Goðasteinn - 01.09.2003, Page 86

Goðasteinn 2003
17. desember er Björgvin sýslumaður enn kominn suður að Hólmum vegna
strandsins. Þá var mættur Guðmundur Kristjánsson skipamiðlari, umboðsmaður
vátryggjenda. Spurði:
1. Hvort skipinu yrði náð á flot.
2. Hvort hægt sé að gera skipið haffært.
Dómarinn skipaði Sigurð Vigfússon, Brúnum og Magnús skipstjóra Magnús-
son, Reykjavík til að meta ástand skipsins og skemmdir á því og álit á því hvort
draga megi skipið út.
18. desember er lögreglustjóri á Bakkafjöru ásamt eiðsvörnum matsmönnum.
Lýsing þeirra og álitsgerð er svohljóðandi:
1. Skipið liggur í smástraumsflæðarmáli, en utan við grunn og boðar ca. 800
m.
2. Skjólborð á bakborða sveigt inn og allar þilfarsstoðir beygðar og brotnar.
Þilfar gengið upp.
3. Bakborðshlið víða gereyðilögð svo víða sést út um skipið.
4. Vélar enn óskemmdar, en sjór leikur um þær.
5. Siglur og reiði óskaddað.
Skipið dæmt algjört strand. Að því búnu undirbúið uppboð. Uppboð var haldið
fyrir jól. Talið að strandgóss hafi selst fyrir 30-40 þúsund kr. Hjörtur Fjeldsted
keypti skrokkinn fyrir 6500 kr.
Þetta hefur verið gott uppboð sem „hljóp“ á 30-40 þúsund. Faðir nrinn fór á
uppboðið, keypti tvo hlera (lestarhlera) úr góðu timbri. Voru þeir lengi fyrir
hlöðudyrum á Ulfsstöðum. Eg man lrka eftir tveim bókum á dönsku með fjölda
mynda, sem ég fékk. Hafði ég gaman af myndunum en skildi ekki textann. Ég
missti þessar bækur út í veður og mikinn vind og grét beisklega.
I réttaiprófunum vekur athygli að verðir eru settir við strandið dag og nótt m.a.
vegna þess að brátt fari að birta af tungli!
Strandmenn eru sendir „yfir land til Reykjavíkur“. Kaup fylgdarmanna er
frekar hátt og hestar kosta 10 kr. á dag (líklega tvöfalt almennt dagkaup vinnandi
manns).
Eigandi strandaða skipsins var Hjörtur Fjeldsted sem keypti flakið á 6500 kr.
sem fyrr segir.
Næst verða eigendur þrír, allir í Vestmannaeyjum: Einar Magnússon vélsmiður,
Högni Sigurðsson hreppstjóri og Símon Egilsson hafnarvörður. Ekki er vitað á
hvaða verði þeir keyptu.
-84-