Goðasteinn - 01.09.2003, Blaðsíða 152

Annálar 2002
Goðasteinn 2003
Breiðabólstaðarprestakall
Hlíðarenda-, Breiðabólstaðar- og Stórólfshvolssóknir
Kirkjustarfið
Flest hefur verið í hefðbundnu horfi í Breiðabólstaðarprestakalli undanfarið ár. Stór
hluti starfsins fer fram á Hvolsvelli og er ætlaður íbúum alls prestakallsins, s.s. barna- og
æskulýðsstarf.
Guðsþjónustum hefur verið þannig háttað að í Stórólfshvolskirkju fara þær fram
þriðja hvern sunnudag, tíðar yfir hátíðir. Sama sunnudag fer frarn helgihald í Breiðaból-
staðar- og Hlíðarendakirkjum til skiptis.
Helgistundir fara fram á Dvalarheimilinu Kirkjuhvoli kl. 10:15 árdegis hvern messu-
dag og hefur kór Stórólfshvolskirkju sungið fyrir heimilisfólkið við undirleik organista.
Kirkjuskóli er hvern sunnudag haust-, vetrar- og vormánuði. Hann fer að mestu fram í
Stórólfshvolskirkju og er ætlaður fyrir allt prestakallið. Einu sinni í mánuði fer dagskrá
kirkjuskólans fram á Kirkjuhvoli. Starfsmaður er Auður Halldórsdóttir kennari. Börn úr
NTT-starfi aðstoða.
NTT-starfið (níu til tólf ára starf) hefur verið með hefðbundnum hætti. Starfið fer fram
í Hvolsskóla og er vikulega haust, vetur og vor. Sami háttur verður hafður á. Auður Hall-
dórsdóttir annast NTT.
Fermingarfræðsla fer fram vikulega yfir vetrarmánuðina og stendur yfir í 50 til 60
mínútur hverju sinni. Fermingarbörnunum er gert að mæta í hverja guðsþjónustu meðan á
fræðslu stendur. Einnig er þeim gert að vera í handleiðslu hjá „öldungi“ eina klst. í viku
yfir veturinn ásamt því að leggja NTT-starfinu lið.
Organisti er Guðjón Halldór Oskarsson og þjónar hann öllu prestakallinu.
Framkvæmdir á kirkjum
Stórólfshvolskirkja. Safnaðarhús hefur verið flutt og hefur hlotið það hlutverk að vera
þjónustuhús nýja kirkjugarðsins sem er í Akurslandi. Undirbúningur er hafinn fyrir mun
stærra og öflugra þjónustuhús sem verður staðsett á sama stað og hið eldra, þ.e. rétt við
kirkjuna. Ljóst er að það mun breyta miklu fyrir allt safnaðarstarfið.
Breiðabólstaðarkirkja. Hinn I. des. var vígt nýtt safnaðarhús að Breiðabólstað. Húsið
er um 55 fm. að stærð og verður búið helstu þægindum til fundahalds, fræðslu og
söngæfinga. Þar er snyrtiaðstaða fyrir fatlaða sem ófatlaða sem lengi hefur skort ásamt
vatnsaðstöðu fyrir þá sem hlú að leiðum ættingja og vina yfir sumarmánuðina. Kirkjan á
Breiðabólstað er upplýst alla vetrarmánuðina þrátt fyrir hátt orkuverð.
Hlíðarendakirkja. Einhverra hluta vegna hefur ekki náðst samstaða um salernis-
aðstöðu við kirkjuna þótt þangað streymi þúsundir ferðamanna ár hvert. Tæpast verður
þó sú þjónustuskylda færð yfir á fámennan söfnuðinn og ber að skoða skort á þessari
þjónustu við gesti og gangandi í ljósi slælegrar framgöngu yfirvalda lands og héraðs.
-150-