Goðasteinn - 01.09.2011, Blaðsíða 159

157
Goðasteinn 2011
Íþrótta- og æskulýðsmál
Öflugt íþrótta og æskulýðsstarf er rekið í sveitarfélaginu. Starfrækt er svo-
kölluð samfella sem felst í því að nemendur sem koma úr dreifbýlinu hafa mögu-
leika á að taka virkan þátt í félags- og íþróttalífi eftir að hefðbundnum skóla
lýkur, skólaakstur er m.a. tengdur þessu starfi. Þá er starfrækt öflug félagsmið-
stöð fyrir unglinga. fjölbreytt íþróttastarfsemi er í boði hjá Knattspyrnufélagi
Rangæinga og Íþróttafélaginu dímon.
Mikil heilsuefling hefur verið í sveitarfélaginu og efnilegt íþróttafólk af
svæðinu hefur verið að gera góða hluti eins og fótboltamaðurinn Hólmfríður
Magnúsdóttir. Hólmfríður er leikmaður Philadelphia independence og íslenska
landsliðsins í knattspyrnu. Hún heimsótti krakka í sunnlenskum knattspyrnu-
liðum í ágúst. Þar var hún komin á heimavöll því þessi snjalla landsliðskona frá
uxahrygg á Rangárvöllum steig sín fyrstu skref í boltanum með KfR.
Kjartan Þorkelsson, sýslumaður Rangæinga, var kjörinn Sunnlendingur árs-
ins 2010 af lesendum Sunnlenska fréttablaðsins og sunnlenska.is. Kjartan er
yfirmaður almannavarna í Rangárvalla- og Vestur-Skaftafellssýslum og var í
forystu viðbragðsaðila sem brugðust skjótt við þegar boð bárust um að gos væri
hafið í Eyjafjallajökli snemma aðfararnætur sunnudagsins 21. mars.
Jól og áramót er annasamur tími í sveitarfélaginu og mikið um að vera í
menningar- og félagslífi. Jólatréð við Landsbankann var tendrað í byrjun des-
ember og markar undirbúning jólahátíðarinnar. Pólsku jólin hafa skipað sinn
sess eins og farið var yfir hér á undan, tónleikar eru víða, markaðir eru líflegir
og tónlistarmenn troða upp í minni samkvæmum og fyrirtækjum. Jólaböll eru
haldin í félagsheimilunum fyrir börnin og árleg áramótabrenna og dansleikur
haldinn á Hvolsvelli til að ljúka árinu.