Félagstíðindi Stéttarsambands bænda - 01.11.1945, Side 6

6
FÉLAGSTÍÐINDI
landssalan gæfi bændum sexmanna-
nefndar-verð hefði nýmjóikurlíter þurft
að hækka um 12 aura og kjöt kg. um 90
aura frá núverandi smásöluverði.
Þegar iitið er til þess peningaflóðs, sem
nú er á aðal markaðsstöðum landbúnað-
arins og að því er virðist fullkomins hirðu-
leysis mikils þorra almennings um hvað
hann greiðir fyrir útlendar vörur, þarfar
og óþarfar, þá er ekki líklegt að 12 og 90
aura hækkun skipti svo miklu, að af því
hefði leitt teljandi sölutregðu.
Til þess að ganga úr skugga um þetta,
sneri stjórnin sér til þeirra aðila, er hafa
með höndum aðal verzlunina á þessum
vörum, þ. e. forstjóra útflutningsdeildar
S. í. S., forstjóra Sláturfélags Suðurlands
og forstjóra Mjólkursamsölunnar og spurð-
ist fyrir um álit þeirra á þessu atriði.
Álit þeirra var samhljóða á þá leið, að
það mundi hafa skipt litlu úr því sem kom-
ið var fyrir söluna, þótt fullt sexmanna-
nefndar-verð hefði veriö lagt á- vöruna,
ef aðrar framkvæmdir hefðu verið í fullu
lagi. Að fengnum þessum upplýsingum
verður stjórnin að telja, að sú staðhæfing,
að fullt sexmannanefndar-verð hefði stór-
spillt fyrir sölunni, hafi við lítið eða ekk-
ert að styðjast.
Loks hefur því verið haldið fram, að ekki
hafi mátt hækka afurðir bænda meir en
gert var, vegna vísitölunnar. Þar til er því
að svara, að hér er um alþjóðarmál að
ræða og því fráleitt að taka bændastétt-
ina eina út úr og kúga hana til að fórna
alveg sérstaklega á altari vísitölunnar.
Af framangreindum ástæðum er það
sannfæring stjórnar Stéttarsambands
bænda, að verðlagsnefnd hafi missýnst
mjög í verðlagsákvörðunum sínum og að
sexmannanefndar-verðið sé eini grund-
völlurinn sem verðlagning landbúnaðar-
afurða á innlendum markaði verði byggð
á, ef ekki á að beita bændur vísvitandi
ranglæti.
Þá hafa framkvæmdir verðlagsmálanna
verið með þeim hætti, að full ástæða er
til að átelja þær.
• Þegar verðlag á landbúnaðarvörum var
tilkynnt almenningi í sept. s. 1., var nið-
urgreiðsla ríkissjóðs felld niður og-ekkert
látið uppi um það hvort ríkisstjórnin
mundi greiða niður verð vörunnar, kaup-
endur vissu því ekkert um hvert yrði hið
endanlega verðlag og kusu þvi yfirleitt
að fresta kjötkaupum. Þegar svo bráða-
birgðalög voru loks útgefin í lok septem-
bermán., vantar reglugerð, er sker úr um
ýms vafaatriði, þar á meðal hverjir verði
aðnjótandi þessa neytendastyrks úr ríkis-
sjóði, er lögin gera ráð fyrir og um fram-
kvæmd niðurgreiðslunnar. Þessi reglugerð
er ókomin enn og er þó sláturtíð að verða
lokið.*) Afleiðing þessa hefir orðið stöð-
ug óánægja og óvissa meðal kaupendanna
um hið endanlega verð. Ber þeim, sem
kunnugastir eru þessum málum saman
um að þetta sleifarlag hafi stórspillt fyrir
kjötsölunni.
Hér að framan hefir eingöngu verið
rætt um verðlag á landbúnaðarvörum
innanlands. Nú er vitanlegt að selja verður
all • verulegan hluta kjötsins á erlendum
markaði. Um verð á því er allt í óvissu,
hámarksvonir eru 5.40 kg. frítt um borð,
það er þó aðeins veik von og getur vel
orðið lægra. Verðlagsnefnd hefir áætlað
útflutninginn allt að 2000 tonnum og að
áðurgreint verð fáist.
Ef það reynist rétt, ættu bændur að fá,
samkvæmt tillögu og útreikningi verð-
lagsnefndar, kr. 5.98 fyrir kg. af dilkakjöti
á yfirstandandi verðtímabili.. En því mið-
*) Síðan þetta var ski'áð, hefir opinber tilkynn-
ing um tilhögun niðurgreiðslunnar verið birt
almenningi.