Upp í vindinn - 01.05.2018, Side 57

Mynd2 Dæmi um prófun skv. IS013784-1:2014. PIR einingar til vinstri og steinullareiningar tiI hægri, 11 mínútum eftir tendrun bruna. [7]
Brunaþroun og ahrií 3 Eðli eldútbreiðslu í utanhússklæðningum er þannig að logar og heitt
öryggi gas leita upp á við og valda því að eldútbreiðsla upp í móti verður
margfalt hraðari en eldútbreiðslan til hliðanna, sem verður mjög
takmörkuð. Vindur getur þó haft áhrif á eldútbreiðslu til hliðar. Bruni
getur byrjað innan byggingar og borist síðan í utanhússklæðningu
og þaðan jafnvel milli hæða, brunahólfa eða bygginga. Einnig getur
verið um eld að ræða sem kviknar utanhúss, annaðhvort upp við
bygginguna, t.d. í grilli eða rafmagnsbúnaði, eða í aðliggjandi
byggingum. Eldur sem breiðist upp eftir brennanlegum útvegg
byggingar getur borist inn í bygginguna á fleiri hæðum, sérstaklega í
gegnum glugga og önnur op. Þetta veldur auknu eignatjóni og
áhættu fyrir fólk og torveldar slökkvistörf. Þegar þetta gerist getur
vatnsúðakerfi virkjast á mörgum hæðum samtímis, sé slíkt kerfi til
staðar. Kerfið verður þannig fyrir meira álagi en það var hannað fyrir,
sem veldur því að virkni þess verður mjög takmörkuð. Þá getur
einnig rignt niður brennandi ögnum/efnishlutum sem breiða út eld
enn frekar, torvelda rýmingu frá byggingu og aðkomu viðbragðsaðila.
Eldurinn getur bæði breiðst eftir yfirborði klæðningarinnar að
utanverðu og einnig innan holrýmis undir klæðningunni. Það er því
ekki eingöngu val klæðningar sem hefur áhrif á brunahættu tengdri
utanhússklæðningum, heldur einnig frágangur í loftbili og á
hæðarskilum þegar um er að ræða loftræstar klæðningar. Loftbilið
getur orsakað það að logar ná að teygja sig upp nokkrar hæðir
vegna skorsteinsáhrifa, en eldsútbreiðsla innan holrýmis getur
þannig verið mjög hröð ef um brennanleg efni er að ræða og ef ekki
eru takmarkanir á loftflæði innan bilsins. Til eru lausnir sem halda
loftbili opnu fyrir loftræsingu en lokast við hita eins og sjá má dæmi
um á mynd 3, þar sem sérstakur þensluborði lokar loftbilinu áður en
eldur nær að breiða úr sér innan þess.
■
y-Utveggur
l—Einangrun
Y—Loftræst bil
l—Regnhlíf
h-Þensluborði
Mynd3 Dæmi um frágang í loftræstu
loftabili á hæðarskilum. [8]
Ö/
Brennanlegar utanhussklæðningar