Jólablaðið - 15.12.1944, Blaðsíða 12

★ ★★★★★
★ ★★★★★
Jón Benediktsson, prentari:
Draumsýn
verður að
veruleika
Loks eftir langa bið er hin margþráða
draumsýn Akureyringa orðin að veraleika.
Fyrsta áfanganum á brattri leið til fullkom-
ins sigurs er náð. Nemendur skólanna geta
nú rétt úr kútnum eftir margra ára kyrrsetu
á skólabekkjum. Höll æskunnar á Akur-
eyri er nú tekin í notkun, og Akureyringar
sjá nú árangurinn af fórnfýsi sinni, þraut-
seigju og baráttu.
En þótt þungur hafi róðurinn reynzt, og
íþróttahúsið sé svo frámunalega ósjálegt og
lágkúrulegt frá liendi húsameistara og þess
opinbera, sem raun ber vitni um, þá meg-
um við ekki setja það fyrir okkur, heldur
skulum við fara að eins og ástríkir foreldr-
ar við vangefið barn sitt, — hefja það upp
og gera það fagurt að utan, og svo fullkom-
ið innan, að það verði vaxið þeirri háleitu
hugsjón, sem því er ætlað að vinna í þágu
uppeldis þjóðarinnar, líkamlegu atgjörvi
hennar og komandi kynslóða, sem ber að
búa í bróðurlegu samfélagi hins nýskapaða,
betra heims.
En því miður á þetta sér líklega nokkuð
langt í land ennþá, og þjóðin gjörsamlega
á milli vita í þessum efnum. Mönnum hætt-
ir svo við að fara með þessa heilsulind heil-
brigðs lífs — íþróttirnar — í öfgar í hættu-
legri keppni um ,,met“, „meistara“- eða
„konungs“-tign, jafnvel lífi og heilsu til
tjóns. Möguleikunum til líkamlegs frama
er líka svo herfilega misskipt milli hinna
ýmsu landshluta, að sömu lög geta alls ekki
gilt þar og í Reykjavík. Þannig þarf til dæm-
is að blása liíandi anda víðsýni og þekking-
ar í íþróttalöggjöf vora, áður en hún á við
um hina fábreyttu aðstöðu, sem víðast hvar
er fyrir hendi út um land. Það lítur helzt
út fyrir, að lagasmiðir þessir hafi álitið, að
það væri sundhöll í hverri sveit og bæ á
landi hér, rétt eins og í Reykjavík.
Þið, sem kunnið að hafa áhuga fyrir jafn-
rétti til handa öllum landsins börnum, —
en það þykjast nú víst flestir hafa, að
minnsta kosti í orði kveðnu, þótt það kosti
jafnan hörð átök, ef til framkvæmda á að
koma, og því blóðugri sem þjóðirnar eru á
hærra menningarstigi, — getið nii íhugað
með sjálfum ykkur aðstöðumuninn til
sundiðkana í Reykjavík og út um land, —
eins og t. d. í Fnjóskadal, þar sem enginn
sundpollur fyrirfinnst, hvað þá heldur
sundhöll.
Nei, — í Reykjavík, — þar er ekki verið að
skera neitt við neglur sér, eins og þegar á
að gera eitthvað hér á Akureyri.
10 JÓLABLAÐIÐ