Vinnan og verkalýðurinn - 15.04.1953, Síða 14

Um hagsmunir sjálfsfæði og kosningar
Ófrjáls þjóð verður ætíð snauð og óhamingjusöm. Þetta ættum
vér íslendingar að skilja mörgum öðrum þjóðxun betur.
Þjóðernislegt ófrelsi þýðir það, að erlent vald segir heimaþjóðinni
fyrir verkum, skammtar henni kosti og kjör. — Þessu fylgir ekki
aðeins pólitísk áþján og siðferðileg auðmýking í mörgum myndum,
heldur og efnahagsleg niðurlæging, þeim mun tilfinnanlegri sem hið
erlenda vald færist meira í aukana. — Kross nýlenduánauðarinnar
leggst framar öllu á herðar alþýðu.
Til eru þó stéttarhópar með undirokuðum þjóðum, sem una lífinu
vel og auka sjóði sína að sama skapi sem lengra sígur á ógæfuhlið
fyrir alþýðu manna. Þetta er sá innlendi auðstéttarhópur, sem hinn
erlendi kúgari hefur í þjónustu sinni til að gefa ánauðinni innlendan
sjálfstjórnarsvip; fámennur þjóðfélagshópur, sem hirðir umboðs-
gróða af einokun innflutningsvarningsins og dýrtíð, þyggur fé og
fríðindi hjá erlendum einokunarhringum fyrir að tryggja þeim fram-
leiðsluvöru þjóðar sinnar við lágu verði. Þetta eru þeir, sem njóta for-
réttinda á tímum hinnar fjarstýrðu lánsf járkreppu og atvinnuleysis,
hagnast á gengislækkunum og launaráni hjá almenningi. — Þetta
eru samskonar þjóðfélagsöfl og þau, er ráðið hafa mestu um óstjórn-
ina á íslandi nokkur s.l. ár.
Þetta er saga, sem ekki má líða oss úr minni. Sumarið 1946, þegar
alþingiskosningar fóru fram, hafði ísl. verkalýðurinn í krafti öflugrar
stéttareiningar náð miklum áhrifum í stjóm- þjóðarbúskaparins, með
þeim árangri að atvinnulíf landsmanna og hagur var með meiri blóma
en áður voru dæmi til. Þetta var þegar tímabil nýsköpunarinnar stóð
sem hæst. Forystuklíkur hinna borgaralegu flokka: Sjálfstæðisflokks-
ins, Framsóknar og Alþýðuflokksins, fengu upp úr kosningum 1946
aðstöðu, sem þeir neyttu óspart, til að bola úr ríkisstjórn fulltrúum
alþýðunnar og nýsköpunarinnar, sósíalistum. — Hinn fámenni auð-
stéttarhópur, sem ekki á samleið með íslenzkum hagsmunum og mála-
lið hans, tók forystuna. Valdaferill þessarar samsærisklíku þríflokk-
anna, allt frá Stefáns Jóhanns stjórninni til núverandi ríkisstjórnar,
er varðaður röð svika við málstað sjálfstæðisins, samfara hverju hrak-
12
VINNAN og verkalýðurinn