Goðasteinn - 01.09.2011, Blaðsíða 126

124
Goðasteinn 2011
Með byggingu safnhússins hófst uppbygging á gömlum bæjarhúsum á safn-
svæðinu. Árið 1968 var fyrsta húsið flutt að Skógum og endurreist þar. Var
það skemma frá Varmahlíð undir Eyjafjöllum sem langafi Þórðar byggði á bæ
sínum um 1840. fljótlega komu svo skarsúðarbaðstofa, hlóðaeldhús, stofa og
búr. Þessi voru þó aðeins fyrstu húsin af mörgum og enn er að bætast við. Nú
síðast kirkja og skólahús. Allt voru þetta hús sem voru flutt úr Rangárþingi og
Vestur-Skaftafellssýslu og endurbyggð í Skógum.
Árið 1990 var svo ákveðið að reisa viðbyggingu við safnhúsið svo að safnið
fengi notið sín sem skyldi. Áraskipið Pétursey var flutt í húsið og stendur þar
með rá og reiða. Með tilkomu þessa húss jókst rými verulega og varð þá fyrst
gerlegt að skipta safninu niður í deildir, það er sjósóknardeild, landbúnaðardeild
og svo framvegis. einnig var stofnað héraðsskjalasafn fyrir Rangárvallasýslu
og Vestur-Skaftafellssýslu í kjallara nýja hússins.
Árið 2002 var opnað samgöngusafn í miklu sýningarhúsi sem reist var á safn-
svæðinu. Þetta er safn samgöngu- og tækniminja, auk sýningardeildar um þátt
hestsins í ferðum og flutningum og um ferjuflutninga. Veitingasala og verslun
er þar innan veggja. Safnið hefur tekið að sér rekstur skólabygginga í Skógum
eftir að framhaldsskólinn var lagður niður.
Haustið 1999 tók Sverrir Magnússon, fyrrverandi skólastjóri Skógaskóla um
mörg ár, við sem framkvæmdastjóri safnsins. Auk þess að sjá um daglegan
rekstur þess, fjármál og mannahald hafði Sverrir meðal annars með allan undir-
búning að gera varðandi samgöngusafnið svo sem fjáröflun, samningagerð og
val á sýningum og munum og hefur sú safndeild verið á hans könnu síðan.
(www.skogasafn.is).
2.5 styrkleikar skóga
Þótt fámenni sé í Skógum núorðið (miðað við fasta búsetu) eru þó ýmsir
þættir í byggðarlaginu sem geta hjálpað til við að efla þar byggð að nýju. Hér
verða nefndir fáeinir slíkir þættir sem eru meðal styrkleika staðarins.
staðsetning
Skógar blasa við af þjóðvegi 1 sem tugþúsundir ferðamanna bruna eftir á
sumrin og er samgönguleið innan héraðs og milli landshluta allan ársins hring.
Staðurinn er nokkuð miðsvæðis og sómir sér vel í skjóli fjalla. Því er óhætt að
telja staðsetninguna út af fyrir sig til tekna fyrir Skóga og starfsemi þar. Veð-
ursæld er annáluð undir eyjafjöllum þótt stundum geti verið þar úrkomu- og
vindasamt.