Goðasteinn - 01.09.1970, Page 55

Morgunsálmur
Háloflegi himnasmiður,
hjartkærasti faðir minn,
sem mér hefur haldið viður
hingað til fyrir almátt þinn,
lystir mig að fá þinn fund
fyrst um þessa morgunstund,
þíða iofgjörð þcr að vanda,
þar til gef mér styrk þíns anda.
Nætur rósemd þér ég þakka,
þá sem að þú veittir mér.
Eg hef fengið enn að smakka,
æ, hve sætur Drottinn er.
Eg tilbúna átti sæng
undir þínum hlífðarvæng,
aftur risinn upp af henni
engra nú ég meina kenni.
Eg vil hlýðinn aftur gjalda
allt það, sem þér líkar bezt,
lof og þökk þér þúsundfalda,
þinni hrósa gæzku mest,
feginn líka fórna þér,
fyrst að skyldan útheimter,
tregafullu táraflóði,
tempruðu í Jesú blóði.
Goðasteinn
53