðar við gömlu
brúna, tvíbreið, staðsteypt, eftirspennt bitabrú, 145 m
löng í fjórum höfum. Lengd vegkafla er rúmlega 1000
m og lengd reiðstígs rúmir 300 m.
↑
Haraldur Þór Jónsson, oddviti
Skeiða- og Gnúpverjahrepps,
og Jón Bjarnason, oddviti
Hrunamannahrepps, öttu kappi í
kassabílarallýi yfir brúna.
↗
Heiðurmennirnir Matthías Sigvaldason og
Þorvarður Hjaltason með skæravörðunum Rakel
Sigurðurðardóttur og Steinþóri Kára Sigfússyni.
→
Ný brú yfir Stóru-Laxá var formlega opnuð
13. júlí 2023. Gamla brúin mun þjóna hlutverki
göngu- og reiðbrúar.