Dagfari - 01.03.2024, Blaðsíða 2

Pistill formanns
Núna 30. mars eru 75 ár síðan
Ísland gekk í Nató. Hernaðar-
bandalagið sem hefði átt að vera
löngu úrelt er enn að stækka og
nú síðast fórnaði Svíþjóð tveggja
alda hlutleysi til að beygja sig
undir utanríkisstefnu
Bandaríkjanna og taka þátt í því
vígvæðingarbrjálæði sem hefur
gripið um sig í Evrópu.
Síðustu mánaðarmót voru svo 10 ár
frá Maidan byltingunni í Úkraínu
og hernámi Krímskaga af Rússlandi
í kjölfarið. Deilur ríkjanna tveggja
eftir þessa afdrifaríku atburði leiddu
að lokum til innrásar Rússlands í
Úkraínu fyrir réttum tveimur árum.
Margt kom á óvart við þessa
atburðarás, að Rússland skyldi ganga
svona langt og að herafli Úkraínu
næði að hrinda þessari fyrstu atlögu.
Það sem kom ekki á óvart var að allt
færi þetta illa. Friðarsinnar hafa bent
á að eina raunhæfa leiðin til að ljúka
þessum átökum sé með samningum,
bæði fyrir og eftir innrás. En Nató-
ríkin og þá sérstaklega Bandaríkin
hafa engan áhuga haft á því og
lofuðu langt upp í ermina á sér til að
kynda undir deilunum og þvælast
fyrir friðarsamningum. Leiðtogar
Rússlands hafa svo fórnað
tugþúsundum mannslífa og
samskiptum við umheiminn til að
heyja gamaldags landvinningastríð.
En því miður fyrir Úkraínu þá er ljóst
að Rússland hefur úr meiru að spila í
þessum ógeðslega skotgrafarhernaði
sem engan enda sér fyrir á.
Bandaríkin hafa enda reynst
ótraustir bandamenn. Við sitjum því
uppi með óöruggari heim, gífurlega
hervæðingu Evrópu, milljónir
flóttamanna og tugþúsundir látinna
og enn er eina raunhæfa lausnin sú
að samið verði um frið.
Bandaríkin hafa þó reynst traustari
bandamenn Ísrelsríkis í herför sinni
gegn Palestínumönnum síðustu
mánuði. Það er ekki hægt að kalla
þau ódæðisverk stríð, enda hefur
Alþjóðadómstóll Sameinuðu
Þjóðanna staðfest að hætta sé á
þjóðarmorði. Ísraelskir stjórn-
málamenn hafa ekki hikað við að
kalla eftir þjóðernishreinsunum
og gjörðir ísraelska hersins eru
staðfesting á þeirri meiningu. Ekkert
stríð síðustu áratugi hefur valdið
dauða jafn margra barna jafn hratt,
hvergi hefur eyðileggingin innviða
og húsnæðis verið jafn alger á jafn
stuttum tíma og nú er verið að
svelta íbúa Gasa til bana.
Leiðtogar Vesturlanda, sem hafa haft
uppi stór orð um mikilvægi alþjóða-
laga þegar kemur að innrás Rúss-
lands í Úkraínu, líta í hina áttina
þegar kemur að Ísrael. Á meðan
forseti Bandaríkjanna talar í upp-
gjafartón um hversu mjög hann hafi
reynt að tala um fyrir ísraelskum
stjórnvöldum sendir hann sprengjur
á færibandi, leyfir Ísraelsmönnum
að stoppa birgðaflutninga inn á
Gasasvæðið og beitir neitunarvaldi