Goðasteinn - 01.09.2003, Qupperneq 136

Goðasteinn 2003
Oddastefnur hafa verið haldnar víðs vegar um Rangárþing. Þær hafa verið
þokkalega sóttar og stundum vel eins og gengur gerist. Margt togast á sam-
tímis og gengur fyrir þótt áhugi sé fyrir hendi að mæta á Oddastefnu, störf, ferðir
annað og mannamót af ýmsum toga, fagnaður eða jarðarfarir. En með Goðasteini,
héraðsriti Rangæinga, berast erindi Oddastefnu víðar, þar birtast þau Oddastefnu-
gestum á ný og þeim sem fjarstaddir voru það sinnið.
Af ýmsum ástæðum var Oddastefna ekki haldin í fyrra, árið 2002. Voru þá
kosningar til Alþingis. En það ber vel í veiði því að dregist hefur nokkuð að birta
í Goðasteini fróðlegt og skemmtilegt erindi dr. Guðrúnar Nordal sem haldið var
að beiðni Oddafélagsins á málþingi árið 2001.
Auk Oddastefna í Rangárþingi hefur Oddafélagið staðið að málþingum í höf-
uðstaðnum þrisvar. Laugardaginn 17. febrúar 2001 var haldið málþing í Þjóðar-
bókhlöðu á vegum Oddafélagsins og Grikklandsvinafélagsins Hellas um áhrif
grískrar og latneskrar menningar á íslandi að fornu. Þar flutti dr. Guðrún Nordal
dósent við Háskóla Islands erindi um Snorra Sturluson og skólanám á miðöldum.
Eins og Rangæingum og öðrum lesendum Goðasteins er kunnugt ólst Snorri upp í
Odda á Rangárvöllum. Með góðfúslegu leyfi Guðrúnar birtist nú í Goðasteini
fróðlegur fyrirlestur hennar um Snorra í Odda.
Þór Jakobsson veðurfrœðingur,
formaður Oddafélagsins
Alhlida bygginga- og verktakastarfsemi
Ormsvelli 5, Hvolsvelli
sími 487 8400
-134-