Goðasteinn - 01.09.2003, Qupperneq 7

Goðasteinn 2003
Fylgt úr hlaði '
JÓN ÞÓRÐARSON, FORMAÐUR RITNEFNDAR GOÐASTEINS v 1
Goðasteinn kemur núna út mun seinna á árinu en hann hefur gert um árbil og
eru lesendur beðnir velvirðingar á því. Við í ritnefndinni og þá sérstaklega ég sem
formaður og starfsmaður ritnefndar heiti því að framvegis verði betur haldið á
spöðunum. Afsökunin er að mestu heilsufarslegs eðlis og það er vonandi að slíkt
komi ekki til framar.
Nóg um það að sinni, en að baki er fyrsta heila starfsárið hjá þeirri ritnefnd
sem tók til starfa að loknum sveitarstjórnakosningum á síðasta ári. Eg greindi í
fyrra frá því að Guðmundur Sæmundsson væri fluttur úr héraðinu upp að
Laugarvatni og hættur í ritstjórn Goðasteins, en svo sáum við okkur leik á borði
þegar umbrotsmann vantaði að ritinu með skömmum fyrirvara núna í sumar.
Guðmundur er öllu vanur varðandi Goðastein og hefur brotið hann um til fjölda
ára. Hann var tilbúinn til verksins og er því umbrot og skipulag Goðasteins í
höndum Guðmundar.
Efni ritsins er um flest með líku sniði og lesendur þekkja frá liðnum árum.
Margar greinar sem hér birtast eru sannkallaðar gersemar og er það ljóst að
Goðasteinn á vildarvini mjög víða. Nú ber hins vegar svo við að enginn sérstakur
bókarauki er í Goðasteini eins og undanfarin þrjú ár þegar Þórður Tómasson safn-
vörður var heiðraður áttræður eitt árið, jarðskjálftunum stóru á Suðurlandi voru
gerð skil með bókarauka annað árið og þúsund ára kristni á íslandi minnst þriðja
árið. Ársskýrslur eru engar frá sveitarfélögum að þessu sinni, en á miðju síðasta
ári urðu stórar sameiningar hjá öllum sveitarfélugunum í sýslunni nema Ása-
hreppi og til varð Rangárþing ytra og Rangárþing eystra. Yfirstandandi ár er því
fyrsta heila starfsárið hjá tveimur þriggja sveitarfélaga í Rangárþingi og er gert
ráð fyrir skýrslum frá öllum sveitarfélögunum á næsta ári. Yfirlit frá félaga-
samtökum í sýslunni eru einnig alltaf vel séð á síðum Goðasteins, enda vel við
hæfi. Nýtt umbrot sparar pláss og fækkar síðum
Á meðan á vinnslu Goðasteins stóð létust nokkiár vildarvinir ritsins. Sérstak-
lega skal hér rninnst þeirra Friðjóns Guðröðarsonar fyrrum sýslumanns Rangæ-
inga sem sat í ritstjórn Goðasteins um langt árabil, Ingólfs Sigurðssonar á Þing-
skálum sem skrifaði margar fróðlegar greinar í ritið og birtist ein þeirra núna og
-5-