Goðasteinn - 01.09.2003, Blaðsíða 35

Goðasteinn 2003
28 Fí»b 2000 ph
tp V3.0
Helidarhreyfing fyrir miemurmndi tiönibii - hau
Mynd 4. Myndin sýnir gosóróa meðan á eldgosinu stóð. Mestur er óróinn fyrstu
dagana og kemur það heim og saman við það að þá kom mest upp af gosefnum.
(Heimild: Jarðeðlissvið Veðurstofu Islands).
Hæð gosmakkarins hélst síðan tiltölulega stöðug, um 11 km, fram til kl. 22:00.
Upp úr kl. 20:00 um kvöldið komu fram stallar í útjaðri gosmakkarins, þannig
greinir radar Veðurstofunnar útjaðar gosmakkarins í um 5 km hæð. Síðan upp úr
tíu um kvöldið er megingosmökkurinn í um 5-7 km hæð og helst þannig fram
eftir nóttu.
Gervihnöttur af MODIS gerð var einnig á sveimi yfir íslandi á þessum tírna.
Þessi gervihnöttur er þess eðlis að hann mælir raka í andrúmsloftinu. Fyrstu gögn
bárust frá honum upp úr 19:45 og sýndu að gosmökkurinn var að mestu gerður úr
ískristöllum, þ.e. vatni. Þetta kemur vel heim og saman við það að megin kviku-
sprengingin var yfirstaðin og askan henni samfara þegar farin af gosstöðvunum.
Vettvangsrannsóknir sumarið eftir sýndu að sprungunni var skipt upp í fimm
einingar, eins og áður segir. Sprungurnar syðst og nyrst báru þess skýr merki að
upp um þær hafi komið hraun að mestu. Hins vegar bar miðsprungan öll merki
þess að kvikan hafi blandast vatni í gosopinu og þannig viðhaldið sprengivirkni
sinni út gostímann. Það verður því að teljast líklegt að hinn hái og langvarandi
gosmökkur yfir eldstöðvunum hafi átt rætur sínar að rekja til miðsprungunnar.
Enda er það ekki óalgengt að gosmekkir frá eldstöðvum þar sem vatn og kvika
blandast saman nái upp í 10 km hæð eða meira.
-33-