Úrval - 01.04.1983, Qupperneq 79

77
BOÐSKAPUR 6000 HJÓNASKILNAÐA
þær séu endanlega komnar út úr
púpunni — „fiðrildisstigið” er ég
vön að kalla það. Þær grennast
kannski, breyta um hárgreiðslu og fá
sér ný föt. Þær finna sér starf og hella
sér út í áhugamál — þegar allt kemur
til alls verða þær duglegri, meira
aðlaðandi og spennandi.
Þessi breyting er ekki eins mikil hjá
fráskildum körlum en nýfengið frelsi
heillar marga og þeir líta heiminn
öðrum augum. Ég hef líka kynnst
mörgum „frjálsum” körlum sem
hafa sökkt sér af ákafa niður í
vinnuna og náð lengra í sínu starfi
heldur en meðan þeir voru kvæntir.
En hvort sem maður gerir þetta eða
hitt eiga nokkrar einfaldar ráðlegg-
ingar rétt á sér:
Umgengni við fyrri maka má ekki
vera kærulaus. Fyrrverandi maki sár-
bænir þig kannski um að taka sig
aftur. En eigi það að verða þarftu að
vera hárviss um að hann vilji það í
raun og veru. Ef þið ætlið að hittast
skuluð þið fara saman út að borða á
veitingahúsi. Samveran þar má ekki
standa of lengi. Farið ekki strax upp í
ból. Það gæti orðið til þess að þið
hæfuð sambúðina á ný á allt of
veikum grunni og yrðuð að ganga í
gegnum það sama aftur.
Láttu skynsemina ráða í kynlífinu.
Ef þú vilt komast í gott samband
skaltu hafa bæði augun opin. Farðu
varlega í að bindast áður en þú hefur
jafnað þig nægilega á skilnaðinum. ]
Reyndu að finna einhvern sem þér j
fellur við og þú getur reitt þig á og
getur veitt þér félagsskap og skilning.
Ef þú átt börn geturðu ekki leynt
ástarsambandi lengi. Sonur verður oft
afbrýðisamur út í vin móður sinnar og
dóttir út í vinkonu föður síns. Þeim
finnst báðum að ókunnur aðili hafi
troðið sér inn í fjölskylduna. Láttu
ekki nýjan félaga sofa á heimilinu
nema alvara sé í leiknum.
Hentu þér ekki út í nýtt hjóna-
band. Stór hluti fráskilins fólks gift-
ist aftur. Leggðu samt ekki kapp á að
finna nýjan maka. Þú verður að kom-
ast yfir ranghugmyndir og til-
finningalega erfiðleika sem óhjá-
kvæmilega fylgja upplausn hjóna-
bands. Ef þú ert í þeirri aðstöðu að
neyðast til að taka afstöðu segðu þá
hreint út að þú verðir að hafa tíma til
að hugsa þig um. Hreinar tilfinningar
hljóta að hjara bæði hálft og heilt ár
án þess að hljóta nokkurn skaða af.
EITT AF ÞVÍ sem maður lærir af
þessu lífsskipbroti er að maður getur
ekki breytt öðrum. Fólk breytist ekki
nema það vilji það sjálft — ekki
vegna þess að makinn vilji það. Ef
maður vill endilega laga ,,hinn”
aðilann er hætta á að makinn verði
neikvæðurog sambandið bíði hnekki.
Margir fráskildir búa einir í
nokkur ár — að eigin ósk eða þá að
þeir neyðast til þess. Viðhorfin til
þessa eru gerólxk því sem áður var.
Margir hafa stórar áhyggjur af hárri